رد: تقرير عن مشاكل وعيوب نيسان صني 2009 - 2010
 

هناك موضوع مشابه يحمل ردود بعض مالكي السيارة نيسان صني عن مشاكلها او عيوبها
على اللينك التالي
(( تم حذف الرابط))
هذه ليست دعايه لمنتدى آخر
وانما هي لنشر الفائدة والنفع للجميع
واعتذر لادارة المنتدى ولهم حرية حجب اللينك اذا كان هذا مخالف للقوانين

تنبية إدارى
للاسف المنتدى ده بالتحديد لا نسمح بتدوال راوبط ليه لانه وده موقف استثنائى وخاص بالموقع ده وامثالة من المواقع اللى مش بتحترم نشر الفائدة والنفع للجميع وتحجب عن اعضائها روابط المواقع الاخرى بحجة المنافسة بينما تسمح بسرقة الموضوعات ونسب مجهودات الناس لانفسهم فاسمحلى فبأجماع الاراء احنا بنعاملهم بالمثل

رد: تقرير عن مشاكل وعيوب نيسان صني 2009 - 2010
 

الصنى بتاكل بنزين كتييير بالمقارنة بباقى سيارات ال1600 والمعلومة دى من سواقين شغالين على الصنى من مصر لاسكندرية كل يوم.
و برضة المعلومة دى من الوكيل بتاع صنى ف معرض اوتوماك اللى فات , وقل لى ان السبب ان العربية وزنها تقيل وثابتة ع الارض علشان كدة بتاكل بنزين ف الطوالى.
لكن معظم سواقين الملاكى اللى أنا عارفهم بيشكروا فيها لكن مش أحسن عربية بالنسبة للفئة السعرية.

رد: تقرير عن مشاكل وعيوب نيسان صني 2009 - 2010
 

اولا بجد الموضوع جميل جدا
ثانيا انا معايا نيسان صني 2010
عملت بيها 3000 كيلو
الاجابه علي اسالتك
1-عزل غير جيد : مش قوي بس مش يوصل لتقيم غير جيد هو يعتبر جيد ولكن طبعا ليس بمثيلتها في التقفيل اليباني
2- كراسي بتزيق : بتزيق ازاي مش فاهم الكرسي عندي عادي مفيش اي تزيقه او حاجه
3- كنبه بتهبط : مش عارف صراحه
4- دركسيون تقيل نسبيا : لا تمام عادي
5- بعض المشاكل المتعلقة بالمساعدين والعفشة : يعني شايف المساعدين والعفشه كويسه والمحافظه عليها بتبقي كويسه
6- صوت الموتور العالي مقارنة بمثيلاتها 1600 cc : هو عالي فعلا شويه
7- ضيق الكنبه الخلفية : اه ده فعلا موجود بس انا مفيش حد بيركب معايا ورا الا قليل فمش حاسس بالمشكله
8- دواسة البنزين بطيئة الاستجابة فى التسارع : لا هو دواسه البنيزن فيها عيب وده نتيجه لعدم العزل الجيد الدواسه بتحس اكن رجلك علي اسطوانه ماشي فيها مايه فبتحس بمجري المايه وده مع السرعه العالي يعني فوق ال 140 هاتحس حاجه بتزغزغ في رجلك لكن الدواسه ممتازه وانا هاعمل موضوع بجد هاوضح فيه ازاي العربيه دي نستخدمها علشان تدينا افضل نتيجه
9- رعشة فى الفتيس : اوتوماتيك

رد: تقرير عن مشاكل وعيوب نيسان صني 2009 - 2010
 

انا معاية صني 2008 عامل 19500كم العفشة سيئة جدا ونشفة جدا في هابدة في العربية من الخلف ولما روحت التوكيل قالي ده مش حاجة بايظة هي كده!!

زائد كنت ماشي في طريق شرم الشيخ بعد ال 120 وانا قافل الزجاج كان في صوت سفارة جي من الزجاج الامامي ولما كنت بضغت عاليه كان بيروح ويجي انا مش عارف ده عيب في الكوتش الحولين الزجاج ولا الزجاج متركب غلط بس العيب ده مش بيظهر دائما
بالنزبة لاستهلاك البنزين هو الموتور 2 كامة والتنك 50ل داخل المدينة النص تانك بالتكيف بيعمل من 190-200 كم

بالنزبة للفتيس المنيول في رعشة

عازل الصوت سئ حتي لو فتحت الباب و بصيت علي الكوتش المحات بالباب كولاتي رديئة

الكنبة ديقة عن اللانسر والكورولا 2007 بس الشنطة اكبر

باختصار معظم عيوب السيارة نتيجة التجميع المصري بس فالمقابل هي ارخص عربية يباني 1600سس تبداء 84000 (عرض موجود الان) مش هتستحمل المشاكل ده وعايز تأفيل احسن وسعر اعادت بيع افضل ويباني بس تبداء ب 109000
لانسر البوما.

رد: تقرير عن مشاكل وعيوب نيسان صني 2009 - 2010
 

رد: تقرير عن مشاكل وعيوب نيسان صني 2009 - 2010
 

شكرا جزيلا يا دكتور محمد على ردودك المفيدة من شخص مجرب للصني
لكن احب اوضح زي ما قلت في الاول
ان العيوب المكتوبة من شكاوى ناس مجربه السيارة واشتكت منها وطلبت منكم تأكدوا وجود هذه العيوب او تنفها زي ما حضرتك تفضلت حتى نصل الى خلاصة العيوب الحقيقية لهذه السيارة القوية

وفكرة رائعة انك تجهز موضوع عن كيفية استخدام هذه السيارة للحصول على اعلى اداء منها واحنا في انتظار موضوعك يا باشا

رد: تقرير عن مشاكل وعيوب نيسان صني 2009 - 2010
 

[QUOTE=peter.nassif;114672]انا معاية صني 2008 عامل 19500كم العفشة سيئة جدا ونشفة جدا في هابدة في العربية من الخلف ولما روحت التوكيل قالي ده مش حاجة بايظة هي كده!!

يا ريت يا باشا توضح موديل السيارة (سوبر صالون - EX صالون)
على فكرة في فرق كبير بين عفشة السوبر صالون و EX صالون
المفروض عيوب العفشة فيه الفروض تبقى منعدمة على حد علمي