مصر موتورز مجتمع السيارات - معالجة وازالة الخدوش البسيطة وتلميع السيارة (شرح بالصور)

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

معالجة وازالة الخدوش البسيطة وتلميع السيارة (شرح بالصور)

http://www.wisebread.com/files/fruga...1862ef88fc.jpg

اولا فيه ثلاثة انواع من الخدوش

الخدوش السطحية البسيطة
1- نوع بسيط ناتج عن احتكاك التراب بجسم السيارة واستخدام الفوطة الذفرة لتلميع السيارة ---------- للمعالجة استخدم لها الكومبوند وللوقاية استخدم الشمع

خدوش متوسطة
2- نوع متوسط ناتج عن احتكاك ادي لاختراق طبقة الدهان وظهور طبقة المعجون ------- وديه اللي هتكلم عن معالجتها

خدوش قوية تكشف الصاج
3- نوع قوي ناتج عن احتكاك ادي لاخراق كامل طبقة الدهان والمعجون وظهور الصاج ----- وديه لازم معالجتها بدهان اسبراي مش عشان متبانش لانها هتبان بس عشان البارومة

نرجع بقي للنوع التاني وده النوع اللي بيعملوا الحرافيش الصغننين في عربيتك باستخدام المسامير وقطع الزجاج

وظيفة البولش والكومباوند
اولا اسمحولي اقولها بوضوح البولش ولو خشن او الكومبوند مش بيشيل الا الحكات الخفيفة اوي بتاعة التراب (والي في الغالب بتيجي من مسح العربية بالفوطة الذفرة) وديه بتبقي صغيره جدا ولم تصل لحد اختراق البوية وكشف ما تحتها من معجون

في الغالب الخدوش اللي بتتكلم عنها واللي كلنا بنعاني منها هي من النوع اللي بيخترق البوية ويوصل للمعجون وديه بتبقي باينة جدا لسببين :

السبب الاول
انها قاطعة البوية وبالتالي عاملة علامة نتيجة انخفاضها عن باقي مستوي البويه

السبب الثانيً
لانها بتكشف المعجون وبالتالي بيبان الفرق اللوني بين البوية والمعجون اللي في الغالب بيكون لونة ابيض او احمر

لعلاج السبب الاول
صعب التغلب عليه الا بالسحق بماده سنفرة عاليه الخشونة عشان نسوي كل ما هو حولين الخربوش عشان المستوي يبقي واحد
ويستخدم فى ذلك النسفرة الورقية بعد بلها بالماء او باستخدام الصاروخ كما فى الصورة

http://pearlsautospa.com/public/supe...lishing300.jpg

او باستعمال ماده تقوم بملاء الفراغ الناتج عن الخربوش
للاسف حتي الان لم اجد اي ماده تقوم بعمل اي من الطريقتين !!

لعلاج السبب الثاني :
يمكن التغلب عليه باستخدام اما :
1: بولش بلون السيارة --- وده بيبقي فيه منة الوان تقريبية يعني الجراي والفضي والفراني كلهم ليهم لون واحد ودرجات الازرق لون وهكذا وده فكرتة قائمة علي تنظيف سطح السيارة تماما (وظيفة البولش الطبيعية) بالاضافة الي سبغ عمق الخدش ليصبح قريبا من لون الدهان مما يحد من سوء شكل الخرابيش
سعرة في حدود 30 - 50 جنية انا جيبت نوع صنع في الاتحاد الاوربي ماركة مجهولة ب 38 من هايبروان اللي في داندي مول

(تعليق شخصي)
بصراحة بعد ما استخدمته مش حاسس انة مفيد اوي وخسارة فيه الفلوس الا لاستخدامة كبولش عامة

2: استخدام اسبراي لون مقارب للون السيارة وبعد رشة بثواني تقوم بمسحة بجاز لازالتة من علي كل البوية بس طبيبعي انة هيملا الشقوق بتاعة الخرابيش فتبقي بلون قريب للسيارة
ده سعرة بيتراوح بين 10 - 15 جنية ويباع عند اي موان 8)

