#1
|
اول عطل فى عربيتى مع تمام 13 الف كيلو
طبعا احب احى مبدئيا كل اصدقائى وكل اعضاء مصر موتوزر الى هما اكتر من اخواتى ولازم طبعا اشارككم اى حدث يحصل عندى
انا امبارح غسلت العربية وسافرت ورجعت فى نفس اليوم .. وانا داخل البلد لمبة الاية بى اس abs نورت بينى وبينك قولت يمكن تكون تهنيجى كمبيوتر استنى ياواد كدة لما تروح عند الجراج وبطل ودور وشوف وفعلا عملت كدة وكانت المفجأة ان اللمبة طفت قولت بقى اجرب واشوف الاية بى اس شغال ولا ... اول ما دوست ع الفرامل نورت تانى ... قولت بس كدة الموضوع بقى واقع وادمى ان فى مشكلة المهم جرجت العربية .. تانى يوم الصبح كلمت الميكانيكى وحكيلتة ع الموضوع واتفقت انى اروحلة اخر النهار كدة وروحت للحاج محمود ( الميكانيكى) عملنا تشيك بالكمبيوتر وظهر ان فى مشكلة فى السينسور الى فى العجلة الشمال ومسحنا الايرور ورجع تانى .. بدأ الحل وفكينا الجنط وبعدين فجينا السينسور واتنضف وبعدين ركبنا تانى ( للاسف نفس المشكلة هى هى ... يعنى سينسور كدة يا معلم لازم يتغير ) طبعا علشان نقطع الشك باليقين ان المشكلة فى السينسور مش فى كابل الكهربا الى موصلة جبنا سينسور تانى وركبناة وشتغل وكلة تمام طبعا السينسور بتاع العربية مش موجود المهم الحاج محمود عندة سينسور ماذدا 3 استيراد وهو دة الى جربناة ويركب عادى قولتلة يركبة قالى لاء لما نسأل الاول ولما نيأس نخلى دة اخر خيار لينا وهو مسافر بكرة القاهرة ان شاء الله ولو اتلاقاة هيجيبة ملقهوش هنركب بتاع الماذدا وبصراحة انا بحترم اى حاجة استيراد اكتر من الجديد لانة خارج من عربية وبتاع الشركة الاصلى لكن الجديد الله اعلم بية انا بس عاوز منكم حاجتين اول حاجة تدعولى ان ربنا يعدى الموضوع دة ع خير لانة بصراحة ومخبيش عليكى معكننى وثانى حاجة بقى انا نفسى اعرف السينسور دة اية الى بوظة واية احتمالات ان عربية جديدة يبوظلها سنسور الاية بى اس فى البداية كدة ؟؟ اة معلش وحاجة تالتة كمان .. انا طبعا اول مرة اشوف السينسور دة فى الحقيقة كدة انا لاحظت انة عبارة عن قطعة بلاستيك كدة .. حد عندة فكرة دة بيشتغل ازاى او اية فكرتة ؟؟ واشوووفكم ع خير مع تفاصيل جديدة غذا ان شاء الله |
#2
|
رد: اول عطل فى عربيتى مع تمام 13 الف كيلو
بسيطه يا باشا ان شاء الله
وان شاء الله الحاج محمود يعرف يلائيه استيراد تقبل تحياتى |
#3
|
||||
|
||||
رد: اول عطل فى عربيتى مع تمام 13 الف كيلو
لاة بسيطة يا ما عربيات زيرو فيها بلاوى الحمد لله وعلى فكرة لو سنسور يبقى معلش تعالى على نفسك ورح التوكيل واعمل انك متعرفش حاجة وقولهم العربية جديدة وفيها كدا وزرجن وكشر واعمل انك مش هتخرج الا لما تتغير وصدقنى ممكن لوحدهم يغيروها ولو تدفع قليل وخلاص انما بلاش استيراد بتاع المازدا دا هات حاجة العربية احسن وجديدة من التوكيل اضمن العربية لسة جديدة حرام تجيب حاجة تبوظ حاجة
|
#4
|
||||
|
||||
رد: اول عطل فى عربيتى مع تمام 13 الف كيلو
بص يا باشا بعد البحث والتقصى لقيت الاتى
اولا السنسور موجود ومتوفر سواء فى مصر او مستورد بس مقدرتش اعرف بالظبط موجود فين وبكام فى مصر بس اكيد هتلاقيه ان شاءالله ثانياً العيب معروف بره وشائع نوعاً ما فمش شرط ان تكون عملت حاجة ده زى اى قطعة غيار وارد تبوظ وتتغير متدايقش نفسك http://www.aboutautomobile.com/TSB/2...+Warning+Light http://www.chevroletproblems.com/tsbs/Cruze/2011/ بل غالبا العربيات اللى فيها اى بى اس عموما معرضة لان يبوظ فيها سنسور مش مشكلة خالص فمتزعلش نفسك وبسيطة ان شاء الله بس انا افضل تجيب قطعة الغيار بتاعتها مش من حاجة تانية |
#5
|
|
رد: اول عطل فى عربيتى مع تمام 13 الف كيلو
|
|
|