مصر موتورز مجتمع السيارات - التقرير السوبر لليوم السوبر في قسم السوبر

اقتباس:

المشاركة الأصلية كتبت بواسطة bmkbmk (المشاركة 113480)

الف شكر ليك يا شريف باشا يا سوبر السوبر
مبدئيا يا جماعة احب اقولكم انى النهاردة حسيت بنشوة و سعادة ماحسيتش بيهم من زماااااان قوى ... بجد من احسن الايام فى حياتى ولولا الملامة كنت زغردت من الفرحة :)
بدأت الاحداث لما عدى عليا شريف باشا فى تمام الساعة الرابعة من عصر اليوم على موعدنا و اتفاقنا و ده كان علشان نروح نشوف الجاجوار الجديدة و نعمل لحضراتكم تقرير عنها بالرغم من مرضى والله انا و العيال كمان :)
و نهدى التقرير لأخونا العزيز سامح رمزى حيث انه هو من شجعنا على عمل التقرير

نزلت لشريف باشا بعد تليفونه انه مستنينى تحت العمارة و فوجئت بإنه واخد سيارة والده ال S class علشان تبقى مناسبة للعربية اللى هنروح نتفرج عليها و علشان نترسم بيها طبعا :)
وركبت مع شريف باشا المخدة .. قصدى العربية و انطلقنا الى توكيل سيارات جاجوار
ووصلنا الى التوكيل ووجدنا السيارة متمركزة فى منتصف قاعة العرض كواسطة العقد من الماسات
العربية ما شاء الله فخمة و ضخمة جدا
اول ما شفت العربية فى الصور اتضايقت بصراحة لأن جاجوار اتخلت عن شكلها التقليدى و اللى كانت بتتعرف بيه من بين كل العربيات
أما لما شفتها على الحقيقة حسيت ان جاجوار عندهم حق انهم يضحوا بالشكل القديم من اجل هذا الابداع الجديد
العربية تحفة بكل المقاييس من الداخل و الخارج... الجاجوار ليست سيارة تكنولوجيا متقدمة و افتكاسات و اختراعات جديدة و لكنها سيارة ذات شكل جمالى غير طبيعى يلفت الانظار اليها والى فخامتها التى لا تضاهى

العربية من جوة زى ما شفنوا الصور تحفة برده بس زى ما قال شريف باشا يعيبها الضيق النسبى للكراسى الامامية و الخلفية ايضا .. تصميم السيارة المسحوب من الخلف مأثر جدا على السقف للركاب الخلفيين و تحس ان السقف هيخبط فى دماغك اما فى الامام بالنسبة لواحد مليان زى حالاتى فانا كنت قاعد كويس بس كانت ممكن تبقى احسن و اوسع من كدة
و خلو بالكو طبعا اننا حاطينها فى مقارنة مع المرسيدس الاس كلاس لأنها المفروض من الفئات المنافسة ليها..

جاكوار عربية ماخدتش حقها بسب التصمايم المتخلفة بتاعة زمان اما دلوقتى

هتبقى رقم مهم فى رموز الفخامة.

مع المرسيدس وBMW و الاودى و المازاراتي

اما بالنسبة للمواتير فكلها جبارة و لا يوجد اختلاف عليها .....

طبعا جبااااااااااااااااااااااا اارة

و من محاسن الصدف على رأى الاستاذ عبد المنعم دى صبرى .. ان يكون وكيل جاجوار هو نفسه وكيل بنتلى و فيرارى و مازيراتى تخيلوا تحت سقف واحد تجتمع هذه المعجزات فى عالم السيارات

ربنا يكون فى عون الاستاذ عبد المنعم يعنى قدامة الجواهر دى كل يوم

دة عهدة ومسؤليييييييييييييييية

فا كان موجود عربيات بنتلى كتير كلها GT و فيه منهم GTC و كان فيه كام فيرارريهاية كدة و احدة منهم f430 سيكودريا و الباقينن 599 و طبعا كام واحدة مزيراتى كدة على الماشى ... انا كنت فاكر انى مش هشوف العربيات دى غير فى الجنة ... بس الحمد لله ربنا كتبهالى و شفتهم فى الدنيا :)
و احنا خارجين من المعرض كان فيه حتة لامبوجينى مورسيلاجو سوداء واقفة برة بتاعت 2 شباب كانو بيتفرجوا على الفيرارى جوة ... طبعا رحنا جرى على عربيتنا علشان نخرج من الوهم بسرعة و نقدر نستعيد وعينا و نروح ...

فلوس كتيرة والحمد الله لامبورجينى بجلالة قدرها دى مش مكفية طموح سيادتة

طب انا راضى بديفل بتاع العربية ههههههههههههههههههههههههه هههههه

نروح ؟؟؟؟ نروح ازاى ... معقولة يبقى معايا شريف باشا منسى و نروح ...قلتل له يلا بينا ناخد جولة كمان و انطلقنا الى معرض مرسيدس لنكمل جولة التعقيد الكبرى ..و لنتأكد من شكل الاى كلاس الجديدة اللى ماكانتش عاجبة شريف باشا من جوة و انا كنت شايفها وهمية ... بس انا بصراحة شفتها من جوة صور بس .