(الامل) في وجود KIT عبارة عن مجموعة مواد تضاف بالتتابع ويده بتعمل عمل المعجون لسد مكان شقوق البوية ثم تلوينها ثم سنفرتها لتسويتها تماما بالسطح الكيتس ديه بتتباع برة ولسه مشوفتش منها في مصر ولا اعلم مدى فعاليتها كمنتج لاكن كتكنيك فهي اصح تعامل مع الخدوش

طريقة استخدام البولش :

البولش مادة سائلة (عكس الكومبوند او الشمع اللى بيبقى على شكل كريم )

فتغطية العربية بيه اسهل واقل فى المجهود

فيه نوعين عامة من البولش نوع عادى ونوع عليه اضافات شمعية بحيث يدى نتيجة التنظيف والتلميع فى نفس الوقت

فيه انواع منة بتبقى على شكل زجاجة ببخاخ وديه اسهل حاجة طبعا بترش وبعدين تمس بفوطة ناشفة

او العبوات السائلة بتسخدم قطنه معاها لتوزيع السائل على العربية

وعامة يعامل البولش معاملة المواد المنظفة يعنى مش محتاج تسحق بيه العربية او او تستنى عليه فترة زى الكومبوند و الشمع مجرد انك تغسل بيه الاجزاء اللى فيها اثار دهان من عربية تانية وتلمع بعدها

اخيرا للوقايه من الخدوش بانوعها واظب علي :
1: استخدام الشمع كل فترة
2: عدم ترك السيارة بدون غطاء
3: استخدم اغطية السيارة المبطنة
4: ابتعد عن استخدام الفوطة الذفرة (خاصة مع استخدام فوطة ممتلئة بالاتربة)
5: تجنب عدم ترك السيارة في مناطق ذات كثافة مرورية (مشاة) عاليه لان الناس بتمشي تلوش بأيديها وبالشنط اللي شايلاها
6: احتفظ بالسيارة دائما نظيفة لان الاتربة المتراكمة علي السيارة اكبر مسبب للخدوش

ملحوظة هامة
يجب ملاحظة ان اغلب الوسائل المستخدمة فى معالجة الخدوش تؤدى الى ازالة طبقة (التشميع) او اللمعة المميزة للدهان الجديد وخاصة اذا استخدمت بشكل مفرط

للبحث علي الانترنت عن منتجات اذالة الخدوش استخدم الكلمات التاليه في محركات البحث
car scratch remover, car scratches, scratch kit, automotive body repair tools,
---------------

للمزيد من المعلومات عن الحفاظ على دهان السيارة والتشميع يرجى زيارة موضوعى التالى
تشميع السيارة خطوه بخطوة
http://www.masrmotors.com/vb/showthread.php?t=671

تشميع السيارة خطوه بخطوة

http://carwaxproduct.com/images/car_wax_product.jpg

اهمية طبقة الدهان (الفابريكا) والفرق بينها وبين إعادة الدهان
بصوا يا جماعة الاصل في صيانة بودي العربية هو المحافظة علي طبقة الدهان اللي بتدي الشكل الجميل للسيارة بالاضافة لوظيفته الاساسية وهي الحفاظ علي الصاج من الصدء ومختلف العوامل الجوية

طيب المصنع بيعمل ايه هو اولا بيستخدم احدث التقنيات في دهان السيارة عشان كده دهان الفابريكا برقبة اي دهان اضافي حتي لو كان سكينز

( مثال )
جيب عربية بدهان الفبريكا وعربية تانية راشة وسمكر الاتنين علي البارد اللي راشه مع الدق علي الصاج البوية وارد جدا انها تنطر مهما كان نوع المعجون اما دهان الفبريكا فبيبقي هو والصاج واحد

نكمل كلامنا عن دهان الفابريكا -- بعد ما تخلص مراحل المعالجة للصاج والدهان وتثبيتة بندخل في اخر مرحلة واهمها وهي التشميع
وده بطلاء الدهان بطبقة شمعية تعمل علي المحاظة علي الدهان واعطاءه الشكل الامع المميز للسيارات الزيرو

اهمية طبقة الشمع لدهان السيارة
تتمثل اهمية طبقة الشمع في كونها خط الدفاع الاول في المحافظة علي هيكل السيارة فضلا عن الدهان نفسة

