مصر موتورز مجتمع السيارات - تغطية مصورة لمعرض الكويت الدولي للسيارات 2010

السلام عليكم يا شباب
طبعا بشكر شريف باشا مرة تانية على مجهوده فى التصوير و التحميض و التحرير و الطباعة :)
و بشكر كل من علق على الموضوع
و شكر خاص للأستاذ سومو على إضافته إن الالفا روميو 260 حصان مش 191 .. و انا طبعا شفت اللنك اللى باعتها و اتأكدت من المعلومة .. بس بأكد للاستاذ سومو كمان انهم فعلا كانوا كاتبين فى المعرض انها 191 حصان .. انت فاهم بقى توكيل فيات و الفا لسة فاتح فى الكويت من كام يوم و مالحقوش يظبطو نفسهم .....ربنا يسهل بس و يعرفوا يسوقو العربيات بتاعتهم كويس و مايبقوش توكيل كسلان زى توكيلات كتيرة هنا فى الكويت

و دلوقتى انا همسك الميكروفون من شريف باشا و اكلمكم شوية عن المعرض..
مبدأيا اتفقنا انا و شريف باشا على الرحلة الى المعرض و عملنا اعلان عنها بس للأسف ماحدش جه معانا غير أخويا :) مع اننا كنا هنفسح اللى هييجى معانا فسحة كويسة :)

المهم انطلقنا الى المعرض الذى يشغل 4 صالات من أرض المعارض بالكويت و قلنا هانعيش بقى
و بعد اللف شوية علشان نلاقى ركنة توجهنا الى اول القاعات و التى كانت تضم توكيلات .. ميتسوبيشى و فيات و ألفا روميو و جيب ودودج و كرايسلر و كيا و بيجو و بعض الموتسيكلات
هارلى و دوكاتى و هوندا و سوزوكى ..

فى توكيل بيجو كانو حاطين عربياتهم المعروفة و اللى كان أجددهم 3008 وده كان تقرير سابق عنها

http://www.masrmotors.com/vb/showthread.php?t=26303

أما الوحيدة اللى لفتت نظرنا كانت RCZ عربيتهم الرياضية الكوبيه الجديدة و اللى ماقدرناش نصورها لضيق المكان و زحمة الناس و باقى عربيات بيجو حواليها هى عموما من جوة ماتختلفش عن باقى عربيات بيجو و لكن من برة شكلها مميز بالسقف الاسود ذو الفريم السلفر اللى شبه القبة و دى صورة ليها من الانترنت

http://img149.imageshack.us/img149/2...ugeotrcz01.jpg

و من بيجو انطلقنا الى جيب و دودج و كرايسلر و طبعا الوحيدة الجديدة كانت جراند شيروكى و كنا عملنا عنها تقرير قبل كدة فى جولة من الجولات أما باقى السيارات فا مكنش فيها جديد

http://www.masrmotors.com/vb/showthread.php?t=39615

ثم إلى توكيل فيات و ألفا روميو لرؤية كتكوتة فيات الجديدة 500 بعد ما رجت للحياة بشكل يناسب الألفية الجديدة رحنا طبعا و كلنا فضول لرؤيتها المهم هى فعلا شكلها لذيذ و مبتكرو عجبنى جدا التقفيل و الخامات و النسخة اللى كانت موجودة كانت 1400 سى سى و بقدرة حصانية 100 حصان و عجبنى قوى كمان الجير بوكس الجديد بتاعهم بس زى ما قال شريف باشا مبالغين جدا فى سعرها و خصوصا ان النوع ده من العربيات غير مرغوب بدرجة كبيرة فى دول الخليج عموما .. و دى طبعا فيات 500

http://img526.imageshack.us/img526/5507/fiat500p.jpg

http://img20.imageshack.us/img20/308/1fiat5006.jpg

و بعد فيات طبعا دور ألفا روميو و كانو حاطين عربية واحدة 159 و انا بصراحة مستنى شريف باشا يفضى علشان نروح نعمل لها تست درايف علشان اعرف المقولة الشهيرة (اللى ماساقش ألفاروميو ماساقش عربيات) اتقالت ليه بالظبط .. هى عموما العربية فى المعرض كانت مخيبة للآمال حيث ان الخامات الداخلية غير جيدة أو على الأقل ليس كما توقعنا و بصراحة شكلى الكونسول و الداش بورد تحسسك ان العربية قديمة قوى مع انها 2010 و كمان العربية من جوة ضيقة جدا يعنى علشان اقعد مرتاح مش هينفع طفل حتى يقعد ورايا مع ان 159 لا تعتبر من سيارات ألفا الصغيرة و كمان خيب املنا حكاية ان الموتور 3200 سى سى و بيطلع 191 حصان بس و اللى وضح استاذ سومو بعد كدة ان دى كانت غلطة مطبعية .. بس و انا فى انتظار التست درايف....

