مصر موتورز مجتمع السيارات - بجد حاجة تفطص من الضحك

والدي كان عايز يطلع رخصة قيادة فاروحت قدمتله في مجمع التحرير مركز تعليم القيادة ودفعت 270 جنيه وقالولي هنطلعله الرخصة من ضمن المبلغ ده

المهم والدي متعلمش اي حاجه وكان مشروع فاشل اساسا ويارتني كنت وديته مراكز خاصة بره كان هيبقي ارحم المهم راح امبارح المرور علشان يطلع الرخصة وهوه اساسا لحد ما راح المرور مكنش يعرف حتي يطلع بالعربية فقولتله لو كدا متجازفش وقلهم مبعرفش اسوق وعيد الدورة تاني بتاعت التعليم

المهم راح المرور اللي عند جنينه الفسطاط انا معرفش ده مرور ايه ولاقا العميد هناك بيركب واحد معاه ده بعد ما بابا دفع 20 جنيه منعرفش بتاعت ايه وقله مفيش حاجه اسمها تسقط الراجل ركب معاه وكانت وظيفة بابا في العربية انه يمسك الدركسيون والراجل اللي قاعد جانبه كان عنده فرامل وبنزين ودبرياج وكدا بابا من غير اي تعب طلع الرخصة وفي واحد اعترض علي العميد وقله انا مبعرفش اسوق ازاي هتنجحني راح العميد مسك الملف بتاعه وعلم عليه بالاحمر وقاله روح اشتكيني بس بلاش في القسم علشان هيضحكوا عليك روح اشتكيني في الادارة العامه للمرور وساعتها افتكرت فيلم لخمة راس لما نخنوخ قال نمرة البوليس 122 واللي عايز يبلغ يبلغ قمة الكوسة وقال لبابا ان الملف بتاعك هيوح للمرور اللي انتا تابع ليه وهتروح هناك هتستلم الرخصة وانتا واقف وديه كانت نهاية فيلم لو نهر النيل كله بقا صلصة مش هيكفي الكوسة اللي في البلد