اعتقد كلام شريف باشا صح المرسيدس خيبت الامال اوى فى العربية الى ملهاش

ريحة الازمة E فى شكلها الجديد انا عندى الموديل الى قبله برقبتها

كفاية ان عربية زى الانفتنى ال M57 مسخرت الE500
..

و احنا بنركن قدام المعرض شفنا وحشين انويين واقفين برة و احدة رمادى و واحدة حمرا و الاتنين SLR كشف ... واحدة منهم عادية و التانية 722 ... انتا حسيت انى كنت فى برنامج توب جير و خلصته فى معرض جاجوار و داخل على برنامج فيفث جير و مكنش ممكن نفوت الفرصة دى و كان لازم نسلم على جوز الطيارات دول و نبوسهم من هنا و من هنا ....

حبيب قلبى انا SLR المعجزة والى بعتبرها احلى من SLS بمرااااااااااااااااحل

و سبناهم و دخلنا لسيارات الشعب الحقيرة من مرسيدس السى بقى و الاى و الاس و الام و الجى ....

معاك حقيييييييييييييييييييرة جدا يعنى الام دى هتيجى اية جنب التيجو من الاسبرانزا
مش هما فى نفس الفئةفلوس كتير
فعلا كلام شريف باشا كان صح الاى الجديدة من جوة فعلا اقل من التوقعات بجد ماتبسطش منها خالص و كان فيه فى المعرض الشكل اللى قبلها بصراحة من جوة احسن منها ميت مرة

طب الحمد الله انا برضة معجبتنيش ولا عجبتنى اوى البى ام رغم انى بعتبرها احلى

بس الاتنين مش فى المستوى المطلوب واتغلبت عليهم جاكوار XF والانفنتي M
و شوية و رجعنا للوحوش تانى اتصورنا معاهم و انطلقنا الى المنافس الاكبر لمرسيدس اللى هى طبعا البى ام

و من حسن الحظ ان وكيل بى ام هو نفسه و كيل رولز روس و رينج روفر
طبعا احنا كنا راحين اساسا نتفرج على بى ام الفئة السابعة الجديدة و اول ما خلنا و شفنا الولز رويس اتخشبنا فى مكانا و بلمنا و كان لازم اتصور مع الوحش ده علشان ابين لكم حجمها قد ايه و كان فيه واحدة كمان دروب هيد باب واحد بس قلنا كفاية تعقيد بقى ...و لعلمكم هى ارخص من SLR تخيلوااا......

ثم انطلقنا الى بى ام بموديلاتها المختلفة الفئة السابعة هى فعلا اقوى منافس لمرسيدس و لكنها تأتى الثانية فى الترتيب بصراحة .. فالمرسيدس لا يضاهيها شئ

لا لا احتج بقى يعنى ياراجل ياطيب مش عجباك البى ام يعنى دى بكل هيبتها

مش تنافس المرسيدس لالا لا يارااااااااااااااااااااجل دى عربية بنت ستين فى سبعين

لا تضاهى المرسيدس اوى اوى كمان.
.....و شفنا طبعا X5 و X6 و M3 و Z4 الجديدة كليا و اللى شكلها اتحسن كتيييير عن الاول .... تحفة بصراحة

و مررنا بموديلات رينج روفر المختلفة مرورا سريعا و هى اقل من توقعاتنا بعد ما شفنا الوحوش اللى قبلها ..... بس طبعا هى برده عربيات ملهاش حل .......

بعد ما خلصنا شريف باشا قاللى يلا بينا عاملك مفاجأة بس يا رب تكمل ....
و المفاجأة كانت حلم الاحلام و وهم الاوهام Aston Martin Rapide ايه ده ... هى العربية دى موجودة فى العالم الحقيقى ؟؟؟؟؟ انا كنت فاكرها هتبقى على صفحات المجلات و الانترنت فقط و طبعا زى ما شريف باشا قال فضلنا نلف حواليها زى المجانين مش مصدقين من هول المفاجأة و فضلنا متنحين شوية كأننا بنتفرج على لوحة لفان جوخ تحفة بكل المقايس
و تعتبر هى ايكون استون مارتن الجديدة .... بجد عيشتنا معاها فى عالم الخيال
و مشينا و احنا حاسين بالنشوة و ركبنا عربية شريف باشا و شغل لنا مزيكا هادية و انا قلتله انا حاسس ان النهاردة يوم فرحى و كنت هنام منه و من عربيته الغريبة دى

الاوستن اوووووووووووووووف عربية رهيبة رهيبة صوتها يعنى بيزئر فى الشارع

شوفت واحدة DB8 بس اية متقلش الى راكبها جمس بوند

نسيت اقولكم انى سقت عربية شريف باشا لمدة صغيرة كدة و ماشاء الله ربنا يبارك له فيها يا رب شعور لا يوصف

و روحنا بيتنا و احنا ناسيين همومنا كلها و انا عن نفسى زى ما اكون شارب حاجة من كتر النشوة و الانبساط.....
بجد يوم لا يوصف ......ptmnlo123per144

فعلا يوووووووووووووووووووووووو وووووووووووم تحفة