|
العربية عدت عليها خمس سنين وفتحت بقها على الاخر
السلام عليكم ورحمه الله وبركاته
انا من حوالى شهرين دخلت فى مشكله خرطوم الريداتير لاقيته مقطوع وغيرته وده رابط الموضوع بتاعى وبالصور http://www.masrmotors.com/vb/showthread.php?t=101513 لو فتحتوا الموضوع هتلاقوا الاعضاء نصحونى انى اغيرهم كلهم بس انا ماكنتش فاضى الحقيقه حاليا الخرطوم التانى بدا يشتغل هو كمان انا عامل زى الى كل ما يسد خرم يطلعله من حته تانيه كنت شاكك فى الريداتير الاول لان الخرطوم كان ناشف ساعه لما شوفتها وانا افسر الحكايه ده لان العربيه كانت ساخنه ساعتها فكانت اثر التسريب كان بينشف الصبح بصيت على الريداتير لقيته سليم !! من 5 دقايق من الان بالظبط روحت واخد الكشاف ونازل تحت العربيه ابص عليه تانى ورفعت الار بى ام شويه علشان ازود الضغط وبصيت عليه لقيت الى فى الصوره ده والحمد لله ان الريداتير سليم http://im19.gulfup.com/EsM91.jpg ان شاء الله هروح بكره اجيب الخرطوم وقفزان كويسه واركبها اسألتى : هل الخراطيم ده ليها نوع معين ؟ الخرطوم الى انا اشتريته قبل كده الراجل جابه من المخزن وشكله قديم ومترب وماهتمتش لانه صغير جدا مايجيش 15 سم اما الخرطوم ده طويل جدا حوالى نصف متر وحاجه تانيه : الخرطوم الى متركب حاليا عليه خرطوم تانى من الجلد اكبر منه يعنى خرطومين جوه بعض ؟؟ ليه ؟ وهل لازم اعمل نفس الحكايه فى الجديد ؟ السؤال الثالث: الخرطوم الى متوصل بالريداتير تحت خالص فى اسفل الريداتير وانا بركبه اوصله وانا تحت العربيه ولا من فوووق ؟؟؟ مع العلم انها ضيقه من فوق شويه ومغطى علي الخرطوم التلاجه شكرا جزيلا |
رد: العربية عدت عليها خمس سنين وفتحت بقها على الاخر
السلام عليكم بسيطه ان شاء الله اشتري الخرطوم من التوكيل وعلى ما اظن نفس خرطوم التيريوس ولو مش موجود اي خرطوم من حد موثوق فيه وعلى ما أظن انه خرطوم واحد مش اثنين ممكن يكون الخرطوم فاصل من الداخل والتركيب الي يحكم فيه عدلك في التركيب سواء من فوق او من اسفل وما تنساش قفزان جديده ولو الكوعه (الخرطوم ) طويل شويه ممكن تقطع منه حته وتركبه تاني والله المستعان |
رد: العربية عدت عليها خمس سنين وفتحت بقها على الاخر
اقتباس:
شكرا جزيلا لاهتمامك وتعبك |
رد: العربية عدت عليها خمس سنين وفتحت بقها على الاخر
ده صوره الخرطومين الى فى بعض الى قولت لحضرتك عليها مع العلم انى جيت احط ايدى على الحته ده لقيتها ملزوقه وحاولت اشيلها لقيتها بتتشال معايا
http://im18.gulfup.com/Xxoy3.jpg اما السهم الى فى الصوره ده فبيدل على الجانب التانى من الخرطوم الى متوصل فى الموتور وفيه والى تحت السهم بالظبط ده ينتهى الخرطوم الى فوق ويبدا الخرطوم الصغير يطلع منه ويوصل فى الموتور http://im18.gulfup.com/DuqU2.jpg اما الصوره الثالثه فكنت حابب اورى حضرتك انه مستحيل اوصل للخرطوم الى متوصل للموتور من فوق لانه تحت كل ده وصعب برضو اوصله من تحت شويه لكن مش مستحيل ماهو يا اما اشتغل على الوضع الحالى وهتقرف شويه والعمليه هتطول يا اما افك التلاجه وده مستحيل يا اما افك الشاسيه من تحت هههههههه وده من رابع المستحيلات :sycho26: فانا هرضى بالامر الواقع http://im18.gulfup.com/Fa3q1.jpg حد يبشرنى ويقولى ان الجلد ده كله هيبوظ هههههههه لا حول ولا قوه الا بالله |
رد: العربية عدت عليها خمس سنين وفتحت بقها على الاخر
عزيزي لاتقلق كل الخراطيم ليها عمر افتراضي متفاوت حسب الخامه اشتري الخرطوم من اي حد بتاع قطع غيار وعلامه الخرطوم الكويس ما بيشعرش والرجل بيقطعه ولا تلاقي طرفه مشقق بعد القطع ثانيا موضوع الوصول للخرطوم طبعا من تحت اسهل بس خلي بالك الميه تغرقك موضوع الخرطومين اللي جوا بعض عادي جدا الخرطوم الخارجي للحمايه مش اكتر وممكن تخلع منه القديم وتدكك فيه الجديد اهم حاجه اربط كويس علي القفزان الحديد ولو عايز نصحتي بجد اقطع 1 سم من الخرطوم القديم وركبه تاني وهات قفيز جديد وركبه وشد عليه من نااااااااااااار لان المشكله ان القفزان القديمه انتهت زي ما في الصور وانا معاك فاي استفسار |
| الساعة الآن 10:43 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017