تقرير عن مشاكل وعيوب نيسان صني 2009 - 2010

[ahmedmohelsayed]

بصراحة انا كل ما قرب اقول خلاص هاشتري نيسان صني
ارجع اقلق من التقفيل المصري ومشاكله وشكاوي الناس منه رغم اقتناعي بقوة هذه السيارة
علشان كده قررت اعمل التقرير ده لكل من يريد ان يستفيد منه فيما بعد حتى لا يحتار احد مثل حيرتي الان

اغلب الشكاوي اللي سمعتها وقرأتها في المنتدى ده وغيره تتلخص في الآتي:

1-عزل غير جيد
2- كراسي بتزيق
3- كنبه بتهبط
4- دركسيون تقيل نسبيا
5- بعض المشاكل المتعلقة بالمساعدين والعفشة
6- صوت الموتور العالي مقارنة بمثيلاتها 1600 cc
7- ضيق الكنبه الخلفية

ارجو من كل من جرب نيسان (2009 او 2010) او يملكها ان يؤكد او ينفي هذه العيوب
مع مراعاة ان تكون الردود بشكل يحمل كل معاني الامانة والصدق
حتى تتوفر صفة المصداقية لهذا التقرير ليستفيد منه كل من يقرأه او يستند ايه فيما بعد ان شاء الله

[oceanboy425]

بصراحة انا فكرت اشتريها بس يوم مكنت رايح احجز النيو اكسنت سألت عن الصنى فقالى تقفيل مصرى وبلاش منها

[tigernet]

انا ياباشا لما اشتريت عربيتى لانسر من المعرض سالت صاحب المعرض راية فى النيسان صنى قالى انها كعربية حلوة بس احنا حطنا ايدانا فيها و انت عارف ايدانا
و انا العيوب الاى سمعتها عيوب تقفيل مش صناعة

[ahmedmohelsayed]

انتوا فين يا شباب
فين المشاركات الجبارة التي تميز هذا المنتدى الرائع ورواده

[مصطفى خاطر]

سلام عليكم يا أخونا
انا بعمل في الامارات و السيارة الصني هنا نتنزل تقفيل كوري و تمنها 44950 درهم يعني بالمصري حوالي 66 الف + جمارك 30الف توصل الفل اوبشن حوالي 99 الف جنية مصري موديل 2010 علشان عليها عرض
ايه رأيكم كدة هل هلاقي فيها نفس عيوب المصري ولا اتوكل على الله

[ahmedmohelsayed]

انا شايف ان الموضوع مفيد جدا للجميع (سواء مالكي السيارة أو من يرغب او يفكر في شراء نيسان صني)
الموضوع يعتمد على مبدأ (اسأل مجرب ولا تسألش طبيب)
لذا اجدد الدعوة لكل من يملك نيسان صني او جربها أن يدلي برأيه لينفعنا جميعا

[ahmedmohelsayed]

واستكمالا لسرد المشاكل والعيوب نذكر ما يلي:

8- دواسة البنزين بطيئة الاستجابة فى التسارع .
9- رعشة فى الفتيس .

[ahmedmohelsayed]

هناك موضوع مشابه يحمل ردود بعض مالكي السيارة نيسان صني عن مشاكلها او عيوبها
على اللينك التالي
(( تم حذف الرابط))
هذه ليست دعايه لمنتدى آخر
وانما هي لنشر الفائدة والنفع للجميع
واعتذر لادارة المنتدى ولهم حرية حجب اللينك اذا كان هذا مخالف للقوانين

تنبية إدارى
للاسف المنتدى ده بالتحديد لا نسمح بتدوال راوبط ليه لانه وده موقف استثنائى وخاص بالموقع ده وامثالة من المواقع اللى مش بتحترم نشر الفائدة والنفع للجميع وتحجب عن اعضائها روابط المواقع الاخرى بحجة المنافسة بينما تسمح بسرقة الموضوعات ونسب مجهودات الناس لانفسهم فاسمحلى فبأجماع الاراء احنا بنعاملهم بالمثل

[ramy hassan]

الصنى بتاكل بنزين كتييير بالمقارنة بباقى سيارات ال1600 والمعلومة دى من سواقين شغالين على الصنى من مصر لاسكندرية كل يوم.
و برضة المعلومة دى من الوكيل بتاع صنى ف معرض اوتوماك اللى فات , وقل لى ان السبب ان العربية وزنها تقيل وثابتة ع الارض علشان كدة بتاكل بنزين ف الطوالى.
لكن معظم سواقين الملاكى اللى أنا عارفهم بيشكروا فيها لكن مش أحسن عربية بالنسبة للفئة السعرية.

[Dr/Mohammed]

اولا بجد الموضوع جميل جدا
ثانيا انا معايا نيسان صني 2010
عملت بيها 3000 كيلو
الاجابه علي اسالتك
1-عزل غير جيد : مش قوي بس مش يوصل لتقيم غير جيد هو يعتبر جيد ولكن طبعا ليس بمثيلتها في التقفيل اليباني
2- كراسي بتزيق : بتزيق ازاي مش فاهم الكرسي عندي عادي مفيش اي تزيقه او حاجه
3- كنبه بتهبط : مش عارف صراحه
4- دركسيون تقيل نسبيا : لا تمام عادي
5- بعض المشاكل المتعلقة بالمساعدين والعفشة : يعني شايف المساعدين والعفشه كويسه والمحافظه عليها بتبقي كويسه
6- صوت الموتور العالي مقارنة بمثيلاتها 1600 cc : هو عالي فعلا شويه
7- ضيق الكنبه الخلفية : اه ده فعلا موجود بس انا مفيش حد بيركب معايا ورا الا قليل فمش حاسس بالمشكله
8- دواسة البنزين بطيئة الاستجابة فى التسارع : لا هو دواسه البنيزن فيها عيب وده نتيجه لعدم العزل الجيد الدواسه بتحس اكن رجلك علي اسطوانه ماشي فيها مايه فبتحس بمجري المايه وده مع السرعه العالي يعني فوق ال 140 هاتحس حاجه بتزغزغ في رجلك لكن الدواسه ممتازه وانا هاعمل موضوع بجد هاوضح فيه ازاي العربيه دي نستخدمها علشان تدينا افضل نتيجه
9- رعشة فى الفتيس : اوتوماتيك