مقارنة بين corolla 2012 or Ford focus 2012

[drtasamir]

ممكن حد يقولى ايهما افضل كورولا 2012 ولا فورد فوكس 2012 من حيث التوكيل( الخدمة والمهارة و المصنعية) وقطع الغيار ( اسعار ومعمرة ولا لا ) و الاداء.
عذرا للاطالة بس انا بعد ما شفت الفورد فوكس الجديدة على الموقع اترددت فى الكورولا

[AbOnOrA]

ممممم بص هى الفوكاس تحفه وتكنولوجيا المانى بس التوكيل اجارك الله والعربيه مش منتشره اصلاً وغالباً هتتعب اوى فى بيعها او توفير مستلزماتها

الكرولا فى المقابل مضمونة الى حد كبير بغض النظر عن الجلبة والمشاكل اللى فاتت بس هى من افضل السيارات اعتمادية ومن افضل التوكيلات فى مصر

فانا شايف ان المقارنة راس براس لصالح الكرولا من ناحية اقتصاديات الشراء وتكاليف الاقتناء واعادة البيع

[lenasam]

المشاركة الأصلية كتبت بواسطة AboNoRa ممممم بص هى الفوكاس تحفه وتكنولوجيا المانى بس التوكيل اجارك الله والعربيه مش منتشره اصلاً وغالباً هتتعب اوى فى بيعها او توفير مستلزماتها الكرولا فى المقابل مضمونة الى حد كبير بغض النظر عن الجلبة والمشاكل اللى فاتت بس هى من افضل السيارات اعتمادية ومن افضل التوكيلات فى مصر فانا شايف ان المقارنة راس براس لصالح الكرولا من ناحية اقتصاديات الشراء وتكاليف الاقتناء واعادة البيع

[bakka2010]

بالتاكيد الفورد فوكاس كجوده أعلى بكتيييير أوى من الكورولا . لكن الكورولا منتشره أكتر . وبالتالى أفضل فى التصليح وفى ثمن وسهوله إيجاد قطع الغيار وإعادة البيع . لو حضرتك بيتك قريب من توكيل فورد ومش ناوى تبيعها قريب يبقى توكل على الله وهاتها لأنها أفضل بكتييييييير من الكورولا فى كل شىء . لكن لو مش قريب من التوكيل أو ممكن تبيع بعد فتره يبقى الكورولا أفضل . وصلى أستخاره واللى ربنا يختاره إن شاء الله يبقى فيه الخير .

[mohamed elshahat]

كورولا نظرا لانتشارها اكتر عن الفورد