تقرير صيانة 30 الف كيلو مازدا 3 2010

[haythamsamir]

السلام عليكم
انا هقول كل الملاحظات في نقاط بعد الزيارة الرابعة لغبور

1- تم تغيير الفرامل والبوجيهات وفلتر البنزين وفلتر زيت وزيت بكام ياعم الحج, قالك بـ 1800 جنيه (لا تعليق)

2- الرجل المسئول عن قطع الغيار محترم جدا ومستفيض جدا ومرحب جدا بالزوار (اول مرة اشوف مسئول قطع غيار كدا)

3- صالة الانتظار يجلس فيها المدخنين مع غير المدخنين (حاجة سيئة جدا)

4- المعاملة من مهندس الاستقبال غير مرضية

5- مفيش انترنت (حاجة مش هتكلفهم 150 جنيه في الشهر)

6- مش بتشوف عربيتك وهيا بتتصلح

7- جرائد اليوم متاحة والتلفزيون ايضا

8- الكماليات غير متوفرة وسعرها عالي جدا

بالنسبة للعربية :
1- استهلاك البنزين اصبح معقول (11 كم لكل لتر بالتكييف في وسط البلد)
2- السحب اصبح جيد جدا (ليس بممتاز) بعد صيانة 20 الف كم
3- اكبر ميزة في السيارة الثبات والفخامة (تاكدت انها فخمة بعد ما شفت العربيات اللي في سعرها زي الهوندا السيتي والكارينز والالنترا الجديدة والفلوانس )
4- العربية ضيقة جدا من ورا
5- اكتشفت اننا ممكن اقفل وافتح الزجاج كله بالريموت (ايوه في baseline) خليك دايس علي زرار الفتح او الاقفل وانتا تعرف
6- الدلركسيون بيدخل ويخرج وينزل ويطلع (لطيفة برده)

[alymonir]

متابع و لي رد في القريب .........

[alymonir]

المشاركة الأصلية كتبت بواسطة haythamsamir السلام عليكم انا هقول كل الملاحظات في نقاط بعد الزيارة الرابعة لغبور 1- تم تغيير الفرامل والبوجيهات وفلتر البنزين وفلتر زيت وزيت بكام ياعم الحج, قالك بـ 1800 جنيه (لا تعليق) كتيييير جدا 2- الرجل المسئول عن قطع الغيار محترم جدا ومستفيض جدا ومرحب جدا بالزوار (اول مرة اشوف مسئول قطع غيار كدا) عادي جدا , كل المراكز كدة دلوقتي 3- صالة الانتظار يجلس فيها المدخنين مع غير المدخنين (حاجة سيئة جدا) عندك حق 4- المعاملة من مهندس الاستقبال غير مرضية وارد برضه 5- مفيش انترنت (حاجة مش هتكلفهم 150 جنيه في الشهر) عادي جدا .... خد نفس طويييييييل 6- مش بتشوف عربيتك وهيا بتتصلح كله كدة للأسف 7- جرائد اليوم متاحة والتلفزيون ايضا ....!! 8- الكماليات غير متوفرة وسعرها عالي جدا شيء متوقع من غبور بالنسبة للعربية : 1- استهلاك البنزين اصبح معقول (11 كم لكل لتر بالتكييف في وسط البلد) أحسن من عندي , بس برضه كتير 2- السحب اصبح جيد جدا (ليس بممتاز) بعد صيانة 20 الف كم لسة معملتش ال 20000 بس مشكلة السحب في الجير مش الموتور 3- اكبر ميزة في السيارة الثبات والفخامة (تاكدت انها فخمة بعد ما شفت العربيات اللي في سعرها زي الهوندا السيتي والكارينز والالنترا الجديدة والفلوانس ) عندك حق , بس السيتي جودة تقفيل الخامات الداخلية أفضل في وجهة نظري 4- العربية ضيقة جدا من ورا لا تعليق , مش عارف كانت حاتفرق معاهم ايه لو وسعوها 5 سم , حاجة غبية !! 5- اكتشفت اننا ممكن اقفل وافتح الزجاج كله بالريموت (ايوه في baseline) خليك دايس علي زرار الفتح او الاقفل وانتا تعرف 6- الدلركسيون بيدخل ويخرج وينزل ويطلع (لطيفة برده) و حاجات تانية كتير

الرد في الاقتباس