مصر موتورز مجتمع السيارات - انا في حاله غريبه..مجتليش قبل كده

السلام عليكم
انا حصلي في حياتي مشاكل كتير وصعوبات وفشل وفراق لناس عزيزه ...ابتلاءت
ودايما كنت بحس ان ربنا واقف في ضهري..بيعلمني وبيسندني.واكتشفت ان ربنا بيحب الصبر جدا..وعشان كده ذكر الاستعجال بصوره غير مرغوبه(خلق الانسان من عجل_سؤريكم اياتي فلا تستعجلون) وقال ايضا(وكان الانسان عجولا)
ف ربنا بيحب يعلمنا الصبر

انا كان عندي موضوع كبير كنت مشغول فيه امبارح طول اليوم ومشفتش ولا سمعت اي اخبار.واما روحت البيت الساعه11:30 فتحت الميل بتاع الشغل وكمان الفيس بوك..ويارتني ما فتحتهم
لكل الي مشفش الفيديوهاتده انا اسف جدا اني هوريهالكم :
http://www.youtube.com/watch?v=4iboFV-yeTE

http://www.youtube.com/watch?v=mKEmez6P-aQ

http://www.youtube.com/watch?v=DLsb0...eature=related

http://www.youtube.com/watch?v=bnEQg3GF5G0

انا عندي:
غضب شديد وحزن وغل واحباط وتشتت ومصدوم وضغطي عالي ومعرفتش انام امبارح ومش عارف اشتغل النهارده
واتمنيت اني مت يوم 28 يناير قبل ما اشوف الفيديو الي الجيش بتاعنا بيعري فيه حريمنا وبيدمر فيه شبابنا بالطريقه ده
انا مش متفق مع الناس الي معتصمه في التحرير.لكن الجيش ممكن بسهوله شديده يعملهم كماشه يلمهم كوووووووووولهم ويحاكمهم مثلا
مش يقولهم انا هحميكو وياخدهم على خوانه كده!!
انا صابر وبسال ربنا يوجهني اعمل ايه عشان انا مش عارف اسكت وحاسس اني هتجنن فعلا