العربية بتسخن ارجو المشورة بسرعة

[عادل ابو حازم]

العربية اوكتافيا A4 موديل 98
اول حاجة من حوالي 3 شهور بدأت اشوف تحذير في التابلوة service insp
بعد كدة لقيت مؤشر الحرارة بقي يركن ويعلق بس ما كانش بيعدي النص
الاسبوع دة بعد ما رجعت من الشغل وباركن لقيت المؤشر رفع بعد النص طفيت العربية ولقيت المية بتغلي في القربة
ارجوكم شوروا علي

[coolhazy]

تأكد الاول ان المروحة بتشتغل من غير مشاكل واذا كانت كويسة
خلي المكانيكي يبصلك على جوان وش السلندر احمال يكون باظ
وان شاء الله خير

[AbOnOrA]

السخونة من الحاجات الخطيرة ويفضل تكشف عليها عند متخصص

الاسباب ممكن تكون من ترموستات او المروحة او غطاء الريداتير او لا قدر الله مشكلة فى الموتور نفسه

ان شاء الله تكون حاجة بسيطة

[عادل ابو حازم]

المشاركة الأصلية كتبت بواسطة AboNoRa السخونة من الحاجات الخطيرة ويفضل تكشف عليها عند متخصص الاسباب ممكن تكون من ترموستات او المروحة او غطاء الريداتير او لا قدر الله مشكلة فى الموتور نفسه ان شاء الله تكون حاجة بسيطة

الحمد لله المشكلة كانت في فيوز المروحة كان معلق
اشكر كل احبابي اعضاء المنتدي وربنا يسترها علي الجميع
عادل ابو حازم

[aymangalal]

اغلب مشاكل السخونة تنحصر فى حاجتين
1- نقص الميه من الرادياتير (خروم او وصلات مش مربوطة كويس)
2- المروحة مش شغالة (فيشة واقعة - فيوز ضارب - وصلة مهربه)
على الرغم من بساطة السبب الا انه يؤدى الى ضرر عظيم لا قدر الله