رد: *| فضيحة بجلاجل تظهر كذب المجلس العسكري ومن صفحته على الفيس بوك (جبتش حاجة من عندي)|*
 

ـ|| موقفي من حادث تفجير وزير الداخلية المصري اللواء محمد إبراهيم ||ـ
 

]

أولاً::::::: ـ
أكيد كلنا بندين عمليات القتل الأرهابية بشدة
ونؤكد على حرمة الدم

ندين العملية الإرهابية لقتل حوالي 70 مواطن مصري عند نادي الحرس الجمهوري بواسطة الجيش والشرطة ولم يحقق فيها حتى الآن بعد مرور شهرين
وندين العملية الإرهابية لقتل حوالي 200 مواطن مصري عند المنصة بواسطة الجيش والشرطة
وندين العملية الإرهابية لقتل حوالي 2000 مواطن مصري عند فض إعتصام ميدان رابعة والنهضة بواسطة الجيش والشرطة
وندين العملية الإرهابية لقتل حوالي 100 مواطن مصري عند مسجد الفتح برمسيس بواسطة الجيش والشرطة
غير العمليات الإرهابية لقتل المئات في إسكندرية في جميع المظاهرات
وكذلك المنصورة
وكذلك ندين قتل الجنود في كل مكان في مصر
وندين تفجير وزير الداخلية المصري
إلخ .........
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ


ثانياً ::::::ـ
تفجير وزير الداخلية هل هو حقيقة أم تمثيلية
مش هو ده اللي يهمني

طيب حد يقوللي تفجير كنيسة القديسين إيه ظروفه
فيلم ولا علم
المسيحيين كانوا مقدمين بلاغ باتهام وزير الداخلية بتدبير الفيلم ده
لكن الموضوع مات

فمش هتفرق كثير هو فيلم ولا علم
لأن المسئول عن التلقين الآن هو رجال السيسي في الداخلية والجيش والإعلام
والداخلية والجيش لقنوا الإعلام خلاص بالتفاصيل
والتلقين بيوضح الحقيقة والنية على الآخر
وجرية الأهرام الرسمية نزلت التعميم خلاص::::
خبراء الأمن‏:‏ حماس والقاعدة نفذتا العملية بالتنسيق مع الإخوان - الأهرام اليومي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ


ثالثا ::::::ـ
هل هناك دوافع لأي إنسان مجرم على الأرض لقتل وزير الرحمة والحنان محمد إبراهيم وزير داخلية مصر ؟؟

مفيش أي دوافع طبعاً
مش كده ولا إيه

هو كان في مجرمين حوالي 3000 واحد أو أكثر إتقتلوا في الميادين من يوم إعلان ثورة يونيو الغير إنقلابية
وزير الداخلية قتلهم هو والجيش عشان كان في خمسة أو خمسين أو أكثر من واحد شايلين سلاح على كبري 15 مايو وصورتين تلاتة كمان قال عليهم العقيد الإعلامي للسيسي
فا وزير الداخلية والسيسي قالوا نشتغل على نضافة
وقتلوا حوالي 3000 واحد من يوم 30 يونيو إلى اليوم وفي ناس بتقول أكثر

لكن خليهم 1000 واحد بس
1000 !!!!!
حاجة بسيطة خالص

ال 1000 دول طلعوا بني آدميين
وطلع ليهم أهل
وقال إيه زعلانين

يمكن حد فيهم إتهبل في عقله وقرر ينتقم لنفسه بإيده ويجيب دم إبنه

لكن ده إعتداء سافر على سلطة القضاء المنوطة أصلاً بإنها تجيب حق دماء هؤلاء الألف

يقوم واحد برضه من أهل ال 1000 يفتري على القضاء والجيش والشرطة
ويقولك
إبني مقتول بالرصاص الحي مع سبعين غيره عن نادي الحرس من 60 يوم
ولا حس ولا خبر
لا قضاء ولا جيش ولا شرطة عايز يجيب حقه

المهم قلناله
إخرس يا ولد
وقف مكانك
قف مكانك واعرف إنت بتتكلم مع مين

وإقفل بيتك لنبعتلك أشراف أمن الدولة يقتحموا غرفة نومك الفجر ويجيبوك
فالراجل سكت

تفتكروا إتهبل في عقله تاني وعايز ينتقم
ولا هو دخل بيته وجاب عضاضة على شكل نعل بيدة وبيعض فيها
إنتوا عارفين المصريين دم ولادهم غالي ولا رخيص ؟؟

حد يقول يمكن نزل فيها تعميم وأنا معرفش
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ

رابعاً ::::::ـ
هل يتذكر أحد متى إنتهى الإرهاب من مصر ؟؟؟

آخر إرهاب كان سنة 1997 في الأقصر
بعدها وقبلها حصل في السجون وخارج السجون مراجعات ومصالحة وتوقف الإرهاب

