مقارنه بين هيونداى أكسنت rb 2012 وبين لانسر بومه 2011

[s.s.e]

المقارنه بين هيونداىى أكسنت موديل 2012 توب هاى لاين بسعر 114 ألف ج وبين لانسر بومه زيرو أول فئه أتوماتيك موديل 2011 سعرها 114 ألف ج

من حيث كماليات الانسر الفتيس ستبترونيك وكاسيت شرائط وباقى الكماليات العاديه أما ال rb مليانه كماليات ونفس الفتيس ستبترونيك ........ والعربيتين زيرو فالواحد محتار بين اليابانى ولا الكورى كعربيه عمليه وأهم حاجه عندى عفشه العربيه وأسعار قطع الغيار

[osa92003]

الانسر افضل مليون مره ف ى الثبات ةالعفشه وقوه الموتور ولاحظ ان قاعده العجلات الخلفيه فى الالنسر اعرض من الاكسنت والتعليق الخلفى للعجلات فى اللانسر متعدد الوصلات وده بيدى ثبات عالى جدا للعربيه لكن الهيونداى والسيراتو التعليق الخلفى متصل وده لاقد الله ممكن يقلب العربيه فى الملفات السريعه

[hhhesham]

هات لانسر الشكل الجديد لو مش عايز تبيع قريب احسن منهم هما الاتنين والى يقولك دى 1500 سى سى بس يبقى ما جربهاش

[Torn@doo]

اعتقد لانسر افضل من حيت النقطتين اللى حضرتك زكرتهم قطع الغيار اكيد متوفرة وارخص بالنسبة للانسر وعفشة اللانسر متجربة والسيارة ناجحة
وربنا يوفقك لما فية الخير
تحياااااتى

[tamer.koko]

ورفاهيه وشكل جديد وصالون وكماليات يبقي الاكسنت
عفشه وقطع غيار ارخص واي حد يشتغل فيها يبقي لانسر
اما موضوع قوه الموتور الاكسنت موتورها اجمد من اللانسر لانها نفس موتور السييراتو 124 حصان وكمان موتور اللانسر القديم هو هو وغيرو الفتيس بس يبقي تكنولوجيا قديمه علي فتيس جديد ولكن موتور اللانسر موتور سهل اي حد يشتغل فيه وتلاقي قطع الغيار بسهوله جدا
ولك حريه الاختيار