مصر موتورز مجتمع السيارات - محبى و مالكى الريجاتا

مصر موتورز مجتمع السيارات (https://www.masrmotors.com/vb/index.php)

- FIAT Regata (https://www.masrmotors.com/vb/forumdisplay.php?f=233)

- - محبى و مالكى الريجاتا (https://www.masrmotors.com/vb/showthread.php?t=34162)

رد: محبى و مالكى الريجاتا

اقتباس:

المشاركة الأصلية كتبت بواسطة NicEgypt (المشاركة 381195)

السلام عليكم جميعاَ
سـعر زجاج الريجاتا الامامى تربلكس امان 3 طبقات " كـوري ": 200 ج بالشاي كمان

قمت بتغيير الزجاج الامامى لسيارتى .. الى نوع " safety وهو الامن " بسعر 200 ج بالشاي

الزجاج اللى كان راكب عندى اتكسر وانا على كوبري اكتوبر .. فرقع لوحدة على مرحلتين.. وكان من نوع الغير امن .. وعمل بووووم وتـناثرت اجزاءة فى كل مكان واضطرت للقيادة لمدة ربع ساعة على مستوي رؤية شبة منعدمة .. اي نور احمر بالنسبة لى فرامل .. اقوم واقف ههههههه واتضح فى احد المرات ان السيارة اللى امامى بعيدة جدا وانا بهدي !! .. السبب فى القيادة انى مش عايز اعطل حركة المرور ! فوق الكوبري حتى لو نسيت ادخل شارع عمري ما اجي من اليسار مثلا لليمين علشان ادخل شارع زى بعض الناس الغير مسؤلة رغم خطورة القيادة بالمنظر دة .. لحد ما وقفت فى مكان واسع وكسرت باقى الاجزاء .. ومشيت واحسست بشدة هواء كأنى سايق موتوسيكل بالظبط .. علمت احساس مالكى البايكس !!! وخصوصا ف الجو الساقع

معلومة اضافية : نظام تركيب زجاج الريجاتا زى اغلب السيارات الحديثة .. عبارة عن جلد ومجري وليس لزق بسيليكون وبياخد دقيقة واحدة تركيب كما ان زجاج الـريتمو ينفع للريجاتا ونفس المقاس .. يعنى لو ملقتش ريجاتا قول هات ريتمو وانا شفت مقاس الاتنين بالسنتميترات وعلى مسؤليتى .

استفدت معلومات جيدة حول زجاج السيارات .. والشركة المصنعة والبلد .. وسوف اسردها فى وقت لاحق بمشيئة الله
فمثلا .. الزجاج اللى اشتريتة مكتوب علية DOT3 MR-S 33 ودة معناة .. انة مش شركة " نسيت اسمها " الالمانية لتصنيع الزجاج ..صناعة كوري
اخدت يومان بحث بشكل كامل ومفصل عن معانى الارقام المكتوبة على زجاج السيارات وتفاصيلها وكيفية معرفة حالة زجاج السيارة الحالى
ويحتاج لموضوع مفصل .

معلومة اخري عن مرايا الصالون الخاصة بالريجاتا :
هناك زر اسفل مرايا الصالون .. جربت هذا الزر قبلاَ ولم اري تغيير .. الا ان اتضح ان هذا الزر خاص بأزالة اي نور معاكس
لك .. بمعنى لو فية حد وراك ومشغل عالى والنور مبهر ومضايقك تضغط على الزر دة هتلاقى المرايا لونها بقى اغمق قليلاَ ونزلت لتحت
شوية .. جربتها امس وكان ورايا واحد مشغل عالى لقيتها زي الفل وبقيت ماشى ونورة العالى مش مضايقيني ..

مشاركه هايله
تسلم ايدك

رد: محبى و مالكى الريجاتا

ربنا ينور حياتك انشاء الله

رد: محبى و مالكى الريجاتا

اسعار اجزاء وقطع الريجاتا من الوكالة طازة بتاريخ انهاردة :
http://www.masrmotors.com/vb/showthread.php?p=384759

رد: محبى و مالكى الريجاتا

شكرا يا باشا على الموضوع الهايل ده عموما انا ناوي اشتري عربية ريجاتا 84 بتاعة واحد صاحبي ممكن اعرف متوسط سعرها كام؟؟ علما بان انا مليش اي خبرة في السيارات وشكرا

رد: محبى و مالكى الريجاتا

اقتباس:

المشاركة الأصلية كتبت بواسطة afhm (المشاركة 386272)

لو حالتها حلوة توكل على الله وهاتها .. بالنسبة للتكلفة هى حسب حالتها فمقدرش افتى لكن متوسط
الاسعار ما بين 18 - 25 الف .. وممكن المبلغ يزيد ألف او اتنين بالكتير لو حالة العربية ممتازة
وكاملة الكماليات وحاجتها كاملة لو طمع ف الف زيادة او اتنين متسبش العربية واديهم لة . تمام
وادعوا الله لك بالتوفيق

رد: محبى و مالكى الريجاتا

السلام عليكم جميعآ اولا احيى الجميع
وكنت عايز اسال اهل الخبرء عن السيارة الريجاتا موديل 90 سى 100 من نحيت السعر وقطع الغير وانا اول مرة اعرف انها 2 كامة ارجو الرد وجزااكم الله خيرآ

رد: محبى و مالكى الريجاتا

انا معايا عربية 128 موديل 1991 دواخل فابريكة بالكامل 1300 cc عربية نمرو واحد وبصراحة انا نفسة فى عربية ريجاتا ممكن حد يدلنى على حد عايز يدخل عربية فى عربية مع العلم ان العربية بتاعتى مجهزة بالكامل لتركيب تكييف يعنى مش عايزة غير كمبريسور