انا لله وانا اليه راجعون الصني اتجرحت يا جدعان

[suezboy01]

انا لله وانا اليه راجعون ,,,,, كلمات ابدأ بها موضوعي
السيد الوالد كان سايق العربيه الصني بتاعتنا وخبط في اكصدام ميكروباص حديد خربش الخوصه اللي على الشمال وطبق جزء مساحته 20 سم من الباب الامامي بدون خربشته وكمل على الباب اللي ورا بس طبعا الاكصدام الحديد بتاع الميكروباص كان زي المسمار اخد الباب اللي ورا بجرح غائر في الصاج ادي الى تقشير البويه وتطبيقه وتطبيق اول جزء من الباب الخلفي بعد الباب الامامي مباشرة وكذلك الجزء الاول من الرفرف الخلفي بعد الاب الخلفي مباشرة والبويه اتقشرت ووقعت
بصراحه انا حاسس انه خربوش جااامد في قلبي لان العربيه لسا جديده 2011 بس الحمد لله
ياريت تفيدوني انا ناوي اخدها التوكيل مودرن موتورز اللي في الهايكستب بس مش دلوقت لحد ما ييجي ميعاد الصيانه الدورية كمان 3000 كيلو مع العلم ان تحركنا بيها قليل يعني لسا بدري على الصيانه
حد يقولي بقا اعمل ايه مؤقتا عشان الصدأ ميمسكش في الصاج اللي اتقشر دا ويبقا حل مؤقت لحد ما اروح التوكيل واعدلو وارشه
شكرا اخوتي ربنا يبعد عنكم كل سوووء

[حسام البورسعيدى]

المشاركة الأصلية كتبت بواسطة suezboy01 انا لله وانا اليه راجعون ,,,,, كلمات ابدأ بها موضوعي السيد الوالد كان سايق العربيه الصني بتاعتنا وخبط في اكصدام ميكروباص حديد خربش الخوصه اللي على الشمال وطبق جزء مساحته 20 سم من الباب الامامي بدون خربشته وكمل على الباب اللي ورا بس طبعا الاكصدام الحديد بتاع الميكروباص كان زي المسمار اخد الباب اللي ورا بجرح غائر في الصاج ادي الى تقشير البويه وتطبيقه وتطبيق اول جزء من الباب الخلفي بعد الباب الامامي مباشرة وكذلك الجزء الاول من الرفرف الخلفي بعد الاب الخلفي مباشرة والبويه اتقشرت ووقعت بصراحه انا حاسس انه خربوش جااامد في قلبي لان العربيه لسا جديده 2011 بس الحمد لله ياريت تفيدوني انا ناوي اخدها التوكيل مودرن موتورز اللي في الهايكستب بس مش دلوقت لحد ما ييجي ميعاد الصيانه الدورية كمان 3000 كيلو مع العلم ان تحركنا بيها قليل يعني لسا بدري على الصيانه حد يقولي بقا اعمل ايه مؤقتا عشان الصدأ ميمسكش في الصاج اللي اتقشر دا ويبقا حل مؤقت لحد ما اروح التوكيل واعدلو وارشه شكرا اخوتي ربنا يبعد عنكم كل سوووء

معلش يا باشا قدر الله وما شاء فعل ... وباذن الله هتتصلع وترجع زى الاول واحسن كمان ...

عموما ممكن دلوقتى تغطى الجزء المتقشر بشيكارتون او سوليتب مؤقتا لغاية ما تتصلح باذن الله ...

[msi_msi2002]

لا حول ولا قوة الا بالله

[بدر بسيونى]

قدر الله وما شاء فعل والحمد لله على كل شئ واهم حاجة انك انت والوالد

والموضوع مش مستاهل تشغل بالك بالصدئ انت مش حتسبها شهور يعنى

ومش لازم تعلمها فى التوكيل حتتكلف كتير اوى لو فى اى صنايعى بره مضمون اعملها عنده وبالتوفيق

[memodina1]

لا حول الله بص انت فعلا تعملها برة احسن وخد بالك انى الواد بتاع الدهان ميحطش معجون كتير اوى فى الفبر بالذات عشان ميكسرش بسرعة وان شاء الله خير