سؤال فنى لاساتذة الهيونداى

[modomada]

السلام عليكم أولا . أنا عندى سؤال محيرنى و يا ريت أهل الخبرة يفيدونى

أنا معايا النترا 2008 و من اسبوع كدة للاسف اتخبطت خبطة مملة كدة شوية و عايز اغيرلها فانوس قدام يمين والرفرف اليمين و عشان العربية جديدة صعبان علية اجيبلها حاجة أى كلام فا قولت اروح التوكيل أشوف تتظبط هناك بكام و زى ما توقعت الحاجة يا جماعة غالية جدا جدا جدا فا ولاد الحلال قالولى ليه تجيب من التوكيل لو بتدور على الاصلى طب ماهو موجود برة بسعر ارخص و كورى أصلى برده و لان مليش خبرة فى الموضوع دة عايز اسال هل الكلام دة صحيح ؟برة أصلى زى التوكيل و أرخص ولا لا؟ . و هل الضمان يشمل الخبطات الى زى دى ؟
لانهم قالولى فى التوكيل الضمان دة على عيوب التصنيع فقط و الصيانة الدورية و كدة لكن مش على الحوادث
فاكون شاكر جدا لو حد فهمنى الدنيا ماشية ازاى عشان انا مش فاهم حاجة و شكرا .

[oldman]

اخى الضمان لا يشمل الحوادث التامين الشامل فقط هو الذى يشمل الحوادث فهل قمت بالتامين على السيارة
ثانيا انا عن نفسى لا اصلح اى خبطة بالتوكيل وطبعا اى قطع غيار ارخص من التوكيل بس تضمن انها اصلية

[AbOnOrA]

قطع الغيار الشائعة زى الفوانيس اكصدامات رفارف موجودة فى التوكيل وبرة التوكيل ومفيش فرق بين الاتنين

لكن فيه قطع ممكن متلاقيهاش غير فى التوكيل او قطع الافضل انك تركبها بالتوكيل وتاخد ضمان على قطع الغيار والتركيب زى القطع الميكانيكية الاساسية والكهربية

لكن فى حالة حضرتك اوفر تجيبها من برة

بالنسبة لضمان فهو ضد عيوب الصيانة ولا يشمل القطع المستهلكة (كاوتش - بوجيهات - فلاتر - سيور )
ممكن تأمن على العربية لتغطية تكاليف اصلاحات الحوادث عن طريق شركات التأمين وده بيبقى مناسب اكتر لو العربية غالية وصيانتها مكلفة

[sh_masry]

ممكن حضرتك تجييب الأصلى و ارخص من التوكيل من شارع دمشق ,,,, و اخلع الفانوس المكسور قبل شرائك و قارن بينه و بين الجديد لضمان انه مثله مائه بالمائه ....... مثال لمحلات قطع الغيار بدمشق (نافع)

[AHMEDCAR]

المشاركة الأصلية كتبت بواسطة AboNoRa قطع الغيار الشائعة زى الفوانيس اكصدامات رفارف موجودة فى التوكيل وبرة التوكيل ومفيش فرق بين الاتنين لكن فيه قطع ممكن متلاقيهاش غير فى التوكيل او قطع الافضل انك تركبها بالتوكيل وتاخد ضمان على قطع الغيار والتركيب زى القطع الميكانيكية الاساسية والكهربية لكن فى حالة حضرتك اوفر تجيبها من برة بالنسبة لضمان فهو ضد عيوب الصيانة ولا يشمل القطع المستهلكة (كاوتش - بوجيهات - فلاتر - سيور ) ممكن تأمن على العربية لتغطية تكاليف اصلاحات الحوادث عن طريق شركات التأمين وده بيبقى مناسب اكتر لو العربية غالية وصيانتها مكلفة

اتفق مع كلام ابو نورا