المرور معاملته زي الزفت!!

[almoez]

السلام عليكم

امبارح رحت المرور في الاسكندريه مرور ابيس كنت رايح اسأل علي اني اضيف لون زياده في الرخصه علشان متمسكش كل شويه

انا من فترة لما اتمسكت رحت اجيب الرخص من مرور محرم بيك ودوخوني وفي الاخر قالولي ابقي رش السقف وتعالي علشان نثبته في الرخصه

المهم فعلا رشيته وطلعت علي مرور ابيس اللي تابع ليه..

اولا قلت اروح اسأل المهندس بتاع الفحص رحت اكلمه بكل احترام وبساله مش بيرد عليا خالص

قلت اسئله كمان مرة برده مردش عليا خالص وانا دمي محروق ومش عايز ازعق المهم وانا واقف جنبه زي التمثال حوالي ربع ساعه رحت سئلته تاني قالي روح ظابط الفحص في مبني الفحص وشاور ليا علي المبني علشان اخد تأشيرة منه (مش فاهم ايه دا ) !!!

رحت لقيت واحد قاعد جوا مش عارف رتبته بس كان علي كتفه 3 نجوم وبيشرب سيجارة المهم بقوله عايز اضيف لون زياده علي العربيه لقيته سكت شويه وبيبص بعصبيه وعمال ينفخ دخان السيجارة وزعق مرة واحده وقالي وانا مالي انا مليش دعوة لسا هسئله اروح لمين قالي روح اسأل هناك قلتله هناك فين قالي روح اسال حتي مش عايز يقولي اسأل فين !!

طلعت علي المهندس بتاع الفحص بس صراحه مردتش اسئله علي حاجه تانيه لقيت واحد عجوز لابن اللبس بتاعهم سئلته قالي ادخل هناك عند الظابط وفعلا دخلت..

لقيته هوا الظابط اللي بيمتحن الناس في الرخصه القياده المهم قلت قشطه اروح اسئله كنت فاكرة باني ادم دخلت عليه بسئله لقيته بص عليه بصه ومرداش يرد نهائي لقيت الست اللي ماسكه الورق قالتلي روح للمهندس قلتله المهندس قالي روح للظابط واديني جيت عمل نفسه ولا كأنه سمع حاجه وبص يمينه وخلاص بصراحه رحت واخد نفسي وسايبه قلت بلاش احرج نفسي اكتر من كده..

ولما رجعت تاني للمهندس قالي صراحه الظباط مشددين محدش يغير اللون !!!

رحت سايب المرور وروحت حاجه بصراحه متعبه وممله وناس مش عارف دي بتعمل ايه هناك اصل المعروف ان مهنه الظابط دي بتبقي مهنه بصرف النظر عن السلطه المفروض يأدي واجبه مش يقرفنا

اسف علي الاطاله وشكراً

[ahmed el gendy]

ع كلهم ولاد تيت مالهمش ريحه اللازمه احنا كان عندنا علي الطريق السريع بين ببنها والزقازيق عربيه جيب فيها ناس برشاشات بياخدوا اي عربيه معديه من عندهم وكانوا عند مطب ولو حاولت تنفد بجلدك وبعربيتك يبقي الله يرحمك المهم كنت رايح الزقازيق وف نص الطريق رجعت لما السواقين قالوا لي ودخلت الزقازيق من طريق تاني والاقي حمله مروريه فين بقي ؟؟؟ ف قلب الزقازيق قدام كليه طب بيطري وعمالين يلموا ف رخص الناس وغرامات
المهم انا العربيه كانت عامله حادثه جامده قوووي اليوم اللي قبله كانت عاوزه رفرف يتغير واطصدام وفوانيس والجنب الشمال كله ابيض ف ابيض لان الحادثه كانت وش لوش والجنب كله اتاخد ف الحادثه وبقي ابيض خالص
المهم انا رايح اشتري حاجات للعربيه ما انا مش هاروح اشيل رفرف ولا اكصدام علي كتفي وارجع به
الاقي الامين المعفن بيقولي فين رخصك اديتهاله بيقولي ايه ده؟؟ يقصد الجنب اللي مخبوط والدوكو قشر وبقي ابيض قلتله تقصد ايه يعني ؟؟؟ قالي الرخصه مكتوب فيها العربيه حمرا مش بيضاء شوفت الغباء قلت له حادثه قالي ما تمشيش بيها غير لما تدهنها وغرامه 150 جنيه حاولت افهم الحمار مابيفهمش رحت داخل فيه شماااااااااااال وقلت له يعني انتم عاملين نفسيكم رجاله ع الغلابه بس ما هو علي بعد اقل من 10 كيلو منكم واقفين الحراميه عاملين يلموا ويسرقوا عربيات الناس وانتم عاملين فيها رجاله ع الغلابه بس وانتم اجبن خلق الله روحوا شوفوا الحراميه اللي هناك ولا خايفين منهم هو سمع الكلام راح قايل لي هات الرخص والله العظيم رحت رميها ف وشه قالي ابقي قابلني لو شفتها تاني روحت البيت واتصلت بابن عم بابا هو ضابط شغال ف مبني وزاره الداخليه راح مفيش يومين كانت الرخص معايا والمخالفه اتلغت

