الى عاوز يركب عربيه من منصور حسبى الله ونعم الوكيل فىمنصور شيفروليه الهرم الكيلو4.5

[sasa76216]

الموضوع انى فى صوت ظهر فى العفشه والمركز المحترم (منصور شيفروليه الهرم الكيلو 4.5 ) حدد العيب ان المساعد اليمين محجر ولازم اغير الاتنين على حسابى علشان المساعدين بره الضمان - العربيه كروز 2010 عامله 40000 ك م كل الصيانه بالوكيل ومن صيانة ال5000 وانا بشتكى من الصوت ده وبلغونى ان الشكوى بتاعتى مش متسجله عندهم خالص هما طبعا مش بيسجلو الكلام ده كله علشان يخرجو العيب من الضمان +ان اريموت الخاص بالسياره بيعلق وكل مره ينزل سوفت وير والموضوع يتكرر فى خلال 3 او 4 ايام - المهم بعدمناهده وطرش الدم معاهم غيرو مساعد على الضمان ومساعد على حسابى من الساعه 9 ص الى الساعه 4.30 مساء والنصيبه ان الصوت ظهر فى الجانب الشمال بعد ما كان فى اليمين فقط بلغونى باسفهم وطلبو انى ارجعلهم يوم تانى علشان يظبطو العفشه ورجعتلهم بعدها باسبوع الساعه 8.30 ص وسبتلهم العربيه ورجعت الساعه 2.00 بعد الظهر لقتهم راكنين العربيه فى البارك داخل المركز وما فيش اى حاجه اتغيرت طلبت مهندس ان يجرب العربيه متلقتش طبعا نفس الكلام انت مغير مساعد وليك ضمان عليه سنه او20000 كم وبالنسبه للريموت عملناله سوفت وير وان شاء الله المشكله دى مش هتتكرر الحمد لله الكلام ده كان يوم 9-11-2011 ده اول مره وتانى مره كانت يوم 17-11-2011 وعلى فكره انا طلبت منهم يعملو الصيانه الدوريه على السياره فى المره الاولى وزى مقلتلكو الحمد لله الصوت رجع بقى فى الجانبين والريموت مشاء الله لسه بيعلق فى فتخ العربيه والعجيبه ان موتور العربيه متغسلش وفلتر الهوا محدش نظفو والله والا العربيه اتغسلت ولا اى حاجه ومش لاقى حد يقةلى المساعدين اتغيرو والا لأ والصيانه اتعملت ولا لأ الى انا متأكد منه انى دفعت 1500ج واتنصب عليه فيهم - وقدمت شكوى فى خدمة العملاء اكتر من مره والناس اتصلو مرتين مره اعتذرو والمره الثانيه كانو بيسألو عنرايى فى استايل المركز والرساله الصوتيه الى بسمعها لما باجى اخجز للصيانه - نسيت اقولكم انى انا من بورسعيد وبروح اعمل الصيانه فى مركز منصور الهرم طريق مصر اسكندريه الصحراوى الكيلو4.5 والحمد لله كرهت العربيه وعارضها للبيع بسبب الوكيل وحسبى الله ونعم الوكيل فيهم دول شوية نصابين (أقسم بالله العظيم ان ما ورد بهذا الموضوع كله حدث معى شخصيا وده رقم تليفونى لو حد عاوز يتأكدمن اى حاجه انا تحت امره 0123010035 - ولا يوم من ايام الهيونداى الفيفا -الحمد لله)

[memodina1]

والله كان الله فى عونك بس انا محبش الا الهيونداى انا معايا فيرنا وان شاء الله لو نويت اغير هجيب النترا صدقنى والله الكورى الوقتى الهيونداى والكيا كمان افضل من عربيات كتير يابانى والمانى بس الناس عندها عقدة اسمها
اليابانى ملوش زى الالمانى ملوش حل يا جماعة الكلام دا فى البى ام والمرسيدس والفولكس بس كلة بعد كدة الهيونداى احسن منة بمراحل بس فى نسبة وتناسب عشان محدش يزعل بس لو عرضت العربية للبيع واتباعت نصيحة منى ليك لله فى لله هات النترا الجديدة وهتشوف انك مكنتش راكب عربية لانى فرق شاسع بين الكروز والالنترا شغل دماغك بسرعة عشان سوق السيارات واقف وهيقف اكتر

[Eng/salwa]

حسبنا الله و نعم الوكيل

[tamer.koko]

المشاركة الأصلية كتبت بواسطة memodina1 والله كان الله فى عونك بس انا محبش الا الهيونداى انا معايا فيرنا وان شاء الله لو نويت اغير هجيب النترا صدقنى والله الكورى الوقتى الهيونداى والكيا كمان افضل من عربيات كتير يابانى والمانى بس الناس عندها عقدة اسمها اليابانى ملوش زى الالمانى ملوش حل يا جماعة الكلام دا فى البى ام والمرسيدس والفولكس بس كلة بعد كدة الهيونداى احسن منة بمراحل بس فى نسبة وتناسب عشان محدش يزعل بس لو عرضت العربية للبيع واتباعت نصيحة منى ليك لله فى لله هات النترا الجديدة وهتشوف انك مكنتش راكب عربية لانى فرق شاسع بين الكروز والالنترا شغل دماغك بسرعة عشان سوق السيارات واقف وهيقف اكتر

;كلام مظبوط ميه ميه انا معايا الالنترا ولا كلمه عربيه محترمه ومعايا افيو دلوقتي مع اختي مكراهانا حياتنا فعلا الشيفروليه مع منصور اعوذب الله

ربنا معاك ويعينك علي اللي انتا فيه