|
#1
04-08-2012, 06:51 PM
|
||||
|
||||
أول مرة أعمل البط بالبرتقال النهاردة تعالوا شوفوا عملته أزااااااااي
يالا بينا يا جماعة النهاردة هناكل البط بالبرتقال بس الصراحة انا عملته بعصير البرتقال مش بالبرتقال نفسه
بسم الله الرحمن الرحيم أول حاجة نقول المقادير : بطة - زبادي - ملح - فلفل - عصير برتقال - طماطمتين مبشورين - بطاطساية كبيرة مقطعة حلقات - 2 بصل كبيرة مقطعة حلقات - 2 جزرة متوسطة مقطعة حلقات - (( قرفة و حبها لو عايزة )) الطريقة : بصي يا ستي اول حاجة نكون عاملين الحاجات دي كلها قبلها بيوم من بليل علشان تبات في التلاجة نغسل البطة كويس جداااااااااا بالليمون و الملح و الفلفل الاسود بعد كده نحطها في التتبيلة بتاعتها اللي هي ايه الزبادي و الملح و الفلفل و الطاماطم المبشورة و كوب عصير برتقال   و ندهنا كويس من برا و من جوا كمان بالتتبيلة دي  و انا حطيت عليها شوية قرفة مطحونة و حبهان و كملت دهان  و ندخلها علي التلاجة بعد ما نلفها في كيس و علي فكرة المفروض الطريقة بتاعة البط بالبرتقال دي مش بتطلع شوربة لإننا هنسويها في الفرن بس انا محتاجة الشوربة بتاعتها علشان كده قطعت منها الجناحات و طلعت الرقبة و الكبد و القوانص علي جنب من غير ما أبوظ شكلها علشان اعمل منهم شوربة  نيجي لتاني يوم بقه اول ما تبتدي تشتغلي فيها اول حاجة تعمليها تكوي مشغلة الفرن قبل ما تبتدي الشغل في اي حاجة بعد ما تطلعيها من التلاجة و تهدي شوية من السقعة اللي كانت جوا تجيبي صنية تيفال او الطاسه اللي بتقلي فيها و تحطي شوية زيت صغيرين جدااااااا و يستحسن مش تحطي زيت اصلا و تكوني مقطعة الخضار بتاعها  شايفة شوية زيت أد ايه ما تزوديش  و تنزلي فيها البطة علشان تاخد صدمة و تقلبيها علي جميع الجوانب علشان تتحمر شوية صغيرة من كل ناحية  بعد كده تطلعيها و تحطيها علي جنب في اي مكان  و في نفس الصنية اللي كنتي بتشوحي فيها البطة تحطي الخضار اللي انتي مقطعاه حلقات ( البطاطس و الجزر و البصل ) و لو عندك كوسة ماشي مش مشكلة  و تشوحيهم في نفس الصنية هما كمان ببعد ما يتشوحوا كويس تنزلي عليهم بكوبايه واحدة عصير البرتقال و تسبيه يادوب بس يغلي   بعد كده تبتدي تحشي البطة بالخضار اللي انتي عملتيه  اللي هيعملها بقه بالبرتقال يجيب البرتقال و يقطعه حلقات برده بس مش يحطه يتشوح علي النار لا يحشي بيه البطة من غير تشويح الصراحة انا ما عنديش برتقال علشان كده عملته بالعصير بس لو انتي عملتي خضار كتير و بعد ما حشيتي لسه فاضل خضار مش مشكلة افرشية تحت البطة في الصنية و سيبي عصير البرتقال في الصنية بعد كده تقفلي الصنية بورق الفويل او ورق القصدير علي حسب انتو بتسموه أيه و تدخليها الفرن  بعد ساعة تشيلي من عليها ورق الفويل في الفرن و تسبيها في الفرن عادي و لو محتاجة ماية زوديها عصير برتقال لما تستوي في الفرن طلعيها   و بالهنا و الشفا منقووووووووووول 
|
|
#2
05-08-2012, 12:56 PM
|
||||
|
||||
رد: أول مرة أعمل البط بالبرتقال النهاردة تعالوا شوفوا عملته أزااااااااي
|
|
#3
05-08-2012, 04:08 PM
|
||||
|
||||
رد: أول مرة أعمل البط بالبرتقال النهاردة تعالوا شوفوا عملته أزااااااااي
 : 120105~352::1 20105~352:
|
|
#4
05-08-2012, 04:35 PM
|
||||
|
||||
|
رد: أول مرة أعمل البط بالبرتقال النهاردة تعالوا شوفوا عملته أزااااااااي
ارحمنا يا استاذ يحي قلبى الصغير لا يحتمل
|
|
#5
05-08-2012, 05:23 PM
|
||||
|
||||
رد: أول مرة أعمل البط بالبرتقال النهاردة تعالوا شوفوا عملته أزااااااااي
__________________
|
 |
|
|
