|
بركولى انا اشتريت ريجاتا
السلام عليكم
انا الحمد لله اشتريت ريجاتا موديل 85 بعد دوخة ولف ودوران:crazyW14: الحالة العامة مقبولة عاوزة سمكرة ودوكو الصلون مبهدل بس الطبلوم سليم العربية مفيهاش تكييف ومفهاش زجاج كهربة ولا سنتر ولا انظار شفتو الهنا الى انا فية بس تمنها كويس اشتريتها بى 17000 الف ومعاها اربع بيبان بس فيهم واحد البرومة سرحت فية اصل صاحبها القديم اشتراهم علشان يجدد العربية وحطهم فوق السطوح لحد لما الباب باظ مش عارف ينفع اجيب باب لوحدو ولا لا الفتيس خشن شوية الموتور مشاء الله كويس والسحب جامد بس انطباعى عن العربية كويسة جدا واسعة وشيك ربنا يسهل وتشفوها فى مقابلة الفيوم سلام :14369D~149: |
رد: بركولى انا اشتريت ريجاتا
مبروك عليك السياره
انت تشدها وتظبطها سمكره وبويه وشويه تظبيط وننتظر منك صور للسياره قبل وبعد ان شاء الله وربنا يباركلك فيها |
رد: بركولى انا اشتريت ريجاتا
الف مبروك يا زين ماخترت الريجاتا حبي القديم شدها بقي شده حلوه وادينا تقرير فالسليم |
رد: بركولى انا اشتريت ريجاتا
سبقنى الوحش وهناك . بس ملحوقه يا عم طارق . مليون مبروك يا حبيب قلبى وربنا يكفيك ويكفيها شر الطريق يارب . والله كنت لسه على بالى النهارده . وكنت بأسأـل نفسى ياترى عمل ايه . مبروك يا حبيبى
|
رد: بركولى انا اشتريت ريجاتا
اقتباس:
طييييييب . ماشى ياعم . |
رد: بركولى انا اشتريت ريجاتا
بالنسبه للباب ممكن طبعا انك تشترى باب لوحده من الوكاله . أما باقى الأوبشنز فانت ممكن تركبهم كلهم مع وحدات رفع للزجاج وكله مع تركيب كاسيت سى دى حايكلفك حوالى 1800 جنيه بالمصنعيات . اما الفتيس ممكن تنزل عند اى فرع من فروع صليبه بتوع الفتيسات اللى فى شبرا. ودول متخصصين فى الفتيسات فقط .
ربنا معاك . اما تظبيط الصالون فده ممكن سهل جدا وبسيط . |
رد: بركولى انا اشتريت ريجاتا
مبروك
الف مبروك وربنا يسهلك تظبيطها ابدأ حاجة حاجة ماتستعجلش والنهاية حتفرح ان شاء الله |
| الساعة الآن 02:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017