فلترهواء - بوجيهات سبور

[mohaned_magdy]

طبعا الكل مستغرب من عنوان الموضوع بس انا عامل الموضوع ده للنقاش ياجماعه لان الناس كلها بتقول كلام ومهندسين كلية الهندسة قالو كلام تانى

اولا : سؤالى كان مع طالب فى السنه الرابعه فى كلية الهندسة قسم ميكانيكا باور بيدرسو عن مواتير السيارات برضو عندهم قسم كبير فى المناهج عنها

1- هل فلتر الهواء الاسبور بيخلى العربية تجرى
الرد : لا طبعا مين قال كده
س : ولا بتزود عدد الاحصنه
ج : لا بالعكس ديه بتقلل من عزم الموتور يعنى بيكون ضعيف

2- هل البوجيهات الاسبليت فاير بتزيد من كفائة السياره
الرد : ايوه بس على حساب الموتور
قالى انها بيكون احتراقها اكبر بتحرق كمية كبيره من البنزين وتقلل العمر الافتراضى للموتور

تنصحنى اعمل ايه طيب علشا اخلى العربيه تمام معايا فى السحب
قالى عير الجوان بتاع وش السلندر هات جوان رفيع هايكون غالى شويه بس مش مشكله هاته هتلقيه معاك 100 100 بس اوعى تفكر تحط بنزين 80 لو هاتحط تحط 90 ولو تقدر تحط 92 حطلها وقالى اتفرج عليها وادعيلى وقالى لو البنزين 80 العربية هاتكركر منك

وانا عن نفسى ناوى اعمل فكره جوان وش السلندر وهابقى ابلغكم بيها انشاء الله

ياريت كل واحد يقول راءيه فى الكلام


MoHaNeD

[AbOnOrA]

بص يا مهند فكره تغير الجوان ديه المقصود منها تقليل لحجم غرفة الاحتراق وبتالى نسبة الانضغاط هتزيد شوية والعزم الناتج عن الاحتراق هيبقى اكبر فعلا وعلشان كده (ان نسبة الانضغاط هتزيد) بيقولك متستخدمش بنزين فيه رصاص وتبداء من بنزين 92

لاكن البوجيهات السبور ولا فلتر الهواء الاسبور ملهمش تاثير فده كلام مبالغ فيه بس هو اكيد يقصد مش بتدى التاثير الملحوظ وده صحيح لان ديه مجرد تحسينات لعملية الاحتراق ككل وبعدين السبلت فاير والفلاتر الاسبور مش هتحس بيها الا مع انجيكشن لانة بيوزع البنزين بشكل افضل وعلى شكل بخار فدة بيساعد على احتراقة بشكل افضل واكبر والفكرة كلها واللعب ده كله علشان تستغل غرفة الاحتراق اقصى استغلال

[محمد_فراج]

بس انا عن نفسى مغيرش جيوان وش سلندر لو عايز تكثر من السحب ممكن تكثر من كميه الهوائ الداخل لغرفه الاحتراق ولان الهواء اللى داخل كتير لازم تعمله منفذ اكبر من العادى قصدى الشكمان علبه عادم اكبر وتغير البوجيهات العاديه ال1 شعله ب 3او4 شعله بس ده مش هيوفر بنزين وارجو التعليق
مستنى ردك يا ابو نورا

[matmm]

يا جماعة معلش انا ليا تعليق على حكاية جوان وش السيلندر لو قل الجوان العربية هتسخن انا لما عمرت موتور العربية اخر مرة اضطريت اجيب جوان دوبل وواحد عادى علشان كان وش السيلندر على اخرة ف لو كنت حطيت جوان عادى كانت العربية هتسخن ودة الى اجمع علية كل المهندسين وكمان ليا تعليق على فلتر الهواء الرياضى لية بيزود السحب او ممكن يزود السحب لانة بيدخل هواء بارد اكتر وكل ما يدخل الهواء بارد كل ما يزيد الاحتراق واعتقد دة يزود السحب

[احمد على 1999]

بالنسبة للبوجيهات ال 2 او 3 او حتى 4 شمعة لا تعطى احتراق زيادة لكنها تضمن نجاح عملية الاحتراق دائما لان فى الاخر الشرارة حتكون برضه من شمعة واحدة
بالنسبة للهواء فى حل رخيص RAM EFFECT يعنى تخلى زور الهواء الى بيدخل الهواء على الفلتر العادى تخليه مواجه للهواء الى داخل على العربية و هى ماشية عن طريق مثلا انك تفك تثبيته الاصلى و تعوجه لتحت و تعمله خرم فى الاكصدام (و ممكن تلاقى اماكن موجوده اصلا فى الاكصدام مفتوحة للهواء زى مكان ال فوج لايت مثلا ) و تثبته فى الوضع ده بس متوطيهوش اكثر من اللازم لحسن تدخل فيه مياة الامطار و البرك و فيه ناس بينفخه الكبوت لنفس الغرض
على العموم لو حد عملها يبقى لازم يغير الفلتر فى فترات اقل لانه طبعا حيتسد اسرع من الوضع الاصلى
ده غير ان ممكن لو جه على العربية كيس او كرتونة قدام المدخل ده العربية حتبطل طبعا