مشكلة تبطيل العربية

[hossamantar]

ياريت يا جماعة اي حد يفيدني في الموضوع دة لاني ماليش اي خبرة في العربيات ولسة جايب عربية فيات سيينا موديل 2000 وفجأة جيت ادورها في مرة ما رضيتش تدور خالص برغم ان نور التابلوة ونور الفوانيس كانوا بينوروا العادي والكلاكس شغال عادي سيبتها مكانها وجبت كهربائي قالي دي سلكة في المارش سقطت ولحمتها وقالي نضفت المارش وكدة خلاص واشتغلت معايا شوية كويسين وبعد شوية بقت بتبطل مني كل شوية وانا ماشي في الطريق لفتكرت انه من سواقتي اصلي لسة جديد في السواقة وبعد شوية بقت بتبطل كتير اوي وتسقف مني وانا ماشي وكمان بقيت كل ما اجي ادورها يطلع عيني دة لو دارت اصلا وساعات اسيبها كام يوم وارجع ادورها تدور عادي رحت لكهربائي تاني وقلت له على كل دة بس ردة مش فاهمه قالي يا اما علبة الكونتاكت عايزة تتغير يا اما الكاتاوت فيه مشكلة وكمان قالي لازم تكشف على كهرباء العربية بحالها بس بجهاز كشف بالكمبيوتر بس مش عارف احسن واحد فين وكمان في حاجة كمان غريبة بتحصل اوقات كتير ابقى لسة حاطط بنزين والاقي المؤشر نزل خالص واللمبة نورت وبعد شوية يرفع المؤشر تاني وعلى كدة على طول ما بقيتش اقدر اعرف ان كان في في العربية بنزين فعلا ولا لأ لدرجة اني بقيت كل ما اروح بيها اي مشوار وانا راجع اعدي على البنزينة املاها على الاخر وانا باحط لها بنزين 92 مش عارف دة كويس ليها ولا اية
معلش انا اسف اني طولت اوي في الموضوع بس قلت ماليش غيركم بقا يفيدوني في القصة دي

[samirayad]

أعتقد ممكن يكون الكونتاكت هو سبب كل مشاكلك مع السياره بوجه عام حتى فيما يتعلق بموضوع البنزين

[samirayad]

وخصوصا إذا كان عيب مؤشر البنزين وتذبذب عملية إظهار كمية البنزين على المؤشر

بتحدث فى نفس توقيت خلل آداء محرك السياره أوقبل تبطيل المحرك

يعنى حاول تربط بين الأحداث للتحقق من الكونتاكت

[hossamantar]

المشاركة الأصلية كتبت بواسطة samirayad وخصوصا إذا كان عيب مؤشر البنزين وتذبذب عملية إظهار كمية البنزين على المؤشر بتحدث فى نفس توقيت خلل آداء محرك السياره أوقبل تبطيل المحرك يعنى حاول تربط بين الأحداث للتحقق من الكونتاكت

الف شكر لردودك بس انا غيرت طقم البوجيهات والسلك بتاع الموتور ودلوقتي بقت احسن من الاول بس لسة ما جربتش حتة مستوى البنزين
انا حبيت بس اقول عشان لوحد عنده نفس المشكلة ممكن يستفيد

[محمد صالح - المحامى]

بدام العربية بتلقط مارش ومبتدورش . يبقى العيب اما بنزين - واما كهربا
اذا كنت متاكد من كمية البنزين
فالكهرباء مشاكلها متعددة وتحتاج الى متخصص افضل .
وانصحك ان تغير الكهربائى الى انت بتتعامل معاه .
--------------------------------
والحمد لله ان المشكله اتحلت بس لا قدر الله لو حصلت حاجة فى الكهربا
حاول تشوف كهربائى بيفهم علشان هتفرق معاك اوى
---------------------------------
وحكاية مؤشر البنزين دى بتبقى مشكلة فى العوامه او التوصيلات الكهرائية
الواصله فى العوامة .
اكشف على التوصيلات ممكن يكون احدى الجاكين مش واصل او بيلمس