استفسار بخصوص الريو 2013 هاتشباك

[mazenhalawa]

السلام عليكم

انا كنت ناوى اشترى عربية الاسبوع دة ان شاء الله و اتفرجت كدة و كنت فى الاول ناو على سيراتو كوبيه و بعد ما سألت اصدقاء ليا معاهم العربية قالولى اوعى و هتندم و عفشتها زبالة و مش نافعة فى الشوارع الى هنا خالص فا دورت تانى و شوفت الريو و عجبتنى جدا من حيث شكلها و الاوبشنز و وقفت كذا واحد فى الشارع راكبها و سألت و قالولى عربية هايلة و رغم انها 1400 بس بتجيب 190 و 200 و سحبها كويس مش زى ما ناس تانية بتقول

بس بعد ما دورت كتــــــير ملقتش غير لا 2013 هاتشباك خليجى هاي لين و اتقالى ان الخليجى الاوبشنز الى فيها اكتر بكتييييييييير من الوكيل و بتبقى انضف فا قلت على بركة الله و خلاص ناوى اخلص فيها الجمعة ان شاء الله فا انتو ايه رأيكو فيها كا عربية ل شاب 20 سنة و رأيكو اجيب لونها ايه كمان؟

[sherifabden]

نصيحة مني متجيبش الخليجي علشان الضمان وممكن تستنى شوية وتجيب التوكيل 2013
طب بقولك ايه متفكر في الاكسنت هاتشباك ؟؟؟

[borhan shams]

el rio hayla we a7san men accent bas hat ha wakeel we elly bey2olak khaleegy andaf mo3zam el koryy hena mosna3 3ala el mowasaft el khaleegeya ya basha bas betefre2 el 3arabeya gaya menen fel khaleeg ya3ny masalan andaf mowasfa khaleegeya el kwait we qatar we 3oman ba3d keda kolohom zay ba3d ta7eyaty

[mazenhalawa]

المشاركة الأصلية كتبت بواسطة sherifabden نصيحة مني متجيبش الخليجي علشان الضمان وممكن تستنى شوية وتجيب التوكيل 2013 طب بقولك ايه متفكر في الاكسنت هاتشباك ؟؟؟

يا باشا انا لازم اجيب اليومين دول مفيش صبر لانها اول عربية لية
و بالنسبة للضمان انا سمعت ان فى شركات بتضمن الخليجى , و الاكسنت للاسف ضعيفة جدا و خفيفة

المشاركة الأصلية كتبت بواسطة borhan shams el rio hayla we a7san men accent bas hat ha wakeel we elly bey2olak khaleegy andaf mo3zam el koryy hena mosna3 3ala el mowasaft el khaleegeya ya basha bas betefre2 el 3arabeya gaya menen fel khaleeg ya3ny masalan andaf mowasfa khaleegeya el kwait we qatar we 3oman ba3d keda kolohom zay ba3d ta7eyaty

ربنا يبارك لك

[YahiaAshraf]

و الله الريو عربيه ممتازه جدا

وانا افضلها عن الاكسنت اربى

لان صاجها اقوى
والامان فى اكتر
الخليجى الاوبشنز فيه كتير طبعا عن مصر

بس ميزة الوكيل
هو الصيانه
وعندك ضمان 5 سنين او 100 الف كم