العودة   مصر موتورز مجتمع السيارات > السيارات اليابانية > سوزوكى Suzuki > ماروتى MARUTI


إضافة رد
 
أدوات الموضوع
  #1  
قديم 25-09-2012, 01:47 PM
alking_2006 alking_2006 غير متواجد حالياً
التخصص العملى: مهندس برمجيات
 
تاريخ التسجيل: Feb 2010
المشاركات: 6
alking_2006 is on a distinguished road
افتراضي تقرير كامل عن تنظيف الكاربراتير عند مركز متخصص!!

السلام عليكم

دلوقتى كان عندى مشكلة فى الماروتى
لما ببقى طالع على اى نقلة بحرك الفتيس بسهولة عادى لكن العربية ذات نفسها مش بتاخد النقلة على طول يعنى بقعد عمال ازود بنزين و فجأة العربية تاخد النقلة بعد ما اكون زودت بنزين جامد فتقوم ناطة و ناتشة من مكانها و شبة طالعه امريكانى و النطة دى بتبقى جامدة اوى فى الغيار الاول و المارشدير و بتقل مع التانى و اقل مع التالت و اقل مع الرابع

مع العلم انى مغير طقم الكهربا و الفلاتر كلها و السيور و منظف الكاربراتير

فأنا كنت شاكك فى الدبرياج الديسك و الاسطوانة و البلية مع العلم ان العربية بتشد معايا كويس لحد 100 و موديلها 99 و مشميتش ريحة شياط

رحت للميكانيكى الخميس اللى فات المهم ركب العربية و جربها قالى دا كاربراتير مش دبرياج خالص
و وصفلى واحد بتاع كاربراتير فى امبابة

المهم رحتله كانت الساعة 2 قالى لأ انا مش بقبل عربيات بعد الساعة 1

المهم اتصلت بمركز الصفا اللى فى جسر السويس قالى انا بقبل عربيات لحد الساعة 4 و نص
طلعت على مركز الصفا و قالولى هنكشف على العربية و نقولك مصاريف التصليح و لو مش عايز تصلح هتدفع 25 ثمن الكشف قلتلهم ماشى

اخدت دور و الراجل جه كشف على العربية قالى الكاربراتير عايز يتحل و نشوف فيه ايه قلتله ماشى قالى المصنعية 100 جنيه غير ثمن اى حاجة عايزة تتغير كمان قلتله ماااااااااشى
فك الكاربراتير و بعد حوالى ساعتين ركبه تانى قالى الكاربراتير كان عايز يتنظف و احنا ركبنالك حاجة اسمها "بلية تعجيل" كانت مش موجودة عندك + جوان قاعدة كاربراتير
المهم دفعت فى الاخر 121 جنيه كالأتى

100 مصنعية تصليح كاربراتير
5 بلية تعجيل
5 جوان قاعدة كاربراتير
11 ثمن ضريبة مبيعات 10%
و قالى لازم تغير سلك البوجيهات علشان بيقطع قلتله ماشى و لو فيه اى حاجة تعالى تانى فى خلال اسبوعين

و طلعت بالعربية و حسيت بفرق جامد ما شاء الله و التقطيعه راحت تماما لكن انا اعيب على المركز فى كذا حاجة

1- غالى طحن يعنى انا لولا انى مزنوق فى الوقت كنت رحت عند اى محل تانى و مكنش هياخد اكتر من 50 جنيه و مش هياخد ضريبة مبيعات !!!!
2- طريقه مكسر جامد يعنى هتصلح الكاربراتير و تبوظ العفشة
3- بعد ما روحت بفتح الكابوت لقيت العمه بتلعب فى مكانها المهم فكيتها لقيت الصنايعى النص لبه بتاعهم ضيعلى الجوان الكاوتش الاسود اللى بيبقى ما بين العمه و الكاربراتير و طبعا فصلت انا واحد جديد من شنبر كاوتش قديم
4- كل ما ادوس بنزين جامد البدال بتاع البنزين ما بيرضاش يرجع تانى قمت جايب wd40 و رشيت على الكاربراتير من برا الموضوع اتظبط
5- كان فيه جزء من اجزاء الكاربراتير بيقع من مكانه كل ما ادوس بنزين قمت جايب سلكه نحاس و ثبته

