عندى سماعتين فاصلين ومش عارف السبب ايه ...

[حسام البورسعيدى]

السلام عليكم ورحمة الله ..


عندى مشكلة فى السماعات فى الأفانت ...

انا عندى اربع سماعات بتوع العربية الاصليين والكاسيت الاصلى ...

من كام يوم لاحظت ان عندى سماعتين فاصلين من الاربعة .. سماعة الباب الشمال والسماعة اليمين الخلفية ...

طبعا شيكت على زرار تحويل الصوت اللى فى الكاسيت وطلع تمام ...

وفكيت الكاسيت على امل الاقى حاجة فاصلة دون جدوى ...

انا شيكت على سلك السماعة اللى ورا ولقيته واصل كويس ...

يا ترى المشكلة فين يا جماعة ؟؟؟؟؟

[حسام البورسعيدى]

كده يا جدعان محدش يعبرنى خالص ...

مكنش العشم

ياباشا احنا نقدر على زعلك
دا نت غالي علينا
اعتقد طالما السلك كويس
ممكن يكون السماعة نفسها الرق بتاعها باظ
الرق اللي هو الحتة الفضي الدائرية دي اللي على السماعه نفسها
هات سماعة مكانها وجرب
لو اشتغلت يبقة السماعه هي اللي باظت
لو السماعة اللي حطتها مكان اللي بايظة ماشتغلتش يبقى خرج الكاسيت او السلك اللي رايح للسماعة نفسة مقطوع من حتة انت مش شايفها
اهم حاجة تجرب بسماعه تبقى واثق انها شغالة تمام

[د.هبه77]

ما شا ءالله اية الدقة دي هي السماعة دي بتبقي فين!!!؟

[حسام البورسعيدى]

المشاركة الأصلية كتبت بواسطة walidelwahsh ياباشا احنا نقدر على زعلك دا نت غالي علينا اعتقد طالما السلك كويس ممكن يكون السماعة نفسها الرق بتاعها باظ الرق اللي هو الحتة الفضي الدائرية دي اللي على السماعه نفسها هات سماعة مكانها وجرب لو اشتغلت يبقة السماعه هي اللي باظت لو السماعة اللي حطتها مكان اللي بايظة ماشتغلتش يبقى خرج الكاسيت او السلك اللي رايح للسماعة نفسة مقطوع من حتة انت مش شايفها اهم حاجة تجرب بسماعه تبقى واثق انها شغالة تمام

ربنا يخليك ليا يا باشا ويديم المعروف بيننا يا رب ...

المشكلة ان سماعتين فاصلين مش واحده بس .. والاتنين فصلوا مع بعض تقريبا فده مخلينى حاسس ان السماعات سليمة ...


وخايف اوديها لحد عميانى كده علشان ميلعبش فى الكهربا ويبهدل الدنيا ع الفاضى او يشتغلنى ويقولى الكاسيت محتاج تصليح وكده ..


الكاسيت ده فيه امكانية تحويل الصوت ما بين السماعات الخلفية والامامية وفى نفس الوقت ما بين السماعات على اليمين وعلى الشمال .. وطبعا انا خليت الزارا ده فى النص بالظبط فى الحالتين ..


فهل ممكن تكون المشكلة من الكاسيت ؟؟