رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا
 

وهو انا قولت يا ميدو ان اللي انا بعمله ده صح ديه مكنتش الا تجربة فقط ومخدتش معايا اكتر من 10 دقائق وبعدين رجعت مشيت علي مهلي مش نظام جري وخلاص ده كان اختبار للزوايا والترصيص اللي عملتهم لا اكثر ولا اقل وبلاش بردك اخذ الملف علي الحامي علشان لما العربية تتقلب بالواحد محدش هيسقفلك ساعتها

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا
 

يامعلم مهود ثبات العربية بقى اللى بنحكى عليه انا شخصيا باخد منحنبات كوبرى اكتوبر الصعبة زى اللى فوق ميدان عبد المنعم رياض على 100 او ميدان رمسيس مع الاحتفاظ بالحارة مش بتنقل للحارة اللى جنبها لكن الانتقال للحارة لما يكون الطريق فاضى ممكن السرعة تزيد شوية

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا
 

كل الموال ده وتستفز الناس والناس ترد وانت ترد ماشاء الله 10 صفحات ردود على 10 دقايق ؟؟؟؟؟هههههههههههههه
اومال لو اخدتها من هنا لمطروح مسافة 450 كيلو بدون راحة على سرعة 180 كنت عملت تمثال للفيرنا ؟؟؟؟؟؟؟؟
3 ساعات الا حوالى 5 دقايق او 10 دقايق كنت فى مطروح

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا
 

لعلمك اولا متقارنش طريق مرسي مطروح بالطريق الصحراوي الغربي ده اولا لان الطريق الصحراوي الغربي فيه اصلاحات كتيرة جدا ولسه بيسفلتوه فانا مفضلش ماشي علي السرعه ديه وودي نفسي في داهيه ف الاخر وثانيا كان معايا والدي في العربية وزعل مني لما لاقني ماشي بالسرعه ديه فضطريت اني اقلل السرعه ديه لان كان في نيتي بامانه اني اكسر الامبير بس معرفتش بسبب والدي وثالثا الطريق كل كام متر تلاقي في حادثة وربنا يسترها علينا والطريق زي الزفت وفعلا الحته الوحيدة اللي في الطريق اللي كانت نضيفه هيه ديه اللي انا جبت فيه 190 وكانت تقريبا كدا 15 كيلو او 20 كيلو فلاقيت انها احسن حته اقدر اظبط فيها العربية وبعدين يا عم لو مزعلاك ال 10 صفحات هقصلك منها كام صفحه علشان مزعلكش وبالله عليك متحسسش الواحد انه راكب عربية كارو وانتا راكب ب F16 وبعدين انتا اساسا دخلتني في متاهات انا قصدي من الموضوع ده كله اني كنت بختبر زوايا وترصيص علي السرعه ديه وفعلا لاقيت نفسي بجد مش حاسس بالعربية اني ماشي علي السرعه ديه لان عزلها كان روعه صوت الماتور بس اللي كان عالي شوية بس مكنتش حاسس بيه من صوت الكاسيت

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا
 

ههههههههههههههه هما الصعايدة كده( اقصد انا ) مزعجين ومتعبين ويدخلوك فى متاهات عجيييييبة بالمناسبة انتو عندنا ميتقالش عليكو صعايدة وجدى كان دايما يقوللى الصعيد يبدأ من اسيوط ( أحترس دى متاهة جديدة)
اما حكاية العربية والله احنا بنكلمك خوفا عليك بس لا اكثر ولااقل لكن ربنا يباركلك فيها لكن انا مش بتريق والله هو انا كنت طايل ده ربنا بعتلى النيسان دى من عنده يبقى هتريق على خلق الله وانا اتمرمطت فى المواصلات ومكنتش طايل ال128 حتى اقوم اتريق لما ربنا يكرمنى؟ مستحيل طبعا وبعدين لازم نهزر معاك شوية علشان تبقى المناقشة فيها شوية طراوة انما تجارب تجارب تجارب دى حتى تقلب ب حر وخنقة يبقى لازم نطرى المناقشات بشوية هزار يعنى وياعم حقك عليا وانا غلطان ليك وللفيرنا
الصحراوى الغربى انضف واحسن من الشرقى بكتير ومن طريق اسكندرية القاهرة الصحراوى واوعى احترس واياك من تقفيل الامبير بالفيرنا دول كوريين وبيموتو فى التهريج زينا (هتزعل تانى اهو ) ههههههههه
بمناسبة الكاسيت فى كهربائى قال لى جورج وسوف بينوم البطارية لان صوته تخين فبيسحب كهربة العربية هههههههه