لما كنت عندهم, مساعد الصنايعنى اللى عندهم و هو للعلم (عيل صغير) عمل الاتى

1- قالى لااااازم نغير سلك البوجيهات مع انه عمله اختبار و العربية مطفيه !!! سحر أنا بحسن نيه قلتله غيره, المهم راح للمخزن ملقاش سلك بوجيهات الماروتى المهم كتبلى فى كارت الصيانه تغيير سلك البوجيهات.
اشتريت بعدها سلك بوجيهات جديد و ركبته المهم طلع مش معزول كربون فكان بيعمل خروشة فى الكاسيت المهم قولت اجرب اركب السلك القديم ركبته و جربت سلك سلك و شوفت الشرارة بعينى و عرفت انى كنت ضحية الاشتغاله او قلة الضمير

2- فك البوجيهات و قالى لااااازم تغير البوجيهات: مع انى كنت مكملتش بيها 1000 كيلو كل الحكاية ان كان عليه كربون بسيط علشان الكاربراتير كان عايز يتظبط و دا اللى كنت رايح علشانه فى المقام الاول المهم اخدت بالى فقلتله ركبها زى مهيا متغيرهاش و عايز اقولكوا انى مكمل بيها دلوقتى 9000 كيلو بدون اى مشاكل و ان شاء الله هغيرها فى معادها على 10000 كيلو

الخلاصة ان الصنايعى بياخد كلام المساعد بتاعه (العيل الصغير) عن ثقة عمياء و بيكتبه زى ما هو فى كارتة الصيانة بالاضافة ان مراكز الخدمة مش بتسألك القطعه دى ماشية كام كيلو و مش بتصلح لكن بتغير و الحمد لله انهم مقالوليش الكاربراتير لاااااااااازم يتغير

فالنتيجة انى طبعا مش هروحله تانى ابداااااااااا
و الحمد لله على كل حال
رد مع اقتباس
  #2  
قديم 25-09-2012, 03:02 PM
الصورة الرمزية محمد صالح - المحامى
محمد صالح - المحامى محمد صالح - المحامى غير متواجد حالياً
التخصص العملى: Lawyer
 
تاريخ التسجيل: Mar 2012
الموقع: Ismailia
المشاركات: 654
محمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond reputeمحمد صالح - المحامى has a reputation beyond repute
افتراضي رد: تقرير كامل عن تنظيف الكاربراتير عند مركز متخصص!!

ههههههههههه
ياعم دا المفروض هما الى يدولك فلوس انت الى عملت كل حاجة بنفسك كدا
الله يرحمك يا ضمير . معدش فى ضمير فى صنيعيه مصر كلها
كل ما تعمل حاجة عند صنياعى لازم ترجع تظبطها تانى بنفسك مع ان الواحد مبيبخلش عليهم فى مصنعية
رد مع اقتباس
  #3  
قديم 25-09-2012, 04:27 PM
الصورة الرمزية miam0502788391
miam0502788391 miam0502788391 غير متواجد حالياً
من انا؟: انسان طيب
التخصص العملى: دكتور اشعة تشخيصية
هواياتي: السيارات
 
تاريخ التسجيل: Sep 2009
الموقع: المنصورة
المشاركات: 1,773
miam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond repute
افتراضي رد: تقرير كامل عن تنظيف الكاربراتير عند مركز متخصص!!

شكرا على الموضوع
جزاك الله خيرا
__________________

د / محمد

إن الله لا يصلح عمل المفسدين

رد مع اقتباس
  #4  
قديم 25-09-2012, 05:46 PM
الهولندى الطائر الهولندى الطائر غير متواجد حالياً
 
تاريخ التسجيل: Jul 2012
المشاركات: 280
الهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond reputeالهولندى الطائر has a reputation beyond repute
افتراضي رد: تقرير كامل عن تنظيف الكاربراتير عند مركز متخصص!!

انت فى مصر يا باشا
سمك لبن تمر هندى
مراكز الخدمة دى بره مش فى المحروسة
لما ينظف كاربيراتير ب 100جنيه ده يبقى الدكتور ينام فى بيتهم اللى كشفه 80 جنيه

يعنى مكسب من الهواء وخيالى
فى كلام فاضى
فك الكاربيراتير أسهل شىء فى الدنيا وتنظيفه اسهل من السهولة
ولكن تعمل ايه لطمع البنى ادميين
وعجبى
__________________

بسم الله الرحمن الرحيم
{يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن
يُتِمَّ نُورَهُ وَلَوْ كَرِهَ الْكَافِرُونَ }التوبة32
صدق الله العظيم

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:28 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017