|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
||||
|
||||
افكار بدون عنوان
هو فعلا بدون عنوان لان انا بعرض فكرة غريبة شوية
1- ليه كل اللى عاوز يفتح مركز صيانة سيارات بيفتح فى القاهرة والجيزة لما المراكز كترت جدا وبيصرفوا دعاية والزبون محتار يروح انهى مركز وفى الاخر بيروح للتوكيل لانه قريب منه ؟ وفى نفس الوقت يوجد محافظة الفيوم ليس بها مراكز صيانة جيده لصيانة السيارات واصحاب السيارات عندنا بيطروا يروحوا للميكانيكى او للتوكيل واغلب الناس اللى عندنا فى الصيانة والكشف بجهاز كشف الاعطال غير فنيين وتدخل عندهم وتخرج من غير ما تعرف ايه المشكلة فى عربيتك فده اول طلب من اصحاب المراكز فى القاهره والجيزة انهم ينزلوا الفيوم يشوفوا الجو عندنا واكيد السوق التجارى عندنا يقبل اكتر من 5 مراكز لصيانة السيارات الحديثة واكيد هيبق فى ربح عالى وخصوصا لو تم عمل المركز على الطريق اللى بيربط محافظة الفيوم ب محافظة بنى سويف يبق كده اللى هيصلح من الفيوم هيجيلك واللى هيصلح من بنى سويف بردوا هيجيلك وصدقونى انا معملتش الموضوع الا لما اكتشفت ان اغلب الناس عندنا محتاجين المراكز دى جدا ------------------------------------------------------------------------------- 2- ليه مفيش فرع لسيبر كار فى الفيوم مع ان سوق الاكسسوارات فى السيارات هنا جيد جدا يعنى 4 فروع فى القاهره ومفيش ولا فرع خارج القاهره طب اعملوا واحد فى اكتوبر حتى يبق الموضوع كله 80 كيلوا الواحد يخطفهم ويوصل بسرعة لكن مشكلة القاهره للناس اللى زى حالاتى من المحافظات ان القاهره زحمة جدا والواحد علشان يروح مشوار فى القاهره اليوم كله بيروح ده غير الواحد بيخدل فى الاشارات عندكم الله يعين اهل القاهره والجيزة على الزحمة فبردوا انا بطلب عمل فروع فى اماكن اخرى او على الاقل اعملوا اتفاقية مع شركة شحن يكون سمعتها كويسة رقم تليفون واعملوا خدمة (( التوصيل للمحافظات )) وعموما الواحد بيتمنى الخير للجميع وارجوا ان المعلومة توصل للمستفيدين منها (((( وربنا يفعل اللى فيه الصالح )))) |
#2
|
||||
|
||||
رد: افكار بدون عنوان
و الله كلامك مظبوط 100 فى ال 100
: 01FDAB~189: |
#3
|
||||
|
||||
رد: افكار بدون عنوان
شكرا يا باشا الله يخليك |
|
|