اسهل طريقة للحفاظ علي طبقة الشمع هي غسيل السيارة في محطة خدمة بالفوم والماء وباستخدام مسدس الماء وده مرة في الشهر ( ده مع الاستخدام الجامد انا مثلا بغسلها مرة كل شهر وبعمل متوسط 100 كم يوميا )
وبعد ما العربية تنشف خالص تشمعها باستخدام مواد التشميع فقط

نصائح حول استخدام الشمع

- ( فيه مواد تشميع مضاف عليها بولش متسخدمهاش )
بعض الانواع تباع كشمع سائل او كشمع سائل مضاف لمادة البولش

http://www.motorgeek.co.uk/images/opt-car-wax-08a.jpg

- يفضل الشمع الكريم مش الاسبراي لسهولة وكفائة استخدام الكريم

http://www.samarins.com/maintenance/2234a.jpg

- افضل نتيجة لاستخدام الشمع والعربية نظيفة

http://www.samarins.com/maintenance/car_wax3a.jpg

- استخدم الشمع والعربية باردة ومش تحت الشمس الجامد

- اترك الشمع بعد فرشة علي العربية 10 علي الاقل قبل ما تمسحة

- استخدم سفنج او قطن او فوط قطنية للتلميع

- استخدم الاسفنجة اللي بتيجي مع الشمع

- افضل نوع مجرب هو " ترتيل واكس " علبة لونها اخضر وعليه سحلفة سعرة في رينج 35 جنية ويكفي لمرااااااات عديدة
http://vistaautosupplies.com/Car%20P.../car%20wax.jpg

- عند تشميع العربية افرش الشمع علي جزء ( الكبوت مثلا ) ثم الرفرفين وسيبهم ينشفو وبعدين لمعهم ثم باقي اجزاء السيارة تباعاً

http://toolmonger.com/wp-content/upl...ost-carwax.jpg

- بعد التشميع هتلاقي ان العربية بتلمع اكتر وملمسها ناااعم جدا يبقي انت كده ماشي صح استخدم بقي فوط عاديه زفرة اي حاجة لتلميع العربية يوميا ومتخافش علي البويا عشان معزولة تحت طبقة الشمع

ptmnlo123per171

الجوانب السلبية للتشميع

- الشائع ان الشمع بيخلى العربية تلم تراب وده مش صحيح الشمع مش بيلم تراب لاكن بيبان فيه التراب لانة مش بيخلي الوساخة تلزق لاكن تنظيف العربية بيبقي سهل جدا

- افضل نتيجة للشمع مع السيارات الجديدة طبعا كمان اللمعة اللي بيعملها الشمع بتبين عيوب السمكرة

- ر

بس خلاص
كفاية بقي ايدي وجعتنى واى استفسار انا موجود باذن الله
ptmnlo123per122

الانواع الاخرى المتاحة

شكراً " خالد خليفة"
:260309~146:

[quote=khaled al sharif;153758]

الأنواع الأخري المتاحه والتي هي في رأي عن تجربة أفضل من الترتيل واكس وهي ترتيبا كاتالي :

1- Formula 1

2- Tretel wax

3- Super gold من شركة ABARO

4- Hi - Shine

وكلها تلاقوها في السوبر ماركات الكبيره زي كارفور أو هيبر ون ..... أو البنزينات الكبيره لموبيل وشل

النوع إللي جربته بيعالج سكراتشات مسح العربية ... كان SCRATSH OUT + ABRASIVE WAX يعني معالج خدوش وفي نفس الوقت بيشمع ... بس مش العربية كلها لا الجزء إللي حضرتك مصاب الإسكراتشات

ومرفق صور العلب دي لأنها كلها عاندي ومجربها .

ABRO

http://www.stanleytools.gr/images/gi...o_abro_car.jpg
Formula 1

http://imshopping.rediff.com/shoppin...ormula1wax.jpg

http://images04.olx.com/ui/2/90/45/34098545_1.jpg

Hi shine

http://www.armorall.eu/uk/pictures/news1183049549.jpg

رد: كل شىء عن مذيل الخدوش

تسلم إيدك و الله يا أستاذ وائل
أفادكم الله

رد: كل شىء عن مذيل الخدوش

10/10 يا ابو نورا :w6w2005041122063463

رد: تشميع السيارة خطوه خطوة

مشكور يا باشا وتسلم ايدك