|
سيات SEAT سيات SEAT سيات الاسبانية الاصل الالمانية الطابع قائد الجناح الرياضى فى مجموعة فولكس الالمانية من اهم موديلات سيات كوردوبا ابيزا وتوليدو وليون |
|
أدوات الموضوع |
#1
|
||||
|
||||
سؤال لخبراء الإبيزا
السلام عليكم
معروض عليا إبيزا 99 فيها موتور 1600 لكن مثبوت علي الرخصه 1400 " ومفتريه في الجري جدا " وراكبلها إسكاترا وخزنة دركسيون بور بتوع الـ 2001 رشه برا وكمان رشا حلوق الأبواب علي اللحم نضافه علشان كان فيها خربيش كتيير هي لونها مش حلو شويه " أخضر فسفوري " وكمان الصالون بتاعها مش أد كدا وناقصها التالجه بس والتكييف يشتغل وكمان الطابلوه مش أوي يعني " لكن مش وحش " وفيها طقم جنوط عريض وزجاج كهربا ووحدات رفع هي ممكن تخلص علي 29 إيه رأيكم ... أخلص فيها وأظبطها يعين ممكن شوف لها صالون إستيراد " الكرسيين والكنبه " وكمان طابلوه ولو فيها حاجه في العفشه " جلب ولا بيض " أنا بجد محتار حاببها جدا بس خايف منها في نفس الوقت أرجوووووووووووووووا الإفاده ولو حد كمان عنده فكره عن أسعار قطه الغيار وآسف جدا للإطاله |
#2
|
||||
|
||||
رد: سؤال لخبراء الإبيزا
بص العربيه دى لقطه بالتمن ده
ده انا شايف مودديل 99 ب 35 الف و فى موديل98 ب 38 الف كمان توكل على الله بس اتاكد من حالتها حتى لو هتصرف عليها 1000 او 2000 انت برده الكسبان فى اعاده البيع دى اسعار قطع الغيار اكصدام استيراد 550 جنيه فانوس امامي150-180 و ممكن يكون اقل حسب نوعه اشارة:ديبو 45 جنيه tyc ب 25 جنيه الماستر حوالي 140 تكييف استيراد 2500-3000 شبوره 300 استيراد العدادات بيتباع كله علي بعضه من 300-350 جنيه استيراد بالفيشه بتاعته حساس حرارة هيبقي في حدود 100 جنيه لامة سيات ادام استيراد من دمياط ب 60 جنيه عواكس باب الشنطة 150 اللي لونهم اسود من دمياط استيراد طبعا الجديد هنا عند سامح ابيزا 800 جنيه لو جبتهم استيراد هيبقوا في حدود 250 جنيه ده لو حد رضي يديهملك هنا لوحدهم انما 99% من التجار بيقولك خد باب شنطة كامل ب 450 جنيه بكل محتوياته و بعدين كنت بتقول الطابلوه مش اوى تابلوه كامل بكل محتوياته 800 جنيه يا عم -شبكه أماميه 85 جنيه. -علامة سيات 55 -فلتر بنزين أصلى 90 -فلتر زيت 30 -غطاء ردياتير 25 -بلية شداد دينامو 100 -ماستر فرامل 95 -سيرفو (مستعمل) 200 -إشارة أمامية 30 -2 كوبلن (مستعمل) 250 -بطاحة (مستعمل) 80 -جلبة مقص 60 -قاعدة موتور (مستعمل) 120 -مراية جنب عادية 120 -فانوس أمامى كامل 150 -وش فانوس 50 -دينامو كامل (مستعمل) 300 -حساس حرارة(للأمبير) 55 -رفرف أمامى 300 -زرار زجاج كهرباء خلفى 35 قاعدة الموتور جديدة من كام سنة كانت ب 180 جنيه يبقي ال120 ده كتير علي المستعمل - طلمبة الباور 275. (السراج - الحرفيين) - سير الدينامو 70. (الشيخ حسن - الحرفيين) رفرف أمامى (مستعمل بحالة الزيرو) 200. - مرآة كهرباء (مستعمل) 200. - مرآة عادية (مستعمل) 120. - علامة سيات (مستعمل) 45. الاسكاترا جديدة هتبقي في حدود 400 جنيه و يستحسن متجبش جديد هاتها استيراد هتعمل 300-350 :pod_of_gold ::pod_of_gol d: |
#3
|
||||
|
||||
رد: سؤال لخبراء الإبيزا
تسلم يا باشا علي الرد السريع
معلومات وافيه جدا ..... جزاك الله خيرا هو بس الراجل ماسك علي تلاتين هروحله النهارده وربنا يسهل بالخير ملحوظه : طلعت 98 مش 99 كدا في فرق في رأي حضرتك بخصوص سعرها ..... ؟؟؟ وأسعار قطع الغيار فيها إختلاف ولا كله واحد .... ؟؟؟ و ألف شكر مره تانيه |
#4
|
||||
|
||||
رد: سؤال لخبراء الإبيزا
لا مفيش فرق ما بين 98 و 99
الاتنين زى بعض |
#5
|
||||
|
||||
رد: سؤال لخبراء الإبيزا
أنا خلصت في العربيه علي 30 ألف من كام يوم
و كان فيها كوبلن و جلبة مقص و بيضة رحت عملتهم كلفوني 275 بالمصنعيه ... ( ركبت كوبلن خارجي بس .. الراس التيوان بـ 125 ) |
|
|