وبدات مشاكل التيجو ؟؟؟ ارجو المساعدة

[flight_angle]

السلام عليكم جميعا

عربيتى تيجو 1600 عاملة 6500 كيلو

بدات المشكل بالعفشة اللى كل شوية عايزة تتربط

ثم العضة اللى فى الفتيس

ثم حدفة الدركسيون لليمين

ومرورا بذلك ظهر اخيرا صوت سكتين عند كل دوسة على الديرياج بشكل غريب

مع وجود صوت سكة فى الدركسيون عند الضعط على الكلاكس

مع تزييق ورجة فى الزجاج اللى جنب السائق عند خفض الزجاج ورفعة

كل هذا والعربية لسة جديدة

فياترى هل من مشاكل اخرى سوف تظهر فى المستقبل ( وهل السيارة كلها مشاكل للدرجة دى )

ارجو الافادة والمساعدة فى هذة المشاكل من اصحاب الخبرة

خصوصا وان الصيانة زى المثل اللى بيقول ( جبتك ياعبد المعين تعينى لقيتك ياعبد المعين عايز تتعان )

وشكرا لتعاونكم

[aymanlaw]

ارجوك لاتقلق لأنها شكاوى بسهل حلها يعنى الحمدلله مش شىء مخيف ,يعنى العفشه عيزه تربيط وده شىء طبيعى لأن التجميع مصرى زى محضرتك عارف وايضاً تزييق الزجاج اوالرجه المهم انه فى الصيانه حضرتك متسبهمش إلا وحضرتك حالل كل المشاكل بأذن الله ,وبعدين العربيه فى المجمل محترمة جداً وربنا يعطيك خيرها ويحميك من شرها,وعقبال صيانة المليون كيلو

[Joker2012]

الحمدلله الذي انقذني من ورطة التيجو قبل ما اوقع فيها

[aryme]

مش معنى ان حصل معاك مشاكل زى دى تبقى العربية وحشة انا العربية معايا عاملة 15000 كيلو وواجهت مشاكل بسيطة فى الاول بس الحمد لله اتحلت ولو قارنتها بحاجات كتير تانية فى نفس مستواها المادى هتلاقى انك انت الكسبان وراكب عربية حلوة كشكل وعملية جدا بالنسبة للشوارع المصرية بتاعتنا وتربيط العفشة يمكن دا العيب الوحيد الى انا شايفة فيها بس مش مهم كل 5000 كيلو اربطها عند اى حد ب40 جنية اخرة اوى وخلاص وربنا يباركلك فيها ويكفيك شرها

[Bendary]

معلش كلها حاجات بسيطة
بالنظر لانها صينى وتجميع مصرى ، اذن الحاجات دى وارد حدوثها .
لكن العربيه بها مميزات كتير وناس كتير بيشكروا فيها
المهم لا تضايق نفسك وحاول تصليح هذه العيوب وربنا يباركلك فى عربيتك ويكفيك شرها .