|
#1
02-08-2012, 05:39 PM
|
||||
|
||||
تقرير عن دايو لاسيتى 2010 ( شبيهة الكروز ) بالصور
هى عربيه والدى- وجايبها من كوريا من حوالى شهرين كده.لأن احنا شغلنا استيراد قطع غيار سيارات من كوريا وهو هناك علاطول..والعربيه ده نازله من فتره هناك بأسم GM Daewoo Lacetti Premiere (وده اسمها الأصلى)..وعجبته واشتراها وجبها مصرا.وديه نازله مصر بأسم شيفروليه كروز.وطبعا من ساعت ما وصلت مصر مخلصناش من الاسئله بقا من الناس .طب ايه العربيه ديه وايه العلامه ديه و..... واللى ييجى يعمل جنبى انتظار ويتفرج..ده حتى مندوب مبيعات جى ام شيفروليه مصر وقف والدى مره فى الشارع واترجاه يقف ضرورى وده كان المسئول عن تسويق الكروز فى مصر وطبعا مصدقش نفسه لما لقاها قدامه وقعد يتفرج عليها وجاب ورقه وقعد يسجل ارأنا عن العربيه وادائها عامل ايه وسرعتها وثبتها وكده وقال هتصل بيكوا تانى واخد معلومات اكتر ..وبرغم ان اللى احنا جايبنها كانت مش ال High Line بس هو قلنا ده هتبقا اعلى line هنا فى مصر + حاجتين تقريبا ومنهم الدركسيون ال multi function ..وهتنزل تقريبا على مابين شهر 7>لشهر 9 كده. وبالنسبه للعربيه بقا فهيا عربيه جميله جدا بجد فى كل حاجه خاصه فى الشكل الداخلى والخارجى.والكاسيت فيه زى الكمبيوتر GID (Graphic information Display).وده فيه تحكمات واوبشن عالى اوى مش فى اى عربيه من فئتها.يعنى مثلا بتحكم فى أن اول ضغطه على زرار فتح العربيه من الرموت يفتحلك بابك لوحدك ولا يفتحلك الأبواب كلها ومثلا لما تعمل Lock من الريموت تخليه يعمل نور وكلاكس ولا نور بس ولا كلاكس بس ولا تلغيه كله ...وطبعا Equalizer و Mp3 CD's و AUX( ما بين الكرسيين) ,وحاجات تانيه كتير من الكاسيت.. وفيها فرامل ABS & EBD وبييجى معاه جهاز لحام كاوتش والموتور ECo-Tec 1600 زى الموجود فى ال OPEL وتقريبا 114 حصان والفتيس Step-tronic ولأول مره 6 سرعات فى الأوتوماتيك والعربيه موفره فى البنزين لدرجه انها بتاخد بنزين اقل من اللى كانت بناخده معايا فى اللانسر البومه 1300 CC وادائها ماشاء الله قوى وهادى والعربيه بتنقل على المستريح علشان 6 نقلات..ولو عايز تجرييها هتفضل دايس وتجريها والعربيه مريحه وواسعه من جوه .. وعريضه من بره.وووزنها تقيل وده مثبتها وبالنسبه للكماليات فهتبقا حسب شركه شيفروليه مصر بس اللى معايا فيها فوج لايت و2 ايرباج و سينسور خلفى ومرايات وزجاج كهرباء تاتش و التكيف تاتش بردو و... بس فى كوريا فى اعلى من كده فئات زى المالتى فانكشن ستيرينج و start engine و 'وطابلوه كروم وفرش جلد طبيعى وجنط 17 و 6 سماعات والسعر كانت تقريبا واقفه علينا بحوالى 110 الف..بس هيا دلوقتى غليت لأن العمله الكوريه غليت اليومين دول شويه واتوقع سعرها فى مصر هيبدأ من 100 الف المانيول اقل فئه لحد مثلا 135 الف الكامله...ده تقريبا والعربيه فعلا هتنزل تنافس السيفك والمازدا والسيراتو وده شويه صور ليها          ...وديه بقا بتاعت اخويا..زيها بالظبط...
. . .  يارب التقرير ينال اعجابكم منقووووووول للافاده العامه 
|
|
#2
02-08-2012, 05:50 PM
|
||||
|
||||
رد: تقرير عن دايو لاسيتى 2010 ( شبيهة الكروز ) بالصور
دي شيفروليه كروز حاطين عليها علامة دايو !!!!
مش بعيد تطلعلنا اوبترا عليها شعار دايو او افيو عليها شعار الدايو عموما تشكر على المجهود 
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn
|
|
#3
02-08-2012, 05:52 PM
|
||||
|
||||
|
رد: تقرير عن دايو لاسيتى 2010 ( شبيهة الكروز ) بالصور
العربية ديه أكتر عربية كورى بحبها
و ألف شكر عالموضوع
|
|
#4
02-08-2012, 05:53 PM
|
||||
|
||||
رد: تقرير عن دايو لاسيتى 2010 ( شبيهة الكروز ) بالصور
بالفعل يا باشا
فيه شيفورليه اوبترا و عليها علامة دايو   : Wkiss5:
|
|
#5
02-08-2012, 05:54 PM
|
||||
|
||||
|
رد: تقرير عن دايو لاسيتى 2010 ( شبيهة الكروز ) بالصور
: Wkiss5:
__________________
 نادى السيارات الصينيه على الفيس بوك نرحب بانضمامكم http://www.facebook.com/NadyAlsyaratAlsynyh جروب نادى سيارات البيجو على الفيس بوك https://www.facebook.com/groups/172929839542780/
|
 |
|
|
