نصابين على الطريق فى القاهرة (سامحنى يا رب لو غلطان )

[fineart607]

السلام عليكم
هبدا بان بعض الظن اثم
من الاخر فى عيال اشكالها غريبه كانت بتقف عند النادى الأهلى بعد ما تنزل من على كوبرى 4.5 وانت جى من الأوتوستراد ورايح مدينة نصر
العيال دى بتعمل ايه
فى حب مصر بيدهنو الرصيف يا راجل طب ما كويس لا مش كويس لان بيتحكوا على الناس ويلموا فلوس
هما اصلا مش من مدينة نصر وكمان مش بيدهنوا ولا حاجه الا اجزاء صغيرة جدا وبنات واقفه تلم فلوس من العربيات والشعب بيحيهم ويعطيهم فلوس العيال دى مختارين مكان ممتاز العربيات بتهدى فيه ولم يا معلم قعدو فتره فى نفس المكان ده واختفوا منه
يقوم ربنا سبحانه وتعالى الاقيهم فى وشى نفس العيال النصابة دى فين امام معهد اللغات للقوات المسلحة بين كوبرى الفنجرى وكوبرى القبه برده مكان نار العربيات بتهدى فيه وبيرسموا حاجات عبيطه على الأرض (طب وانت مالك يا محمود ) العيال دى مش من مدينة نصر ومش دهنوا حاجه ولو رحت هتلاقى كام بلاطه على مدار اسبوع ولما راحوا عند معهد اللغات وانا ماشى من هناك ووقفونى وعرفتهم من اشكالهم لفيت وركنت اراقبهم بيلموا فلوس والشعب المنصرى بيشجعهم جدا وبيعطى لهم فلوس مختارين اماكن زحمة للسيارات ومش محتاجه اى دهان او نظافة ومش بيعموا حاجه تتكلف كل الدهان الى معهم فرش صغيرة ودهان لا يتعدى 20 جنية والله بقالهم اكتر من اسبوع هناك وبيلموا وسبحان الله امبارح كنت معدى من هناك وجدتهم ركنت وربنا كشفهم جه واحد بسيارة ميكروباص مكسر كده وركن ونزل اطمن عليهم اعطاهم ماء وركن جنب السور وقعد يراقب هو تبعهم والبنات عماله تلم والله الى بيعملوه هبل ولا يتكلف اى شىء وبيلموا فلوس بالهبل من الماره والناس بتشجع هما نصابين والله اعلم واشكلهم غير مطمئنة وانا صورتهم وياريت تشيروا الكلام ده وربنا يسامحنى لو طلع كلامى غلط بس فى مناطق عشوائية محتاجه كل جنية وعشرة جنيه العيال النصابه دى بتاخذها يا جماعة والله بيلموا فلوس بالهبل
حسبى الله ونعهم الوكيل فى النصب الجديد

والصور على الأكونت بتاعى على الفيس بوك ممكن تشوفها
والله اعلم
https://www.facebook.com/fineart607?...50916814685706

[mr_astra]

والله العظيم نفس احساسك بالظبط وشوفت شوية النصابين دول
ومختارين مكان قبل اليو ترن
والمكان دة انا بمشى منة على طول واقدراقولك ان لغاية النهردة دهنو جزء حوالى 10 متر طولى فقط ومرة وقفت استنى صديق بعربية فى المكان دة ولاحظت ان هم بيعملو حركة على الفاضى بدون شغل يعنى ولا بيدهنو ولا بيعملو حاجة

[amr_9x]

فعلا الظاهرة دى كترت اوووووى ماحدش يدى للعيال دى فلوس تانى

[fineart607]

ارجو تثبيت الموضوع وتحذير الناس ولو فى اجراء قانونى ممكن يتعمل

[azzat 55]

أكيد نصابين ما فيش انسان محترم يقعد يشحت فلوس عشان يدهن بيها وحسبى الله ونعم الوكيل فيهم وفى أمثالهم