رد: تقرير عن مشاكل وعيوب نيسان صني 2009 - 2010
 

السلام عليكم ورحمة الله وبركاته
المهم انت فى الاخر اشتريت ايه ؟

رد: تقرير عن مشاكل وعيوب نيسان صني 2009 - 2010
 

اخوانى مالك سيارات نيسان صنى انا عندى سياره نيسان صنى موديل 2011 عندى مشكله عمله ليا قلق كبير واعرض المشكله على حضرتكم المشكله فى الفتيس عند تغير من الار الى الدى او العكس اسمع صوت خبطه قويه ترج السياره وهى تقريبا خبط حديد ببعضه بطريقه غبيه وهدا العيب من يوم استلام السياره ودهبت ا لسبع وحجز السياره عشره ايام عندهم واخدت العربه كما هيا علما بان السياره عمل 11000 كيلو متر احدا عشر الف كيلو متر برجا من يصل الى حل يتصل بى على الرقم 01004316254ولكم منى الف شكر

رد: تقرير عن مشاكل وعيوب نيسان صني 2009 - 2010
 

أنا يا سيدي في الآخر الحمد لله بعد الاستخارة والاستشارة
ربنا أكرمني وقررت بعد طول حيرة واشتريت نيو أكسنت سبورت أتوماتيك موديل 2010
وعيوب النيو أكسنت من وجهة نظري :
1- إن عافشتها ناشفة شوية وبفكر أغير الكاوتش يمكن يفرق
2- أعتقد إن الكنبة الخلفية لما برجع كرسي قائد السيارة للآخر بتبقى ضيقة شوية.

ومميزات النيو أكسنت من وجهة نظري :
1- الثبات على الطريق (ما شا الله لا قوة إلا بالله)
2- سحبها تقييمه من وجهة نظري برضه جيد جدا الى ممتاز
3- رائعة في المناورات لأن حجمها يساعد عاى المناورة بسهولة بإذن الله.

رد: تقرير عن مشاكل وعيوب نيسان صني 2009 - 2010
 

السلام عليكم
يمكن الرد متأخر شوية بس انا كنت بدور علي اراء الناس في النيسان صني و دخلت الموضوع و عجبني الموضوع ده جدا و كمان المنتدي فشاركت فيه علشان ابقي دايما علي تواصل معاكم ،
انا اشتريت العربية موديل 2012 الشكل القديم مش الشكل بتاع 2010 و 2011 و دي ملاحظاتي علي خلال سنة مع العربية دي :
1- بلنسبة للعفشة العفشة قوية جدا انا اول تربيط للعفشة عندي كان بعد سنة و شهرين تقريبا من يوم ما اشتريت العربية علما باني من كفر الشيخ و الطرق في شمال الدلتا مش كويسة جدا
2- بالنسبة للبنزين هيا استهلاكها اكتر من مثيلاتها في نفس الفئة بس مش بالكمية الكبيرة دي اللي الناس بتقول عليها .. انا طلعت من بيتنا مفول التنك و رحت برج العرب رايح جاي حوالي 340 كيلو ب حوالي كان بعد النص بشرطة يعني فولت و انا راجع بالظبط 28 لتر
3- السبب انها بتسحب بنزبن كتير في وسط البلد ان موتور السيارة من نوع Twin Cam و بيفتحوا الاتنين من الصفر بخلاف البوما و الكورولا بيفتح تقريبا بعد 100
4- العربية انا جربتها في الملفات ثابتة جدا
5- في يوم طلعت شديت مع واحد صاحبي معاه بوما سوبر اكشن و خد منه الطلعة و بعد كده مشينا جمب بعض لحد 140كم/س مع العلم ان السوبر اكشن اسرع تجميع
6- هيا فعلا الكنبة اللي ورا ديقة بي المشكلة دي مش بتقابل غير اللي راكب ورا السائق
7- اوقات بحس ان التصميم بتاعها مش مواكب لباقي العربيات لأني كنت في الامارت و شفت شكل الصني غير اللي هنا تماما

عموما انا ارتحت فيها جدا غير البوما و الالنترا لأن الكورولا الجديدة مينفعش تتحط معاهم في المقارنة (عربية تحفة )

و شكرا ليكم

رد: تقرير عن مشاكل وعيوب نيسان صني 2009 - 2010
 

السلام عليكم

يا جماعه انا تعبت خلاص انا عاوز اشترى نيسان صنى 2013 الشكل الجديد لكن شويه ناس تقول فيها مشاكل وشويه كويسه ياريت اللى اشتراها يقولنا ايه نظامها علشان انا تعبت وشكلى هاغير رأيى........ساعدونى....ال حيره وحشه