فى حد يعرف يظبط الانذار بتاع f3

[peter magdy]

مساء الخير يا شباب
انا عارف ان اسئلتى بقت كتير
دلوقتى لما اقفل العربية او افتحها من الريموت بتنور بس من غير صوت مع انى و انا بستلمها و فتحها بالريموت عملت صوت متين ورا بعض
عايز اشغل الصوت تانى لان اختى فتحت العربية و بالصدفة عرفت
انا عايز افهم الانذار لازمتة اية
لما اقفل العربية بالريموت و حبيت افتحتها بالمفتاح بتظمر و لما حطيت المفتاح فى الكونتكت اشتغلت و الانذار سكت
عايز اقول ان لو حرامى لقدر الله فكر يسرقها لو كسر واحد من الزجاج الجانبى هيبقى جوة العربية من غير ما تقولة حاجة
و على ما سمعت ان الانذار فى ايمبوليزر بيمنع تشغيل الماتور الا لما تفتح من الريموت
اسف على كتر استفساراتى
شكرا

[mhamdy75]

احتمال يكون صوت السرينة واطى مش اكتر

[hanyyyyyy]

جربت يا بيتر الزرار الاحمر اللى فى الريموت علشان هو اللى بيلغى الصوت ويرجعه دوس عليه دوسه طويلة او كذا دوسة وجرب كده وشوف (طبعا وانت ادام العربية مش فى البيت هههههههههه )

[ehabpopo]

نظام البرمجة فعلا من الزرار الاحمر ... اقرا الكتالوج كويس ... هاتلاقى فية كل اللى انت عايزة ... طبعا مش الكتالوج كلة ... اقصد الجزء الخاص بنظام برمجة السنتر ... وابقى قولنا وصلت لاية

[melsheshtawy]

شوف يا صديقى
موضوع الصوت مع القفل والفتح ده بيحصل لو قفلت العربية وهى مقفولة (يعنى لو دوست غلط) أما لو فتحتها وهى مفتوحة هتنور مرتين بس بدل 3 مرات
والمفروض إن عند عدم استخدام الريموت فى فتح السيارة وإستخدام المفتاح الإنذار بيشتغل والعربية مش بتدور والكلام ده عن تجربة .. موضوع الزرار الأحمر ده كل معلوماتى عنه إنك بتدوس علية لمدة 30 ثانية بيخلى العربية تنور وتذمر عشان لو راكن فى بارك زحمة ومش عارف توصل لعربيتك هو بيساعدك لكن معنديش أى معلومة أنه بيستخدم فى ظبط أى حاجة فى العربية ولم يرد ذكره فى الكتالوج بأكثر مما سبق
وعموما يبقى ظبط جهاز الإنذار وحساسيته من أعقد الأمور فى السيارة من وجهه نظرى وحتى الكتالوج مش موضخها بشكل يتفهم