بعد كدة انطلقنا الى ميتسوبيشى و مكنش عندهم جديد غير ASX وقد تم تغطيتها من قبل ,, إلا انهم كانوا المرة دى سايبين اللانسر إيفوليوشن مفتوحة للى يحب يركب و طبعا ركبتها و بصراحة مارتحتش خااالص نظرا لوجود الكراسى الرياضية الضيقة ,, و دى أخر جولة تم فيها تغطية ASX من ميتسوبيشى

http://www.masrmotors.com/vb/showthread.php?t=37733

وبعد ذلك انطلقنا الى كيا بموديلتها الجديدة و المبتكرة و اللى اخرهم طبعا كان الاوبتيما و السبورتاج و الكادينزا و قد تم تغطيتهم أيضا فيما قبل
http://www.masrmotors.com/vb/showthread.php?t=39615
http://www.masrmotors.com/vb/showthread.php?t=25822

و بذلك انتهينا من القاعة الأولى بالمعرض .. ثم انطلقنا الى القاعة التالية و هى قاعة (التوحيد و النور) تويوتا و لكزس قعدنا فيها خمس دقايق و شريف باشا صور العربية الكوبيه الجديدة بتاعت تويوتا و اللى هى اصلا بتنزل أمريكا تحت ماركة سيون و لفت نظرى كمان انهم كانوا حاطين عربية كامرى موديل أوائل الألفين و كانت ماشية مليون كيلومتر و طبعا حاطين كام لاند كروزر كدة على ستاندات مايلة و باقى موديلاتهم المعروفة و المملة (بالنسبة ليا أنا على الأقل) علشان ماحدش يزعل :)

ثم انطلقنا الى قاعة الفخامة و التميز و قد تم تخصيصها للإنجليز و الألمان و الايطالين و واحد يابانى .. ههههههههه
و كانت قاعة رينج روفر و استون مارتن و مرسيدس و بى إم و مينى و رولز رويس و جاجوار و مازيراتى و هوندا

و شريف باشا طبعا انطلق فى التصوير
وكانت العربيات المميزة عن استون هى بيبى استون مارتن الجديدة سايجنت (عربية الخضار) و التى لا ياح شراؤها إلا لمالكى أستون مارتن و هى طبعا تويوتا IQ بس استون مارتن واخدها و مزبطاها

وأما رينج روفر كان الجديد عندها LRX و هى السيارة الكروس اوفر الجديدة بحجمها الصغير و التى سوف يتم اصدراها رسميا للأسواق فى الكويت فى شهر يونيو 2011 بمشيئة الله

و اما بى إم دبليو فكان لديها أكثر سيارة مميزة فى المعرض كله وهى Efficient Dynamics و هى سيارة اختبارية ثورية من الصانع البافارى العريق قد روعى فى تصميمها من الاف الى الياء ان تكون ديناميكة الى اقصى حد و تتبع التكنولوجيا الخضراء كما يظهر من اسمها :) و كانت هناك ايضا جديدة بى ام X3 و اللى تظلمت بوضعها جنب التحفة التانية .. بس هى طبعا احسن بكتير من سابقتها فى كل شئ

أما مينى فقد اصدرت النسخة الكروس اوفر من مينى كوبر و هى كانترى مان و اللى انا عن نفسى لسة مش فاهمها قوى

ثم اتجهنا الى وحش الوحوش مرسيدس و لكنه للأسف لم يكن لديه جديدا بالرغم من انه كان اكبر جناح بالمعرض فا سالت أحد اصدقاءنا بتوكي مرسيدس مافيش جديد ليه .. قاللى ما انت بتيجى كل اسبوع .. هنلاحق عليك جديد منين بس .. هههههههههههه
فا طبعا متعنا اعيننا شوية بالوحوش الموجودة و كان ابرزهم SLS اللى شغلوها كام دقيقة علشان يعقدونا بصوتها (صوت الرعد) على رأى شريف باشا و طبعا كان فيه كمان CL65 AMG يعنى و الكثير من تحف مرسيدس
أما باقى التوكيلات فى تلك القاعة لم يكن لديها جديد باستثناء هوندا اللى كانت عرضة TYPE R و NSX ذات المحرك الوسطى و اللى انا شخصيا كنت أول مرة أشوفها ...

ثم انطلقنا الى القاعة التالية و هى قاعة العضلات الأمريكة المفتولة و كان يوجد بها بعض السيارات الامريكية الكلاسيكية بالإضافة إلى بعد السيارات الجديدة من كاديلاك و شيفروليه و فورد و لنكولن و أكثر سيارة مميزة كانت كاديلاك CTS-V-coupe و التى يتم إظهارها لأول مرة و ايضا تم اظهار فورد إيدج الجديدة للمرة الأولى و كان هناك فورد تورس (السيارة السرير) ههههههه كل ما اركبها احس انى عاوز انام من كتر الراحة هههههه

بس كدة يا شباب و دى كانت تغطية سريعة كدة من ناحيتى و اتمنى تكونوا استمتعتم بالصور و الى جولات و تغطيات اخرى بمشيئة الله