رد: كل شىء عن معالجة وازالة الخدوش وتلميع السيارة (محدث)
أنا عندك خرابيش على الكبوت وفى أماكن متفرقة أخرى من النوع الثالث اللى وصل البوية. مكنتش عايز أستخدم الأسبراى علشان الرش بيفرش ومش مركز على الخربوش لغاية لما لقيت من كام يوم فى شارع دمشق قلم دوكو. صحيح أن مفيش درجات لون يعنى أحمر لكل درجات الأحمر وفضى ميتاليك لكل درجات الفضى الميتاليك بس أحسن من مفيش. دهنت -أو رسمت- بية جوة الخرابيش ولونها بأة فضى بس درجة اللون مختلفة (أغمق). بعد لما أتأكد أنة نشف تماما حديها دهنة كمان وبعدين أبقى المعة بالبوليش السائل الفضى وبعدين المعجون الشمعى الخشن علشان يخدوا من لون العربية الأصلى وربنا يسهل والنتيجة الأخيرة تقرب لدرجة لون العربية الأصلى. لكن على العموم حتى دلوقت هى أرحم ما كانت الأول على الصاج وكل شوية أملاها شمع علشان البرومة.
|
