رد: انا اتعرضت للنصب من المصريةللسيارات فرع المنصورة
هى بقا وصلت لكده ؟
اوعى تسيب حقك ياسلام بقا لو تاخد اوراق من المهندس وكل اللى رحتله يثبت بكده وتدى للمحامى تبقا باشا |
رد: انا اتعرضت للنصب من المصريه للسيارات فرع المنصورة
الله يعينك على ما بلاك
ابتسم انت في المحروسة اللي دروس القراءة زمان كانت فيها زرع حصد و دلوقت اصبح اول و اهم درس يتعلمه الانسان هو نَـ صَـ ـبً كَـ ذ بَ انا اشتريت من فرعهم اللي في مصر الجديدة من 3 سنين هي العربية مافيهاش حاجة لكن فعلاً تشعر بعدم راحة الاجواء كده تحس انك بتتدبس مش بتشتري يعني لو ماكنتش عارف بالضبط انت عايز تشتري أيه .... هتلاقي المندوب غالباً عارف كام كلمة مش بقى فنيات و يقنعك بكلام مختص .... الانكى من كده اللي جه يسلم لي العربية وقتها المفروض انه مهندس لكن لقيته لامؤاخذة و ان شاء الله ما اكونش مفتري عليه لقيته نجار مسلح همه الاول والاخير الاكرامية . يا عزيزي بلد مافيهاش نظام متوقع ايه يكون شكل التعاملات فيها ؟ الله يصبرك و يوفقك في التشبث بأخد حقك على فكرة الحاج احمد ابو ريان ده ياسيدي صاحب الشركة |
رد: انا اتعرضت للنصب من المصريةللسيارات فرع المنصورة
السلام عليكم إحساس صعب إن الواحد يكون جايب عربية زيرو دفع فيها مبلغ محترم علشان يريح نفسه يكتشف أنها مش زيرو وأنها استعملت وكمان راشة ومغيرة والعملية ديه مكرره وخصوصا لو اشتريت من معرض مش توكيل معلش أنت أكيد فى مصر ربنا معاك ويرجع لك حقك
|
رد: انا اتعرضت للنصب من المصريه للسيارات فرع المنصورة
اقتباس:
|
رد: انا اتعرضت للنصب من المصريةللسيارات فرع المنصورة
أهم حاجه التوثيق
يعني تجيب ورق تقرير فني من كل المراكز اللى انت رحتها وتقدمها في ملف القضيه وكمان تبعت نسخه منه لجهاز حمايه المستهلك ولكل مجلات وجرايد العربيات في البلد |
رد: انا اتعرضت للنصب من المصريةللسيارات فرع المنصورة
ربنا يوفق و بجد حاجة مستفزة
|
رد: انا اتعرضت للنصب من المصريةللسيارات فرع المنصورة
أحنا لازم يكون لينا وقفه هنا من المنتدى بقولك يا دكتور لو جبت ورق يثبت كلامك ممكن ترفعه على المنتدى ونعمل موضوع اسمه قاطعوا المصريه لحد ما تدينا حقنا ويبقى من هنا نحول المنتدى لجهه تقدر تجيب الحقوق وخصوصا ان عدد الاعضاء عدد كبير وكله مهتم بالعربيات
|
الساعة الآن 11:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017