|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#1
03-04-2009, 10:33 AM
|
||||
|
||||
|
ندالة أهلها !!!!
ميت ألف فرصة عشان أسيب مصر
ولا عمري سبتها علشان هى بلادي اللي بجد بحبها بحبها بكدبها وصدقها بحب فيها أصالة وندالة أهلها بحب فيها السهر بحب زيفها وأصلها بحب فيها طلعة الشمس تنور وشها بحب فيها القمر طالع يغازل حسنها بحب فيها المشي علي شط نيلها وبحرها بحب فيها بناتها راسمين ملامح شعبها دي بنت مايصه وحاطه ورده فـ شعرها ودي بنت جد ونازلة جري لشغلها هتلاقي فين بلد فيها الكنايس والجوامع بتحضن بعضها  مسلم مسيحي إخوات راضعين طيبة من صدرها  نبع الحنان ويناموا حاضنين أرضها هتلاقي فين تاني بلد كل حاجه فيها تخليك تحبها هتقولي ظالمه هقولك برضو بحبها هتقولي ضالمة مهو ده سواد شعرها هتقولي زحمة هقولك علشان بنعشق أرضها هتقولي فيها فساد هقولك ده من طيبة شعبها جرب كده تسهر ولو وحدك علي ضف نيلها وحبها جرب تشوف بنت حلوة مع شاب واقف جمبها بيحبها شايل في قلبه هموم الدنيا كلها وبرضو بيحبها جرب كده تاكل درة وترمس علي شطها وتشوف وشوش الناس واضحك زيها طب وانت ماشي لوحدك ووقعت في مشكلة مش بتلاقي ألف واحد جمبك بيحلها لا تعرفهم ولا يعرفوك بس جمعكم حبها أهي هي دي مصر زاحمه ظالمة فاسده ضالمه مش مهم ده كفايه خفت دمها هافضل لمصر أقول وأعيد أنا أصلي عاشق أرضها وطبعا ده كله كلام في الهوا أنا لو تجيني نص فرصة هقول لها بالسلامة يا مصر ومش عايز أشوف وشها وهي دي بقى ندالة أهلها
__________________
 
|
|
#2
03-04-2009, 10:43 AM
|
|||
|
|||
رد: ندالة أهلها !!!!
ليه كده يا سمسم !!!!!!!ptmnlo123per144
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#3
03-04-2009, 10:52 AM
|
||||
|
||||
|
رد: ندالة أهلها !!!!
ياباشا الكلام ده لا يعبر عن وجهة نظري تماما أنا بس الزجل ده عجبني لا أكثر ولا أقل وأنا عن نفسي بموووووووووووت في تراب مصر
__________________
|
|
#4
03-04-2009, 10:59 AM
|
||||
|
||||
|
رد: ندالة أهلها !!!!
ده تأليفك يا سمسم
الكلام كله وجعني ، مش قادر أنكره و مصدوم لأن الحقبقة مرة قوي المعني هو المعني بس الحقيقة كلماتك بتوجع قوي
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#5
03-04-2009, 11:01 AM
|
|||
|
|||
|
رد: ندالة أهلها !!!!
هو الاسلوب جميل ...
بس انا مش فاهم الهدف منه.... نقد ... و لا .... حاجه تانيه !!!! انا مصر مطلعه عيني ... وقارفاني في عيشتي ... والزحمه و الدوشه و كل حاجه ... بس عمري ما قلت على اهلها نداله !!!!! يعني احنا شعب ندل !!!! مين اللي كتب الزجل ده ؟؟
__________________
من تواضع لله رفعه The ultimate car would be designed by Italians engineered by Germans built by Japanese &
|
|
| أدوات الموضوع | |
|
|
