#1
|
|||
|
|||
تغيير مساعدين التيجو لزيادة نعومة العفشة
بسم الله الرحمن الرحيم، طبعا كلنا عارفين ان العفشة بتاعت التيجو ناشفة جدا، والموضوع ده كان عاملي صداع في دماغي ومضايقني من العربية، طبعا اول حاجة فكرت فيها اني اغير المساعدين ، دورت في مصر في سلقط وملقط علي حد يقولي علي بديل للمساعدين، طبعا ملقيتش، سألت في التوكيل قالوا ما نعرفش، سألت بتوع قطع الغيار، قالوا مالهاش بديل، سألت العفشجية ابدوا يفتوا عليا، لدرجة ان واحد حاول يقنعني ان احنا نركبلها مساعدين الشيروكي، أقولوا ما ينفعش، يقولي لا ينفع، يا عم مش هدفع انا فلوس في مساعدين عارف من الاول انهم مش هيركبوا، قالي انا عندي جوز نجربهم، يا ابن التيتتتتتتتتتتتتتتتتتتتتت تتتتتت.
المهم كان في اختيار المهندس محمد حمدي لتعديل المساعد الاسكودا، بس بصراحة ما كنتش مرحب بيه قوي لانه بيعتمد علي الصنايعية، وقطع زيادة او نقصان ممكن ما يركبش، المهم بالصدفة قابلت واحد صيني، وكنا بنتكلم علي العربية وسألته علي المساعدين، قالي الموضوع سهل جدا ، هات مساعد التويوتا راف 4 موديل من 2000 - 2005، كده الموضوع بأه سهل، أدور علي المساعدين المونرو، مش موجودين، الكوني مش موجودين، الاصلي بتوع الراف مش موجودين ال KYB مش موجودين، ايه الحوسة ديه، مفيش غير الاستيراد. توكلت علي الله وقررت استورد جوز مساعدين، طب اجيب ايه طبعا نفسي في الكوني بس غالي جدا، يبقي انا واقف علي المونرو أو ال KYB، لقيت الاتنين غاز والاتنين تقريبا بسعر واحد قولت خلاص خلينا في اللي معانا رقمه وبلاش فتي. اشتريت ال KYB وشحنته علي مصر، طبعا وصل بضعف سعره بس كله يهون عشان خاطر التيجو، روحت للعفشجي، فك يا ابني وركب، في ربع ساة كنت مركب الاتنين الحمدلله، ركبوا مكان الاصلي بالظبط من غير اي تعديل، او فك وشيل،وخت العربية وطلعت اجرب، ما شاء الله في اختلاف كبير جدا في النعومة، العربية احسن بكتير والهبد بتاع الطريق اقل بكتير جدا، حتي فواصل الكباري ما بقتش باينه زي الاول، علي السرعات، جربت لغاية 140 مفيش فرق في الثبات، ولسه بجرب وابلغكم. وأخيرا انا مستعد لأي سؤال. |
#2
|
||||
|
||||
رد: تغيير مساعدين التيجو لزيادة نعومة العفشة
ماشاء الله احب الناس اللى ما بتهداش اللا لما تعمل اللى هى عاوزاة
احييك |
#3
|
||||
|
||||
رد: تغيير مساعدين التيجو لزيادة نعومة العفشة
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#4
|
||||
|
||||
رد: تغيير مساعدين التيجو لزيادة نعومة العفشة
السلام عليكم
التيجو اصلا تقليد الراف 4 والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
||||
|
||||
رد: تغيير مساعدين التيجو لزيادة نعومة العفشة
الله ينور عليك..
طبعا حضرتك بتتكلم ع المساعدين الخلفي ؟؟ ياريت سعر المساعدين ورقمهم.. وكمان الموقع اللي اخترت منه المساعدين.. وهل يوجد منهم غاز وزيت زي بتوع الأصلي ولا غاز فقط ؟؟
__________________
مشترك في جروب اسبيرانزا للجميع على الفيس بوك https://www.facebook.com/groups/233345930132046 |
|
|