ياريت حد يفكرنا بصيانة ال5000 كيلو

[aymanlaw]

ياريت ياجماعة حد يفكرنا بصيانة ال5000 الاف لأنى لسه معملتهاش.........وكل سنة وجميع الجيكاوية بخير وسعادة وعيد سعيد على جميع رواد واصدقاء مصر موتورزR OSE4URO SE4UROS E4U

[odaoda]

صيانة تقليدية تغير زيت وحجات بسيطة مش فاكر اوى بصراحة
اية يا دكتورنا انت مبتركبش العربية ولا اييييييييييية

[د.كمال]

إيه ياأستاذ أيمن .......إنت بتحسس على العربيه ولا إيه ؟؟؟؟
عموما الصيانه تغيير زيت وتربيط عفشه وتغيير فلتر زيت وبنزين والمصاريف كانت 200 جنيه لانهم حطوا زين 5 الاف ........إنما معاك هتزيد عن كده لانهم بقوا يحطوا زين 10 الاف .....وياريت تخليهم يغسلوا العربيه .......أنا فى صيانه ال10 الاف خليتهم يغسلوا العربيه والمتور من التراب وطلعت ذى الفل ....
ياريت ياأستاذ أيمن تكلمهم فى التوكيل فى موضوع الدعايه للعربيه والتقصير وتعملنا تقرير بالصيانه وما حدث معك
واخيرا كل عام وانت بخير وعيد مبارك عليك

[aymanlaw]

المشاركة الأصلية كتبت بواسطة odaoda صيانة تقليدية تغير زيت وحجات بسيطة مش فاكر اوى بصراحة اية يا دكتورنا انت مبتركبش العربية ولا اييييييييييية

يعنى لازم اعملكو كمين علشان الغليين يتكلموا--عموماً كل سنة وانت طيب يا أستاذ اودا ,والعبدلله مش دكتور,مجموعى مجبش طب,علشان مكنتش بذاكر,يعنى يدوبك جاب حقوق اسكندرية,بس ده كان امتى ده ياسيدى كان سنة 1980 !!!!!!!!!!!!!ياه ايام ,المهم كل سنة وانت طيب وعيد سعيد عليك وعلى الB15 وكل حبايبك................شكر اً على الردROS E4U:fun_36_3_ 1[1]:

[aymanlaw]

المشاركة الأصلية كتبت بواسطة د.كمال إيه ياأستاذ أيمن .......إنت بتحسس على العربيه ولا إيه ؟؟؟؟ عموما الصيانه تغيير زيت وتربيط عفشه وتغيير فلتر زيت وبنزين والمصاريف كانت 200 جنيه لانهم حطوا زين 5 الاف ........إنما معاك هتزيد عن كده لانهم بقوا يحطوا زين 10 الاف .....وياريت تخليهم يغسلوا العربيه .......أنا فى صيانه ال10 الاف خليتهم يغسلوا العربيه والمتور من التراب وطلعت ذى الفل .... ياريت ياأستاذ أيمن تكلمهم فى التوكيل فى موضوع الدعايه للعربيه والتقصير وتعملنا تقرير بالصيانه وما حدث معك واخيرا كل عام وانت بخير وعيد مبارك عليك

وحشنى يادكتور كل سنة وانت والعائلة الكريمة بخير وكل أهل المواجهة الأبطال اهل سيناء الغالية,وبعدين بلاش بحسس دى الهم إنى صايم ههههههههههههه,زى متقول كده مليش نفس اسوق والله زهقت من السواقة ,وبعدين الظاهرة العجيبة انه فى خلال السنتين دول العربيات كترت بشكل مزعج,وللأسف الشعب المصرى مبيحبش النظام والمسئولية ,وعلية فأنك تجد الأمور كلها سداح مداح ,فلم تعد السواقة متعة لالالالالالالا,دى اصبحت ارتكاب زنوب لأنك طول الوقت مش راضى عما يحدث فى الطرقات فأما إنك بتنتقد بكلام محترم او فى النهاية تبدأ تشتم لأننا مش ملائكة ,تصدق يادكتور انا متعتى وأن راكب تاكسى لأنك بتبقى جالس وبتستمتع وبتشف الى مبتشفهوش وانت سايق وكمان ممكن متستمتعش وانت راكب التاكسى لأنه اصبح هناك اشياء كثيرة تثير الأشمئزاز,معلش الموضوع كده بقى شكله يغم فى ايام جميلة ,,,انا أسف يادكتور أنا فعلاً مبسقش العربية كتير وهى عاملة دلوقتى 5620 كيلو وهى معايا من يوم 25 -5 -2010 ورخصتها 1-6-2010 ,كمان العربية وخده خبطة فى الباب اليمين جمده قوى وحته من الرفرف الخلفى خفيفة والحمدلله على كل حال ولسه معملتش الخبطه ومش هعملها دلوقت ,يعنى هسبها شوية ,ياه برغى كتير ,كل سنة وانت وكل حبايبك بخير ويارب عيد سعيد عليك وعلى منتدى مصر موتورز كله