كلبشة العربيات
كنت راكن عربيتى جنب الرصيف ركنة قانونية والوضع مستتب ورحت
مشوار ولما رجعت لاقيت عربية واقفة صف تانى قفلة عليا والمشكلة ا نها متكلبشة المهم صاحب العربية جه انا اسف انا حروح ادور على ا لونش عشان يفك الكلبشة طب انا اتاخرت واتعطلت وانا راكن مظبوط وقانونى انا ليا بعض التعليقات اولا: الفكرة فاشلة بتاعة الكلبشة لان الناس لسه بتركن و ولما تكلبش تسيب كل بينات الونش او النقطة المرورية اللى انت تابع ليها عشان لما اجى الاقيها كده اعرف اروح فين ثانيا:مش اسهل انك تاخد العربية مخالفة وتلزق ورقة على زجاج ا لسواق توضخ انه اتاخد مخالفة حتكون اسهل واسرع واسلوب متحضر وماعطلتش حد وساعتها مش محتاجين ونش كبير يعدى لا ممكن امين شرطة بموتوسيكل يلف فقللنا الزحمة لان الونش بيقف وحجمه كبير |
رد: كلبشة العربيات
والله كلام حضرتك مظبوط 100 %
بس هنقول لمين كلو ماشى بدماغو |
رد: كلبشة العربيات
انا مع حضرتك ان قرار كلبشه السيارات من أغبى القرارات المروريه و انا بتخنق اوى ptmnlo123per111
بس لو إتعمل إسلوب متحضر والناس المخالفه بس هيا الى إتعاقبت و مفيش ناس إتظلمت (زى حضرتك و غيرك كتير) و الدنيا حلوه و كله تمام ساعتها مش حنحس اننا فمصر!! بلدنا حتوحشنا :HAPPY_~211: |
رد: كلبشة العربيات
وأنا مع فكرتك
بس مين هيوصل صوتنا لأصحاب القرار؟؟؟!!! |
رد: كلبشة العربيات
لما تكون البلد بلدنا نبقى نعمل فيها اللى احنا عايزينه ونغير ونعدل على مزاج مزاجنا
لكن بما اننا ضيوف فيها والحكومة بتاعتنا بتعز ضيوفها قوى وتحب تكرمهم اخر كرم وماسكة فينا بايديها وسنانها يبقى من حقها تكلبشنا ....... بأى نوع وبأى طريقة ........... هانتكلبش يعنى هانتكلبش وايه يعنى لما حضرتك تتأخر شوية ........اللى مايتعملش النهاردة يتعمل بكرة ....... يعنى هى الدنيا طارت ......... والا الواحد فينا وراه الديوان .......المهم ان حضرتك اتعرفت على واحد تانى ضيف برضه ومتكلبش زاي حضرتك بالظبط رغم انك راكن قانونى تماما بس اتكلبشت معاه عشان هو متكلبش ......... وكلمة منك على كلمة منه تزيد المعرفة والمحبة ........... ونساعد بعضينا فى التدوير على الونش ......... وتزيد المحبة اكتر لما كلنا نسأل على الظابط بتاع الونش ونطمن عليه والونش يلف ويلف والزحمة تزيد والطريق يقف والاشارات مقفولة والناس تنزل من عربياتها يفضفضو مع بعض ويتعرفو على بعض ............. الخ الخ الخ شوفتم بقى ازاى الحكومة بتفكر فى مصلحة ضيوفها ......... دايما ظالمنيها كده !!!!!........ الله يسامحكم ptmnlo123per1106 |
الساعة الآن 10:53 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017