رد: التقرير السوبر لليوم السوبر في قسم السوبر
 

الف شكر ليك يا باشا ده بس من ذوقك

يا باشا احنا شفنا المرسيدس ال E500 اللى احنا مصورينها و شفنا كمان ال 350 اللى هى داخلها خشب بس احنا ماصورناش الا واحدة بس منهم ... اللى داخلها خشب فعلا احسن شوية .. بس الفكرة يا باشا كمايلى ....
انا كنت من اشد المعارضين لكلام شريف لما كان بيقول ان العربية من جوة مش عاجباة و ده لأنى كنت شفت الصور اللى حضرتك جايبهم و بحكم على اساسهم .. لكن لما ركبت العربية فعلا ..... لقيت كلام شريف باشا صح 100 % ماتحسش ان هى دى المرسيدس ....و تحس ان مفيش فرق بينها و بين السى كلاس و اللى اكد الاحساس ... ان كان فيه الاى كلاس الشكل القديم كمان فى التوكيل .. تركبها تحس بفخامة مرسيدس الحقيقية .....
عشان تاخد الاحساس يا باشا لازم تركب العربيتين و تقارن بينهم و ماتحكمش من الصور بس ....
و على فكرة معرض مرسيدس كان تانى واحد بعد الجاجوار ... يعنى مكناش لسة شفنا البى ام و لا الرولز و لا الاستون مارتن .......
بس يا باشا هى دى الفكرة كلها و اكيد انت اكتر واحد عارف مكانة المرسيدس عندى و انى مش بسهولة خالص انى اقول كلمة واحدة مش فى صالحها .. بس الامانة تقتضى انى انقل احساسى بالظبط

و لك منى كل سلام و تحية
و فى انتظار تقريرك يا باشا على احر من الجمر

رد: التقرير السوبر لليوم السوبر في قسم السوبر
 

العفو يا زعيم و انا سعيد ان الموضوع عجب الناس
زي ما محمد باشا قال احنا ركبنا العربية اللي مصورنها و اللي كانت E500 و ركبنا ال E200 و ده كانت بيج من جوة و فيهل تطعيمات خشب و الذي منة. الفكرة ان نوع البلاستيك المستخدم مع انه عالي الجودة لكن شكلة رديئ جدا و لا يوحي باي فخامة. اعتقد انهم لو نزلوا نسخة جلد كامل اللي بتيجي بجلد علي الطبلون ممكن تبقي احسن. ده حتي انا شايف ان مع انه قريب للي في ال C ال C طبلوها اشيك و لايق اكتر. المشكلة ان المنافسة مبترحمش الفئة الخامسة الجديدة نازلة بدواخل الفئة السابعة تقريبا و الاودي لا غبار علي شكل و خامات دواخلها ده حتي الجاجوار XF طبلوها مع انه متوجه الي انه يكون رياضي بيوحي بفخامة اكتر من بتاع ال E و انا شايف انها غلظة لا تغتفر لمرسيدس. الادهي اني قريت ان دواخل ال E دي هتعتمد في ال CLS الجديدة يعني زي ما قال مندوب المبيعات هما ناويين يخلونا نتعود عليها و نقبل بالامر الواقع و ده مش لطيف

رد: التقرير السوبر لليوم السوبر في قسم السوبر
 

اي خدمة يا باشا
و بيتهيالي كده طلبك اتنفذ و كرهناك في النيو سيراتو زي ما كنت عايز و لا ايه :HAPPY_~211:

رد: التقرير السوبر لليوم السوبر في قسم السوبر
 

العفو يا زعيم و من بقك لباب السماء
سلامتك من الذبحات يا زعيم
ما احنا قلنا من الاول اللي خايف يروح
انا كمان عايز اوضح لكم ان شوف العربيات دي في المعارض حاجة و لما تلقيها معدية جنبك زي الصاروخ حاجة تانية خالص و هسيب لخيالكم الخصب تخيل ده

رد: التقرير السوبر لليوم السوبر في قسم السوبر
 

شعور ايه يا باشا
دي بتبقي مجموعة مشاعر مختلفة مضروبة في الخلاط

يعني مثلا اول ما عينك بتقع علي العربية من دول بتحس انك عيل عنده 5 سنين و اطلقوه في محل العاب و تبقي عايز تجري و تنطط
بعد كدة بتكبر فجاة و يبقي عندك 10 سنين و مخك مليئ بالاسالة و عايز تعرف كل حاجة
بعد كده بتلاقي عندك 20 سنة و خيالك بيهيالك ان العربية دي معاك و بتجري بيها في الشارع
بعد كده بيبقي عندك 30 سنة و تبتدي تقدر المجهود و الفن المبذولين في صناعة الشئ ده
و هكذا لحد ما تفوق و تصتدم بارض الواقع

يعني زي ما قال محمد باشا عالم الاحلام و الخزعبلات