بنزين 92 وتسقيف في المكنه

[ORGANIC_MAGIC]

دلوقتى انا بحط بنزين 92 من ساعه مشتريت العربيه والعربيه فيها صوت تسقيف او كركره لحد مثلا سرعه 60 ك/س وبعدين يختفي

هو مش شغال علي طول بيروح ويجي بس صوت مقرف جدا بحس اكنى حاطط بنزين 80

الشهر اللي فات كنت لسه عامل صيانه منظف دوره البنزين ومغير الفلتر بتاع البنزين وطرمبه البنزين وكل ماله علاقه بالبنزين (بس منظفتش التانك)

مش عارف اقضي علي الصوت دا - ياريت لو حد عنده اجابه يقولى

انا رحت لكذا ميكانيكي يقولى دا مش صوت تسقيف دا كهربا زياده في الموتور الموتور عايز تتظبط كهربته اروح للكهربائي يقولى هاه مش فاهم


اعمل ايه بقي

[hyundai2005]

يا جميل فعلا دي مهرباء زياده والميكانيكي اللي يعملها مش الكهربائي ولو حضرتك ليك شويه فالعربيات ممكن اقولك طريقه ظبطها وتعملها بنفسك في دقيقه واحده بس

[ironheart]

ياريت تقول نعمل اية اصلى عربيتى لانوس بحط بنزين 92 وحطيت منظف رشاشات وعملت كل حاجة
وبيحصل تسقيف على كل غيار او لما اكبس بنزين شوية هو صوت ضعيف بس ينرفز
انا غيرت كزا محطة مع كزا تفويلة وغيرت الفلتر
مش عارف اعمل اية



متابع باهتمام

[hazem_khidr]

التسقيف له كذا سبب مش بنزين فقط
اتاكد اولا ان البنزين نضيف و من بنزينه موثوق فيها
2.شوف مياه التبريد لو بقالها زمان ما غيرتهاش يبقي غيرها مع تنظيف دوره التبريد
3.شوف الزيت و لو بتستعمل زيت خفيف جدا غير مناسب للموتور انقل الي زيت نصف تخليقي متعدد الدرجات
4.كهربا العربيه لكن لو مش مظبوطه بالتاكيد كان الميكانيكي ظبطها

[hyundai2005]

طبعا يا حزومه الميكانيكي قال كهرباء زياده بس شكله ماكنش عايز يشتغل فالعربيه المهم الطريقه سهله جدا وبسيطه
ولو انك ممكن تعدي علي اي ميكانيكي وتخليه يظبطلك كهربه العربيه واغمزه بخمسه سته جنيه ولو عايز تعملها بنفسك وعندك شويه خبره فك مسمار الرجلاش في الاسبراتير وعلي شويه او وطي شويه يعني يميين وشمال وكل ماتحرك سنه زود بنزين لحد ما الكركره او السكه تروح وصوت المكنه يهدي بس اوعي تكتم العربيه قوي واربط المسمار تاني مش حتاخد اكتر من دقيقتين بالظبط وكمان حتحس بفرق في استهلاك البنزين