|
#1
18-09-2011, 01:34 PM
|
|||
|
|||
الحقوني ......الميكانيكي بوظلي العربيه مش عارف اعمل ايه معاه
معلش حتقل عليكم وححكي بالتفصيل
من ساعة ما اشتريت السياره كانت فيها تقل في الفتيس علي النقله التانيه بس وانا كنت سايبها وكان رمضان ومفيش وقت المهم بعد فتره لما حجرت جامد رحت للميكانيكي يصلحها ظبتها وكله تمام بس الفتيس مكنش بيجيب الغيار الخامس يعني التالت بيدخل علي الخامس انا مجربتهاش عنده خدتها ومشيت وكان حسابه 300 قاللي مصنعيته بس 150 اتصلت بيه عشان اقله عالخامس ورحتله لما بص عليه حسيت من وشه انه كان مركبه غلط بس مرضاش يقوللي وقاللي ماشي تعالي بكره المهم انا مكنتش فاضي ورحتله بعد اسبوعين بس ماسيبتلوش العربيه زي كل مره قلت لازم افضل واقف معاه معملش ايه حاجه ...لقيته بس فك مسمار وركبه تاني وقعد يوزن شوية حاجات المهم اتعدلت وزود شوية زيت طبعا كان عارف وحاسس من طريقتي معاه اني متنرفز ومش ناوي اديه فلوس وبعدين سابني وراح مش عارف فين فسالت الصبي اللي معاه قلتله هو كده خلص قاللي تعاللي نجرب العربيه جربيتها وتمام المهم قلت للصبي بتاعه هو كده خلص قاللي لسه بس حيقفل المهم رجعنا الورشه وجه الميكانيكي قاللي خلاص كده قلتله الصبي قاللي حيقفل او حيربط قاللي لأ خلاص وقاللي ان الفتيس بيهرب زيت ومش حيستحمل معاك يومين ولازم يتفك ومش عارف جلب ايه تتغير وجيتكلف 700 كمان ولازم اسيبله العربيه يومين وان مصنعية فكه بس 400 قلتله امال انت اول مره عملت ايه وانا سيبتلك العربيه يوم كامل تعمل ايه وخدت 300 علي ايه وانا اساسا قلتلك ظبته كله فانا كده استنتجت انه اول مره عمل برده نفس اللي عمله المره ده ويادوب ظبط حاجه عالواقف واشتغلني وقاللي ان فيه خراطه ومش عارف ايه ولهف 300 دلوقتي انا روحت ومشيت بالعربيه عادي وركنتها بالليل المهم لقيت الصبح تحت العربيه كل الزيت نازل من الفتس من تحت او انا مستنتج انه زيت الفتيس انا حاسس انه مربطش كويس عشان الزيت ينزل واضطر اجيله تاني مش عارف اعمل ايه اروح لواحد تاني ولا ارجع للفقري ده وامري لله ولا اشتري فتيس جديد وايه الصح في الحاله ده ويتصلح ازاي عرفوني ارجوكم لحسن كرهت العربيه والسواقه بقالها شهر وكل يومين تلاته اصرف بتاع 300 مره تكييف مره فتيس لحد ما زهقت والصنايعيه ب100 كلمه وراكنها تحت البيت وخايف امشي كده من غير زيت فتيس شكرا واسف علي الاطاله 
|
|
#2
18-09-2011, 02:08 PM
|
||||
|
||||
|
رد: الحقوني ......الميكانيكي بوظلي العربيه مش عارف اعمل ايه معاه
تخيل انا عمرى ما شوفت فتيس بيجيب زيت اللهم ما ان ممكن الطبة بس هى اللى تكون بتسرب
انما فتيس بيجيب زيت طب هى اوتوماتك ولا مانيوال ؟؟؟؟
__________________
يااااااااااااا رب إرحمنا بقدرتك علينا 
|
|
#3
18-09-2011, 04:21 PM
|
|||
|
|||
|
رد: الحقوني ......الميكانيكي بوظلي العربيه مش عارف اعمل ايه معاه
روح شوف عند ميكانيكي تاني بس تكون واثق فيه
واحكيله اللي حصل وقوله العيب من ايه لو طلع الاولاني بوظلك حاجه طبعا تروحله ومتسيبش حقك واكيد الاخوه هنا هيفيدوك اكتر مني ! وحاسس بيك .. ربنا معاك
|
|
#4
18-09-2011, 10:04 PM
|
|||
|
|||
|
رد: الحقوني ......الميكانيكي بوظلي العربيه مش عارف اعمل ايه معاه
اسأل اي حد معرفتك علي ميكانيكي هو بيثق في شغله وامانته وخليه يروح معاك واسمع منه وخلي عينك عليه وهو شغال ونصيحة متسبلوش العربية ولا لأي صنايعي ومتروحش للاولاني تاني وربنا يعوض عليك في اللي فات والعلام مش ببلاش
|
|
#5
18-09-2011, 10:55 PM
|
|||
|
|||
|
رد: الحقوني ......الميكانيكي بوظلي العربيه مش عارف اعمل ايه معاه
انا ركنتها انهارده عند البيت وانا طالع لقيت في بقعة زيت كبيره قد شبرين تلاته كده
رحت الشغل قعدت 5 ساعات لقيت برده نفس الكميه قمت ركنتها وبصيت تحتها لقيت في حاجه بتنقط كده من تحت بس صراحه مش عارف هو ايه بس غالبا زيت الفتيس لان الموتور زيته كويس مش ناقص وهو الفتيس اللي بيسرب هو قريب من العجله الشمال اللي قدام ناحية نص العربيه كده يعني في خط النص من جنب العجله الشمال رحت كده مركز خدمه كده عالطريق شفعها من تحت الحفره وورهالي لقيتها معرقه كلها من تحت من كارتيرة الفتيس ومن تحت الموتور بس قاللي متقلقش ممكن يكون كرتيرة الزيت مهربه او اويلسيل بس انا خايف الموتور يكون متاثر او الفتيس يكون حصله حاجه انا ماشي موسوس وحاسس ان الغيارالتاني تقل سنه بسيطه انا بكره حروح لميكانيكي تاني وامري لله
|
 |
|
|
