حد سافر مرسي مطروح اليومين دول

[TELEBK]

السلام عليكم و رحمة الله وبركاته
إن شاء الله ، نويت أطلع أنا والأسره رحلة لمرسي مطروح ، وفيه ناس كتير خوفتني من الطريق ، أنا مشيت عليه قبل كده وأنا رايح الساحل ، بس اليومين دول قلق ، وربنا يستر ، وخصوصا معايا الحاج والحاجه والمدام والبنات ، وكنت عايز أعرف أخبار الطريق إيه ، وإيه أخبار الرادرات علي الطريق وخصوصا طريق وادي النطرون وأماكنه فين ، وبعدين طريق مرسي مطروح من علي الساحل ، وأخبار السرعات والراردات عليها إيه ، وتقريبا الرحلة تاخد وقت أد إيه ، ولو حبيت أريح شوية في الرست هاوس تقريبا يبقي زمن الرحلة في حدود أد إيه .
ياريت لو حد راح مطروح وشاطئ الأبيض يرسم ليه خريطة من أول مدخل مطروح لحد ما أوصل لحد الشاطئ .
وكل عام وأنتم بخير
وعيد سعيد

[SHERIF MARLBORO]

انا طلع عندنا فى المنطقة و العمارة رحلات مطروح اكثر من 5 مرات و كله تمام الحمدللله
و لو برضوا يكون افضل انك تكون بالنهار يعنى لو انت من القاهرة حاول تتحرك من عندك الساعه 8 الصبح مثلا بيحث توصل على 4 او 5 المغرب بالكتير و ربنا المستعان

[TELEBK]

المشاركة الأصلية كتبت بواسطة sherif ride انا طلع عندنا فى المنطقة و العمارة رحلات مطروح اكثر من 5 مرات و كله تمام الحمدللله و لو برضوا يكون افضل انك تكون بالنهار يعنى لو انت من القاهرة حاول تتحرك من عندك الساعه 8 الصبح مثلا بيحث توصل على 4 او 5 المغرب بالكتير و ربنا المستعان

مع خالص شكري وتقديري لإهتمامك .

[Eng/salwa]

السلام عليكم
على فكرة احنا سافرنا مطروح و لسة جايين قبل رمضان مباشرة لان الاولاد لسة مخلصين امتحانات ثانوية عامة
نصيحة حضرتك اعمل مثلنا لاننا سمعنا عن القلق الله حاصل فى طريق مرسى مطروح للسيارات الملاكى بالذات تركنا انا و زوجى السيارتين الخاصين بنا و اخواتى ايضا سيارتهم الاربعة و بدلا من ذلك ذهب زوجى و زوج اخت على ميكروباص رحلات من موقف مشعل بالهرم
و كنا جميعا مرتاحين من السواقة و لم نتعرض لبلطجية الملاكى فى هذه الظروف و الوقت كان من اكتوبر حوالى 4 ساعات فقط حتى و صلنا الى بانوراما عجيبة و هو شاطئ عائلات و رايق جدا و نظيف و لو حضرتك عاوز تليفون السائق ممكن اسال زوجى عنه لان سواقته متعقله جدا و بالتوفيق و اجازه سعيده و السلام للمدام و البنات و دعوات الحلجة و الحاج

[TELEBK]

المشاركة الأصلية كتبت بواسطة سلوى محمد بريقع السلام عليكم على فكرة احنا سافرنا مطروح و لسة جايين قبل رمضان مباشرة لان الاولاد لسة مخلصين امتحانات ثانوية عامة نصيحة حضرتك اعمل مثلنا لاننا سمعنا عن القلق الله حاصل فى طريق مرسى مطروح للسيارات الملاكى بالذات تركنا انا و زوجى السيارتين الخاصين بنا و اخواتى ايضا سيارتهم الاربعة و بدلا من ذلك ذهب زوجى و زوج اخت على ميكروباص رحلات من موقف مشعل بالهرم و كنا جميعا مرتاحين من السواقة و لم نتعرض لبلطجية الملاكى فى هذه الظروف و الوقت كان من اكتوبر حوالى 4 ساعات فقط حتى و صلنا الى بانوراما عجيبة و هو شاطئ عائلات و رايق جدا و نظيف و لو حضرتك عاوز تليفون السائق ممكن اسال زوجى عنه لان سواقته متعقله جدا و بالتوفيق و اجازه سعيده و السلام للمدام و البنات و دعوات الحلجة و الحاج

مع خالص شكري وإحترامي ، وسؤال لحضرتك هل الطريق بالمكروباص ماكنش فيه مشاكل أو ماوجهتكوش أي مشاكل أو قلق في الطريق .