سؤال للى مركب إنذار وولف للانوس
 

أمبارح وأنا بعمل صيانة ال 5000 للعربية اللانوس فى توكيل منصور ركبت إنذار وولف ووحدتين رفع للاربع أبواب ,, أنا كنت سألت المهندس عن التركيب وقالى هاتهم معاك وهنركبهملك بمصنعية 150 جنية + 15 ضريبة .... بس الحقيقة أنا مش مقتنع بتركيب فنى التوكيل وحاسس أن فى ميزات فى الإنذار معرفش يشغلها .

الانذار بشكل عام ممتاز وفكرة ربطة مع سنتر العربية ووحدات رفع الزجاج رائـــــــــــــــــعة ... خصوصاً وانا كانت مشكلتى دائماً نسيان رفع الزجاج قبل فصل الكونتاكت وساعات بنزل من العربية وأسيب الزجاج الخلفى مفتوح احياناً :fun_rofl:
بس الحمد لله مشكلتى دى اتحلت وبقيت افصل الكونتاكت وانزل من العربية بكل ألاطه وأدوس على زرار الريموت (((شوفوا العز بعد ايام المفتاح الكحيان بدون ريموت))) ومن بعيد كمان يقوم ((أسم الله على مقامكم)) السيد وولف يرفع الزجاج ويسنتر البيبان لأ وكمان يشغل الانذار صوت او ضوء حسب ما تحددله من الريموت.

يعنى هو الانذار شغال كويس جدا ووحدات الرفع كمان شغالة زى الفل الحمد لله :286: ... بس مثلاً اشارات الانتظار مبتشتغلش غير لما افتح باب السواق بس وباقى الابواب لأ ... كمان حاولت اشغل خاصية اصوات السارينة والاشارات مع غيار المارشيدير الجهاز رفض رغم انه الخاصية دى متوضحة فى الكاتالوج وانا نفذت خطوات الدخول على البرمجة صح لكن الوظيفة لم تعمل ولم يقبلها الجهاز.

برجاء ممن لديه انذار وولف راكب على عربيه لانوس يفيدنى فى النقطتين دول :-
* هل الاشارات تعمل مع الاربعة ابواب ام باب السائق فقط ؟؟
* هل يمكن تشغيل اصوات من السارينة وانوار الاشارات مع الرجوع للخلف مارشيدير ولا لأ ؟؟

وشكراً لسعه صدركمSLAM

رد: سؤال للى مركب إنذار وولف للانوس
 

هو فعلا خد فلوس كتير جدا بس ولا يهمك يا باشا شرفنا انت ونعملك اللازم كله
مدينة السلام مساكن اطلس 2 خلف الصالون الاخضر القاهرة مركز خالد الشاطر لصيانة السيارات اليابانية والكورية وتركيب انذار وسنترلوك وقرب رفع الزجاج وعندنا كمان جهاز بـ 200جنيه بالتركيب لو عاوز العربية ماتسرقش لو انت راكب فيها وحد من ولاد التييييييييت (البلطجية) طلع عليك مش هيعرف يدور العربية نهائيا الا لما انت بس اللى تدورها وعنينا ليك يا باشا فى اى حاجة لعربيتك حساسات كنترول لا قدر الله فيس حساسات صيانة رشاشات كشف اعطال موبايلى عشان لو عاوز تكلمنى -- 01005527055

رد: سؤال للى مركب إنذار وولف للانوس
 

بالنسبة لموضوع نور الإشارات لما الباب يتفتح
اللى ركبهولى ربط بين سنسور الباب الأمامي بسلك لباقية الأبواب و عملي سنسور على الكبوت و الشنطة لو أى حاجة فيها اتفتحت و العربية مقفولة السرينة تشتغل

لكن معنديش موضوع المارشدير
ياريت أكون أفتدك

رد: سؤال للى مركب إنذار وولف للانوس
 

يا باشا هل لو تم تركيب جهازالانذار للانوس خارج التوكيل اثناء فترة الضمان يخرج العربية من الضمان ولا عادي اركبه بره ؟

رد: سؤال للى مركب إنذار وولف للانوس
 

بيخرج ضمان الكهرباء فقط