استفسارات بخصوص فيات لينيا تربو 120 حصان

[ayman2]

الساده الافاضل ملاك فيات لينيا تربو انا ان شاء الله ناوى اشترى لينيا تربو 120 حصان ولكن هناك بعض الاستفسارات البسيطه قبل الشراء فبرجاء المساعده:
1- ايه اخبار درجه الحراره فى الصيف هى بتسخن ولا زى اليابانى والكورى طبعا التوكيل قال لايوجد سخونه على الاطلاق
2- بنزين 92 ينفع معها
3- العزم والسحب مثل المواصفه (206N/m ومن صفر الى 100 فى 9 ثوان) وطبعا اخبار الثبات ايه
4- التكييف يابانى زى التوكيل ما قال وبيبرد العربيه ام لا
5- واخيرا ايه اخبار التوكيل
وشكرا مقدما لكل من ساهم فى الرد والنصيحه

[Etsh]

الأخ العزيز أيمن. تقريباً أنا زيك بجمع جميع المعلومات عن الفيات الجدي للأنى أمتلك برافا و ناوى أجيب البرافو الجديدة إن شاء الله و سوف أقول لك كل ما عرفته عن السيارة الينيا لأنها كانت من ضمن إختيارات... بص يا سيدى

مميزات و عيوبها السيارة
1- ثبات عالى جدا على الطريق مماثل للسيارات الألمانى بدون أى فروق... و لمن يعلم فأن العفشة الإيطال مصنعة من شركة بوش الألمانية نفس الشركة المصنعة لفولكس فاحن و الكلام ده من سنة 2000 و عن تجربة فعلية.
2- الينيا ال 95 حصان سيارة ضعيفة جدا نتجة خجم السياة و لذلك قامت الشركة بتلافى الخطأ سريعاً بإنزال الينيا مع 125 حصات تى جيت توربو
3- فى إعتقادى الخاص سيارة بمثل هذه المؤهلات و المتور المزود ب التوربو سيكون من الخطأ إستخدام البنزين ال 92 معها خاصة و لمن لا يعلم موديلات فيات الحديثة بدون فلتر بنزين خارجى و لكن الفلتر فى تلمبة البنزين و ده معناه إن لو البنزين مش كويس يبقى هتغير طلمبة البنزين نتيجة عطب الفلتر الداخلى و الذى لا يمكن إستبدالة.....(عن تجربة حقيقية مع البرافا و البنزين ال 92)
4- قطع غيار السيارة توازى قطع غيار اليابانى و إن كانت أقل فى بعض القطع الصغيرة
5- سع السيارة منافس جدا مقارنة بالفئات المقابلة و نظرا لإمكانيات السيارة
6- تعليق من مقتنى السيارة خارج مصر و هو أن التوربو يتسبب فى ضعف الموتور عند ال 100.000 كم و دى حقيقة أى توربو فى أى سيارة بس الموضوع بيرجع للسائق
7- إعادة بيع لن تكون سهلة و ليس مربحا أو منصفا للسيارة نتيجة عدم الأقبال و سمعة الفيات فة مصر (ظلم و إفتراء على السيارة)
8- الوكيل أوماترا و لم يختبر بشكل جدى حتى الأن بس يوجد مركز صياتة معتمد و هو مركز برقان فى الهرم و دول وكلاء لكزس فى الخليج (الكويت) و إمكانيتهم كويسة و معدات حديثة و جيدة.

رأيى الخاص ...... عربية ممتازة و عائلية و لكن لمن يريد أن يقتنى الفيات الإيطالية بجودة المانية و سعر قطع غيار يابانية و عدم التفكير فى إعادة البيع

[ayman2]

أولا أنا متشكر جدا يا عزيز etsh على الرد بتاعك لآنى أخيرا وجدت واحد زى بيدور على فيات لكن بعد ما قرآت قصتك مع البرافو شعرت بيك لأن ده اللى حصللى مع معشوقتى لينيا التربو ولكن لأسباب مختلفه :
1- الوكيل فى غيبوبه تامه ومعندوش Test Drive وشركه فيات نفسها غير مهتمه بالسوق المصرى لدرجه ان فى اعضاء هنا ومنتديات اخرى مشابه وحصلت لهم مشكله وعندما اتصلوا بفيات نفسها سئلوهم عن تليفونات الوكيل
2- قطع غيار غير متوفره ولا يوجد عندهم أجهزه حديثه ولا خبراء ولا تشخيص أعطال ولا حاجه
3- لا يوجد اى دعايه من اى نوع للسياره وبالتلى غير منتشره وده بيأثر فى اعاده البيع وتوفير قطع الغيار
4-مسئولى المبيعات أو الفنيين لايوجد عندهم ردود على بعض الأسئله بخصوص درجه الحراره فى الصيف عامله ايه وخصوصا ان مناخنا يدأ يبقى خليجى وسألت ناس فى السعوديه ودول أحرى فالولى الفيات بيسخن هناك طيب ياجماعه الموديلات هنا متعدله علشان مصر انا شايف الرادياتير حجمه صغير ومع التربو - محدش فاهم حاجه طيب ياجماعه انا عاوز اجرب السياره وأشوف الكلام الكبير عنها صح ولا مبالغه - لايوجد Test Drive - حاجه واحده بس قالوها ان التكييف بفى Denso يابانى
5- الأسعار مبالغ فيه للموديلات الكامله للمانيوال 130 الف والاوتوماتيك 138 الف واللى كانت ب 115 الف ممكن تزيد يانهار أسود هى ناقصه طيب رخصوا علشان تتباع مش كفايه ان احنا مش هنلاقى فطع غيار بسهوله وباقى المشاكل الآخرى
6- اخيرا مراتى قالت لى انا قلبى مقبوض من الناس دى وخليك فى النيو السيراتو اللى انت كنت معجب بيها وبعدين كل 3 سنين بيع العربيه لأن شوارعنا واسلوب السواقه مش ممكن اى عربيه من بتوعنا تستحمله أكثر من 3 سنين
7- واخيرا مبروك عليك الرجوع عن طريق فيات اوماترا