عملت صيانة ال 10000 في يوم الخميس اجازة تكنو سيرفيس 2 !!!

اخوانى الاحباء
بسرعه بسرعه تمر الايام
وتعدي الكيلومترات
بفضل بعد مكان عملي (6 اكتوبر) عن مكان سكنى (عين شمس)
لكن الحمد لله اولا واخيرا وقبل كل شيء
عملت العربية ال 10000 كلم في العيد
قولت اتصل احجز بعد العيد على طول
اتصلت يوم الاربع اللي فات 9/11/2011
كلمت عم حامد على طول
قاللي ياريتك كنت كلمتني امبارح كنت خليتك تيجي النهاردة كان يوم رايق
قلتله خليها يوم الاتنين اجازتي
قاللي ماتعرفش تيجي بكرة الخميس
قلتله التوكيل قافل بكره
قاللي لأ لاول مرة التوكيل تكنو سيرفيس 2 شغال يوم الخميس عشان ادو الثلاثاء اجازة في العيد وهاينزلو الناس الخميس شغل بدل اليوم الاجازة اللي اخدوه في العيد
قاللي تعالى الساعه 8 صباحا
طبعا الحمد لله الدنيا كانت رايقة جدا صباح الخميس
رحت كنت هناك الساعه 8 بالضبط وكنت هاخد رقم واحد
لكن بسبب واحد غلس هناك خلاني اركن العربية ومحضن شوية عشان المكان اللي كنت راكن فية ياخد عربيتين....
خلاني اخد رقم اتنين رن كان فيه عربية داخلة ورايا ركنت بسرعه وعلى مانا كنت باركن تاني كان الراجل دا اخد هو رقم واحد
مش مشكلة
سجلت بيانات العربية واخدت رقم 3 عشان رقم 2 ضايع...هههههه
المهم دخلت للمهندس محمد ودا مش اللي قابلتة المرة اللي فاتت في صيانة ال 5000 كلم
المهم قلتله عايز اعمل صيانة ال 10000 وتربيط عفشة والريموت كان بيعلق ساعات
قاللي ان شاء الله شغل ساعتين وفلوس 500 جنية ( الراجل دا كان قمة في الدقة سواء في وقت الشغل وكمان الفلوس اللي دفعتها)
المهم سألته عن زيت الفتيس
هل لازم يتغير زي زيت الموتور اللي بنغيرة عند ال 1000
قاللي لأ الفتيس بيتغير عند 30000 ومش قبل كدا
قلتله انت ادرى
ودخلت الاستراحة استنى
بالضبط ساعتين
ونادو عليا اروح ادفع الفاتورة
لقيتها 499.99 جنية
ياسلام على الدقة
تغيير زيت (جركن 4 لتر وواحد لتر :::العربية بتاخد 5 لتر ) وفلتر
وتمن الصيانة نفسها وتغيير طبة الزيت ب 3 جنية وكان فية ضريبة مبيعات
كل دا 499.99 جنية (هاتجنن انا من الدقة دي)
المهم انا لاحظت حاجة على العربية ماكنتش موجودة قبل كدا
حاسس بصهد وانا ماشي مكانش موجود قبل كدا
قفلت فتحات التكييف برضة موجود
مش عارف ايه السبب في كدا
والريموت الحمد لله شغال كويس مابقاش بيعلق زي الاول
بس 500 جنية كتير اوي مش عارف لية
يعني عشان الضمان اللي برضة مابستفيدش منه ببصلة ادفع كل دي صيانة
مش عارف اعمل ايه؟!!
ودي كانت نهاية حكايتي مع صيانة ال 10000 كلم

[cmatcho]

علشان كده انا خرجت من الضمان بعد 25000 كيلو
مالوش لازمه واللي هاتدفعه في الصيانه الدوريه كل 5000 وفره ويندفع لاقدر الله لو العربيه محتاجه تغيير قطعه غيار
هاتلاقيها في الاخر عدم الذهاب للتوكيل اوفر وارخص

[tarek elbadry]

وليد باشا كل سنة وانتة طيب
مبروك عليك صيانة ال10000 كيلو عقبال المليون
كتير اوى 500 جينية فى تربيط عفشة وتغير زيت دول حرمية
ربنا يخلف عليك
دة اسمو استغلال

[osa92003]

ياجماعه العربيه بتاخد 5 لتر سعر 4 لتر موبيل 10000 مبلغ 280 جنيه +لتر مبلغ 70 جنيه = 350 جنيه زيت بس غير الفلتر والمصنعيه

[tarek elbadry]

المشاركة الأصلية كتبت بواسطة osa92003 ياجماعه العربيه بتاخد 5 لتر سعر 4 لتر موبيل 10000 مبلغ 280 جنيه +لتر مبلغ 70 جنيه = 350 جنيه زيت بس غير الفلتر والمصنعيه

شكرا للتوضيح انا كنت فاهم غلط