تركيب تكييف للسيارة لادا

[محمد حسن عبد الرحمن]

السلام عليكم يا رجالة الحمد لله أشتريت سيارة لادا 2106 (1500) من أسبوع بس الكابينة فى سخونية غريبة وده أكيد من عزل الحرارة لغرفة المحرك أو كابينة السيارة المهم انا عايز أعرف كم يتكلف تركيب تكيف للسيارة وهل هياثر على اداء السيارة أو هيزولها أو هيسخنها وأزى أعرف الموتور اللى عندى يركب عليه تكييف ولا لا ومدى تأثيره على المحرك فى المدى القصير والبعيد والف شكر لدكاترة الادا.

أخوكم محمد

[thunder2006]

المشاركة الأصلية كتبت بواسطة محمد حسن عبد الرحمن السلام عليكم يا رجالة الحمد لله أشتريت سيارة لادا 2106 (1500) من أسبوع بس الكابينة فى سخونية غريبة وده أكيد من عزل الحرارة لغرفة المحرك أو كابينة السيارة المهم انا عايز أعرف كم يتكلف تركيب تكيف للسيارة وهل هياثر على اداء السيارة أو هيزولها أو هيسخنها وأزى أعرف الموتور اللى عندى يركب عليه تكييف ولا لا ومدى تأثيره على المحرك فى المدى القصير والبعيد والف شكر لدكاترة الادا. أخوكم محمد

اهلا يا ابو حميد .. يا اسكندرانى
انت قصدك 2104 الاستيشن صح ؟؟ اللى هى الاستيشن بتاع الـ 2105 ولا قصدك الاستيشن بتاع الـ 2107 ؟؟
على العموم انا كنت بعمل عمرة فى عربيتى 1500 ستيشن وركبتلها موتور نيفا 1600 علشان اركبلها تكييف وعملتلها عزل حرارى فى السقف وتقريبا معظم الاجزاء عزلتها بالفوم الخفيف علشان الجو داخل العربية يكون معزول عن الحرارة الخارجية علشان لما اركبلها التكييف ميكونش فى فقد كتير او اشغله فترات كبيرة ويكون فى اى تأثير على الموتور.
بس اعتقد ان الموتور اللى يصلح يتركب عليه تكييف من اول 1500 سى سى وانت طالع علشان يستحمل التكييف ... لانى ملاحظ ان العربيات المكيفه مواتيرها اعلى من 1500 سى سى.
وعلى العموم انا معاك من اسكندريه ونشوفلنا حد يركبهولنا لانى سمعت اسعار عجيبه فى اسكندريه من اول 3000 الاف حتى 6000 الاف.
لكن فى المنتدى كان فى شخص قال انه ركبه بـ 2000 او 2500 جنيه فقط .. واتمنى انه يفيدنا علشان نركبه ان شاء الله

[sayed2077]

فيه صديق كهربائى وفنى تكيف ليا
كنت عامله موضوع على تركيب تكيف ساندن يابانى مع عمل خصم لاعضاء مصر موتورز ليكون تكلفة التركيب شامل كل شىء 2800 جنية
مع ضمان عام كامل شامل جميع الاجزاء

وفيه عضو معانا فى الموقع من الاسماعلية كان معاه شاهين 1400 سى سى
سافر من الاسماعلية الى القاهرة وراح ركب التكيف والحمد لله مبسوط جدا من التكيف ومن الفنى والحمد لله التكبف متركب عنده بقالة اكثر من شهر بدون اى مشاكل وفعلا الراجل ده بيتقى الله فى شغله وقليل جدا ما تلاقى حد بيتقى الله فى شغلة مع العلم يمكن تركيب التكيف حتى لو لسيارة 128 1100 سى سى

وانصحكم تركبو التكيف عنده فعلا اكثر من ممتاز ويستحق عناء السفر

وتم ارسال التليفون والعنون على الخاص

[عبدة البروف]

انا معي لادا ماتور 1200سي سي وركبت تكييف وشغال تمام
اي استفسار انا تحت امركم

[bestlove2]

المشاركة الأصلية كتبت بواسطة عبدة البروف انا معي لادا ماتور 1200سي سي وركبت تكييف وشغال تمام اي استفسار انا تحت امركم

ممكن التفاصيل والتجربة وألف مليون مبروك