[™Ķǻṙӗӗɱ]

بلد عايزة الحرق من الاشكال القذرة اللى فيها

[smsm_hamada]

المشاركة الأصلية كتبت بواسطة ahmed el gendy ع كلهم ولاد تيت مالهمش ريحه اللازمه احنا كان عندنا علي الطريق السريع بين ببنها والزقازيق عربيه جيب فيها ناس برشاشات بياخدوا اي عربيه معديه من عندهم وكانوا عند مطب ولو حاولت تنفد بجلدك وبعربيتك يبقي الله يرحمك المهم كنت رايح الزقازيق وف نص الطريق رجعت لما السواقين قالوا لي ودخلت الزقازيق من طريق تاني والاقي حمله مروريه فين بقي ؟؟؟ ف قلب الزقازيق قدام كليه طب بيطري وعمالين يلموا ف رخص الناس وغرامات المهم انا العربيه كانت عامله حادثه جامده قوووي اليوم اللي قبله كانت عاوزه رفرف يتغير واطصدام وفوانيس والجنب الشمال كله ابيض ف ابيض لان الحادثه كانت وش لوش والجنب كله اتاخد ف الحادثه وبقي ابيض خالص المهم انا رايح اشتري حاجات للعربيه ما انا مش هاروح اشيل رفرف ولا اكصدام علي كتفي وارجع به الاقي الامين المعفن بيقولي فين رخصك اديتهاله بيقولي ايه ده؟؟ يقصد الجنب اللي مخبوط والدوكو قشر وبقي ابيض قلتله تقصد ايه يعني ؟؟؟ قالي الرخصه مكتوب فيها العربيه حمرا مش بيضاء شوفت الغباء قلت له حادثه قالي ما تمشيش بيها غير لما تدهنها وغرامه 150 جنيه حاولت افهم الحمار مابيفهمش رحت داخل فيه شماااااااااااال وقلت له يعني انتم عاملين نفسيكم رجاله ع الغلابه بس ما هو علي بعد اقل من 10 كيلو منكم واقفين الحراميه عاملين يلموا ويسرقوا عربيات الناس وانتم عاملين فيها رجاله ع الغلابه بس وانتم اجبن خلق الله روحوا شوفوا الحراميه اللي هناك ولا خايفين منهم هو سمع الكلام راح قايل لي هات الرخص والله العظيم رحت رميها ف وشه قالي ابقي قابلني لو شفتها تاني روحت البيت واتصلت بابن عم بابا هو ضابط شغال ف مبني وزاره الداخليه راح مفيش يومين كانت الرخص معايا والمخالفه اتلغت

""""""""""""""""""""""""" """"""""""""""""""""""""" ""
روحت البيت واتصلت بابن عم بابا هو ضابط شغال ف مبني وزاره الداخليه راح مفيش يومين كانت الرخص معايا والمخالفه اتلغت
""""""""""""""""""""""""" """
معقول لسه فيه كوسه فى مصر ؟؟ وربنا يخليلك ابن عم بابا ابقى هات النمرة يمكن افكر ابقى فلول ولا حاجه

[waelfarid]

واسطة يادنيا واسطة