طيب هو الإرهاب بدأ إمتى

أيام عبد الناصر لما لم كل معارضيه وحطهم في السجن الحربي
وإعتدى على أنفسهم وأعراضهم وأموالهم سنين
وأعتذر لأي واحد يجهل شخص إسمه اللواء حمزة البسيوني أو شمس بدران
الجاهل بهذا الشخص
يذاكر شوية من الكتب أو على النت وبعدين يكمل

أنا شخصياً أعرف واحد أبوه كان صديق اللواء حمزة البسيوني الروح بالروح
وهو اللي حكالي مباشرة

المهم
حد يعرف أو فاكر جماعة التكفيير والهجرة بدأت إزاي ؟؟؟
وهي من أكبر الجماعات التكفيرية
هل يعرف أحد أنها بدأت في المعتقل المصري أيام عبد الناصر نتيجة للتعذيب البشع بقيادة اللواء حمزة البسيوني ومن على شاكلته

تفتكروا الإرهاب رجع
ولا بيتم محاولة إحياؤه واستدعاؤه ؟؟؟؟
متنسوش إن مبارك حكم مصر بالطوارئ 30 سنة
ومفيش إسمه إيه كان بيقدر يفتح بقه
والحجة عمليات إرهابية
رغم إن كل بني آدميين العالم بيحصل في بلادهم حالات طارئة وبيتجاوزوها بدون إستعباد الشعب بما يسمى حالة الطوارئ أو حالة اللاحقوق لأي مدني أمام سلطة العسكري

طيب في ناس مشاغبين ومش عاجبهم إنقلاب قصدي إنثوار 30 يونيو
والناس دي سلميين
أنا بتكلم عن السلميين بس زي اللي بينزلوا بقالهم شهرين في مظاهرات سلمية

إزاي نقمعهم بدون ما البرستيج يبوظ
إزاي
إزاي تسكت لسان معترض ؟
فكر مع رجال الأمنجية بعد إحياء الدولة البوليسية
ولو وصلت لأن الحل هو إحياء الإرهاب
بلاش تقول

-

[/]

رد: ـ|| موقفي من حادث تفجير وزير الداخلية المصري اللواء محمد إبراهيم ||ـ
 

حبيبي والله يا سيسي خلتهم ياعيني يعملوا سيناريوهات وافلام ويحلموا احلام يقظه
ههههههههههههههههههههههههه ههههههههههههههههههههههههه هههههههه
تحيه خاصه لسياده الفريق اول عبد الفتاح السيسي
ولسياده اللواء محمد ابراهيم
وتحيه وتقدير لرجال الشرطه والجيش

رد: ـ|| موقفي من حادث تفجير وزير الداخلية المصري اللواء محمد إبراهيم ||ـ
 

و الله يا أستاذ أحمد انت كلامك تمام و أحب أضيف إن اللي ماتو مش إخوان و الناس اللي شافت الدم و الموت مش اخوان دول شباب زيينا ، احنا كلنا ما كانش عاجبنا مرسي بس فيه فرق يا أستاذ تامر ياللي فرحان بالسيس ما بين واحد حر صوته من عقله لإن عنده عقل وواحد عبد للقوة و ما عندوش عقل و لو علم الله فيه خيرا لمتعه بعقله إلا أنهم كما الحيوان يقف مع من غلب و قد عجبت كل العجب عندما رأيت انتفاضة مشاعر في كل بقاع ؛ القاصي و الداني ، العربي و الأعجمي ، المسلم و غير المسلم ؛ و رأيت ابن بلدي يشمت في اخوه ! عندها تقصف قلمك و تطوي ورقتك ؛ فلا مجال للجدال و لا مكان للنقاش ؛ من يبيح الدم الذي حرمه الله بغير حق فهو كافر بالله ، ميت ضميره ، منزوع منه صفة الإنسان و هو في الوقت ذاته أجبن ما خلق الله فاعف عنا و اغفر لنا و ارحمنا انت مولانا فانصرنا على القوم الكافرين .

رد: ـ|| موقفي من حادث تفجير وزير الداخلية المصري اللواء محمد إبراهيم ||ـ
 

و اين كان الاخوان من مقتل جنود الجيش في رمضان قبل الافطار .,. الم يباركوا لهذه المجزره للاطاحه بالمشير !!!
و اين كان الاخوان من مقتل الجندي و كريستي و ابو ضيف و ثوار غيرهم .,. الم يقولوا عليهم بلطجيه و ايه وداهم هناك !!!
و اين كان الاخوان من مقتل جنود الامن المركزي .,. الم يقولوا ان عمليتاهم الارهابيه في سيناء ستتوقف بعوده المعزول !!!
https://fbcdn-sphotos-b-a.akamaihd.n...73746219_n.jpg