مصر موتورز مجتمع السيارات - اساطير شائعة جدا في طب الاطفال .. التهابات الاذن الوسطى ..

مصر موتورز مجتمع السيارات (https://www.masrmotors.com/vb/index.php)

- نادى الاطباء (https://www.masrmotors.com/vb/forumdisplay.php?f=94)

رد: اساطير شائعة جدا في طب الاطفال .. التهابات الاذن الوسطى ..

اولا بشكر حضرتك ع المعلومات القيمة دى وبستفيد منها واعتقد كلنا بنستفيد منهاا
تانيا موضوع المسكنات بالنسبة للاطفال دا بقى اساسى وبالذات ف AOM انا كنت بعمل دعاية ع مضاد حيوى ومعاة مسكن لبوس ( ديكلوفااااك بوتاسيوم ) وكان موجود ف الروشتات الدكاترة يعنى مثلا الدولفين لبوس من اكتر الحاجات اللى بتبيع ومشهورة ك OTC
يعنى مش هتلاقى ام معندهاش دولفين لبوس لاطفالها فعلا غباء ف استخدام المسكنات يمكن اكتر من المضادات الحيوية
ثالتا متابع باهتمام سلسلة المعلومات والمواضيع الجميلة دى
تحيااااااااااتى

رد: اساطير شائعة جدا في طب الاطفال .. التهابات الاذن الوسطى ..

اقتباس:

المشاركة الأصلية كتبت بواسطة nktis (المشاركة 551014)

شكرااا علي التوضيح بس بصراحه الفيجاسكين بشوفه دايما في رشتات اطباء الانف والاذن والحنجره بكثره سواء كبار او اطفال بجانب كميات مضادات حيويه زي مثلا سيفاكسون لمده 3 ايام ويكمل بمضاد حيوي اخر شراب..........:1281F1~121 :

اذا كان الطفل سنه اقل من 7 سنين ..
ارفض تصرفله الفيجاسكين او تديله الاسبيجك كمسكن ..
حد فاكر الولد اللي جاله نزيف في المخ و وزارة الصحة كانت محتارة هو مات من انفلونزا الخنازير و لا من حقنة المسكن ( و كانت فولتارين على فكرة .. يعني من الادوية الامان ) و ادعت وزارة الصحة انه سبب الوفاة كان " راي سيندروم " مع انه بيجي من مشتقات الاسبرين موش الفولتارين و باقي المسكنات ..
و ايامها .. كل الامهات كانت خايفة من اي خافض حرارة ما عدا الباراسيتامول ..
و اتعمل مؤتمر في ابو الريش و كذب وزارة الصحة ..
المهم .. اي مشتقات الاسبرين لطفل عمره اقل من 7 سنين و هياخده كخافض حرارة ( موش كعلاج للحمى الروماتزمية او التجلط في الدم مثلا) ارفض تصرفه رفضا تاما ..
و ارجع للكتب و دب ايديك في عين التخين ..
و ربنا يستر علينا جميعا ..
و تقبل سلامي :fun_36_3_11[1]:

رد: اساطير شائعة جدا في طب الاطفال .. التهابات الاذن الوسطى ..

اقتباس:

المشاركة الأصلية كتبت بواسطة m.m. (المشاركة 551029)

شكرا يا دكتور على المعلومات الجميلة دى وعلى فكرة انا طالب بالفرقة الخامسة طب قصر العينى وكان فيه معلومة درستها فى الانف والاذن احب اخد رأي حضرتك فيها وهل هى شائعة ام لا :

هناك اعراض مصاحبة لالتهاب الاذن الوسطى فى الاطفال مثل القئ والاسهال وممكن الاعراض دى تؤدى الى تشخيص خاطئ وهو التهاب المعدة والامعاء ( gastroenteritis )

اهلا بيك يا دكتور و ربنا يوفقك يا رب ..
و انا برده خريج القصر العيني و ماجيستير القصر برده ..
و فعلا دي حقيقة ..
الترجيع و الاسهال في الاطفال بنسميهم unspecific symptoms
يعني موش شرط كل طفل عنده ترجيع او اسهال يبقى عنده نزلة معوية ..
و علشان نتفادى الخطأ ده ..
لازم فحص الاذن يكون خطوة اساسية في كل كشف للطفل اكتر من سن 6 شهور ..
و لو عايز اي حاجة في الاطفال انا تحت امرك
و تقبل سلامي ..:fun_36_3_11[1]:

رد: اساطير شائعة جدا في طب الاطفال .. التهابات الاذن الوسطى ..

اقتباس:

المشاركة الأصلية كتبت بواسطة Torn@doo (المشاركة 551122)

في المناطق الشعبية ..
الدولفين ده الملبس بتاعهم :070104~242:
و في المناطق الراقية ..
الام تخاف جدا تدي الدولفين ده حتى لو كانت درجة حرارة الولد فوق الاربعين ..:dzy:
لا ده صح .. و لا ده صح ..
المسكنات و خوافض الحرارة من اكثر الادوية استخداما ..
و الدكتور اللي واثق من نفسه ..
هو اللي بيقى مشخص صح ..
و بيدي الدوا المناسب للعرض المناسب للسن المناسب للوزن المناسب ..
و كتر الادوية في الروشتة دليل على قلة ثقة الطبيب بنفسه ..
و ربنا يجازي عنا خيرا استاذة ابو الريش هم اللي علمونا كده ..
و انا اكيد هعمل موضوع عن ادوية الحرارة ان شاء الله ..
و اتمنى اني اكون افدتك .. و اذا افدتك بجد فلا تنساني في دعائك ..
سبحانك لا علم لنا الا ما علمتنا ..
و تقبل سلامي :fun_36_3_11[1]:

رد: اساطير شائعة جدا في طب الاطفال .. التهابات الاذن الوسطى ..

الف شكر يا دكتور على الكشف المجانى ده :fun_36_3_11[1]:ويا ريت ما تحرمناش دايما من المعلومات القيمه دى