سيات ابيزا موديل 2006
السلام عليكم ورحمة الله وبركاتة
اولا كل سنة وانتم طيبين ثانيا كنت عاوز اعرف كل حاجة عن seat ibiza 2006 وكمان اسعار قطع الغيار وبالنسبة للتوكيل هل جيد ولا لا وشكرا وبالنسبة لل2007 هل هى زى موديل 2006 ولا فية تغيير وشكرا |
رد: سيات ابيزا موديل 2006
اية ياجماعة انا كاتب لغز ولا اية مفيش حد يعرف فى المنتدى عن العربية
|
رد: سيات ابيزا موديل 2006
اقتباس:
و حضرتك طيب.. حضرتك حدد بس عايز تعرف ايه عنها يعني اذا كان علي الموتور العربية اساسيتها كلها تصنيع الماني vw و الصالون و التقفيل والتجميع في مصنع سيات في اسبانيا و نزلت في اول 2006 كانت 1400 75 حصان و الشبكة اللي تحت من ادام كانت زي شرايط كده بعد كده غيرو الشبكه دي خلوها زي ال xxxx و 85 حصان و مؤخرا موجودة زيرو 1600 105 حصان تيبترونيك لو حضرتك عايز تعرف معلومات اكتر حدد و انا اقولك ان شاء الله التوكيل ممتاز لكن غالي بس مترجعلهمش بمشكلة روحت بيها اسعار قطع الغيار انا مسألتش عليها لانها مش دارجة اوي في المنتدي اغلب اللي بيشتروا بيشتروا 94 و 99 و 2001 بس هسألك عليها في خلال الايام الجاية ان شاء الله بس مبدئيا هي غالية عشان متتصدمش :) |
رد: سيات ابيزا موديل 2006
شكرا على المعلومات
لو حضرتك عايز تعرف معلومات اكتر حدد و انا اقولك ان شاء الله كنت عاوز اعرف كماليتها اية والعربية كاداء جرى وفرامل جيدة فى الحجات دة وبالنسبة للامان فى العربية وبالنسبة لاستهلاك البنزين قد اية ومتورها 1400 سى سى اية نوع موتورها وهل هو بكامتين 16 صباب ولا 8 وبالنسبة للتكيف جيد وهل فى فرق مابينها وبين موديل 2007 التوكيل ممتاز لكن غالي بس مترجعلهمش بمشكلة روحت بيها بمعنى صلحولى حاجة وباظت تانى مرحلهمش طب ازاى وبالنسبة لقطع الغيار متوفرة خارج التوكيل ولا قليلة و كمجمل كدة الاسعار تكون فى حدود كام حتى لو موديلات زى 2001 بتبقى فى نفس السعر ولا اغلى وهل هى متوفرة ولا صعب الاقيها اسعار قطع الغيار انا مسألتش عليها لانها مش دارجة اوي في المنتدي اغلب اللي بيشتروا بيشتروا 94 و 99 و 2001 بس هسألك عليها في خلال الايام الجاية ان شاء الله بس مبدئيا هي غالية عشان متتصدمش :)[/quote] يعنى قطع الغيار غالية جدا ولا اية اسعار مبالغ فيها شكرا على الافادة وربنا يجزيك خير |
رد: سيات ابيزا موديل 2006
معلش وكنت عاوز اعرف الفرق مابينها وبين الليون موديل 2005 و 2006 بردوا وشكرا ليك
|
رد: سيات ابيزا موديل 2006
اقتباس:
يعنى قطع الغيار غالية جدا ولا اية اسعار مبالغ فيها شكرا على الافادة وربنا يجزيك خير [/QUOTE] 2 كامة 16 صباب كانت مع واحد صاحبي جاب بيها 200 و التكييف شغال يعني تعدي 200 لو التكييف مش شغال بالنسبة للجري معروف ان الابيزا جرايه من 94 لحد 2009 بالنسبة للامان 4 نجوم في اختبارات الامان و فيها ايرباجز و عوارض جانبية للحماية في الابواب التكييف حلو انا اعدت فيه و عجبني جدا (مترجعلهمش بمشكلة روحت بيها) يعني بيحلوا المشكلة جذريا مش المعني اللي وصلك موجودة برا التوكيل في الحرفيين و التوفيقية و عند فتح الباب و سامح ابيزا و فيه منفذ بيع للتوكيل في شامبليون مقدرش اقولك في حدود كام الاسعار لاني مسألتش عليها 2001 حاجتها متوفرة عادي و الابيزا حاجتها هي حاجة البولو بس ال 2001 مثلا طقم سلوك بوجيهات bremi الماني ب 300 جنيه طقم بوجيهات vemo ب 75 جنيه طارة الدركسون ب 800 جنيه لانها بالايرباج مساعدين ادام في حدود 700-800 جنيه حساس حرارة ب 110 فلتر هوا 80 فلتر بنزين 80 كنترول انجكشن 570 جنيه طقم دبرياج حوالي 550 جنيه الحاجات دي مبتتغيرش بسرعة طبعا بس انا بديك امثلة علي قطع ال2001 مش غالية جدا بس هتبقي قريبة من اللي قلتهولك فوق كده |
رد: سيات ابيزا موديل 2006
http://www.masrmotors.com/vb/showthread.php?t=10321
بص علي الليون في الموضوع ده هتلاقي تفاصيل النسخة المصرية تحت خالص و فيه صور كتير الليون فئة و الابيزا فئة الابيزا سوبر ميني الليون فئة الجولف خش شوف الاول |
الساعة الآن 02:37 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017